LESON 21
Ki mannyer sa bon nouvel pe ganny anonse?
Byento Zeova pou servi son Rwayonm pour tir tou nou problenm. Sa nouvel i tro bon pour gard zis pour nou. Zezi ti anvi ki son bann disip i anons sa mesaz avek tou dimoun! (Matye 28:19, 20) Ki mannyer Temwen Zeova in fer sa ki Zezi ti demann zot pour fer?
1. Ki mannyer Matye 24:14 pe ganny akonplir ozordi?
Zezi ti predir: “Sa bon nouvel Rwayonm pou ganny anonse partou lo later.” (Matye 24:14) Temwen Zeova i byen kontan pour partisip dan sa travay enportan. Nou pe anons sa bon nouvel partou dan lemonn dan plis ki 1,000 langaz! Sa gro travay i demann bokou zefor ek lorganizasyon. I pa ti pou kapab ganny fer san led Zeova.
2. Ki zefor nou fer pour pres avek dimoun?
Nou pres avek dimoun partou kot nou vwar zot. Parey bann Kretyen dan premye syek, nou pres ‘kazankaz.’ (Akt 5:42) Sa fason fer i permet nou pour koz avek plizyer milyon dimoun sak lannen. Vi ki dimoun pa toultan kot zot, nou osi pres dan plizyer landrwa piblik. Nou toultan pe rod loportinite pour koz avek lezot lo Zeova ek son plan.
3. Lekel ki annan responsabilite pour anons sa bon nouvel?
Tou vre Kretyen i annan sa responsabilite pour anons sa bon nouvel avek lezot. Nou pran nou responsabilite o serye. Nou pres otan ki nou sityasyon personnel i permet nou, akoz nou realize ki lavi dimoun i an danze. (Lir 1 Timote 4:16.) Nou pa ganny peye pour fer sa travay akoz Labib i dir: “Zot in resevwar pour nanryen, donn pour nanryen.” (Matye 10:7, 8) Pa tou dimoun ki aksepte nou mesaz, me nou kontinyen prese akoz i form parti nou ladorasyon e i fer Zeova kontan.
AL PLI O PROFON
Aprann plis ankor lo bann zefor ki Temwen Zeova i fer pour prese partou dan lemonn e vwar ki mannyer Zeova i ed nou.
Predikasyon partou dan lemonn: (A) Kosta Rika, (B) Leta-z-ini, (C) Benen, (D) Taylenn, (E) Yap, (F) Laswed
4. Nou fer bokou zefor pour arive koz avek tou dimoun
Temwen Zeova i fer bann zefor spesyal pour anons sa bon nouvel avek dimoun partou. Zwe sa VIDEO e apre reponn sa kestyon.
-
Kwa ki enpresyonn ou konsernan zefor ki Temwen Zeova i fer pour prese?
Lir Matye 22:39 ek Romen 10:13-15 e apre reponn sa bann kestyon:
-
Ki mannyer ler nou prese i montre ki nou kontan nou prosen?
-
Ki mannyer Zeova i santi anver bann dimoun ki anons sa bon nouvel?—Vwar verse 15.
5. Nou travay ansanm avek Bondye
Bokou leksperyans i montre ki Zeova pe diriz nou travay. Par egzanp, en frer Nouvel Zelann ki apel Paul ti zwenn en madanm ler i ti pe fer sa travay kazankaz en zour apremidi . Sa zour bomaten sa madanm ti’n priy Bondye an servan son non Zeova e demann li pour en dimoun vizit li. Paul i dir,“Trwa-z-er tan pli tar, mon ti ariv devan son laport.”
Lir 1 Korentyen 3:9 e apre reponn sa kestyon:
-
Ki mannyer bann leksperyans parey sa enn Nouvel Zelann i montre ki Zeova pe diriz predikasyon?
Lir Akt 1:8 e apre reponn sa kestyon:
-
Akoz nou bezwen led Zeova pour nou prese?
Eski ou ti konnen?
Tou le semenn, dan nou renyon lasemenn, nou ganny bann formasyon ki ed nou pour prese. Si ou’n deza asiste enn sa bann renyon, ki ou panse lo sa formasyon ki ganny donnen?
6. Nou obei lord Bondye pour prese
Dan premye syek, i ti annan dimoun ki ti esey anpes bann disip Zezi prese. Bann premye Kretyen ti defann zot drwa pour prese par “etabli [zot] drwa legal pour anons sa bon nouvel.” (Filipyen 1:7) Temwen Zeova i fer sanmenm ozordi. a
Lir Akt 5:27-42 e apre reponn sa kestyon:
SI EN DIMOUN I DEMANDE: “Akoz Temwen Zeova i al pres devan laport dimoun?”
-
Ki mannyer ou ti pou reponn li?
REZIMEN
Zezi ti demann son bann disip pour anons sa bon nouvel avek dimoun dan tou nasyon. Zeova pe ed son pep pour fer sa travay.
Revizyon
-
Ki mannyer sa bon nouvel pe ganny anonse partou dan lemonn?
-
Ki mannyer ler nou prese i montre ki nou kontan nou prosen?
-
Eski ou krwar nou kapab zwaye ler nou prese? Akoz?
FER PLIS RESERS
Vwar ki mannyer Temwen Zeova i pres avek dimoun dan bann gran lavil.
Ki Temwen Zeova in fer pour esey ed bann refizye?
Ekout en dimoun eksplike ki mannyer ler i prese a plen tan sa i fer li zwaye.
Vwar serten laviktwar remarkab ki nou’n gannyen ankour ki’n ede fer avanse sa travay pour anons sa bon nouvel.
“Bann predikater Rwayonm i anmenn zot ka ankour” (Rwayonm Bondye pe dirize!, sapit 13)
a Bondye ki donn nou lotorizasyon pour prese, alor Temwen Zeova pa bezwen permisyon sorti kot okenn lotorite imen pour pres sa bon nouvel.
Ou pou kapab kontan sa osi
BANN KESTYON KI DIMOUN I SOUVAN DEMANDE LO TEMWEN ZEOVA
Ki sa letid Labib ki Temwen Zeova i ofer?
Ou kapab servi nenport tradiksyon Labib avek sa progranm Labib enteraktif gratwit ki Temwen Zeova i ofer. Santi ou alez pour envit ou fanmir antye oubyen nenport zanmi pour asiste ou letid.
