ˈWƆN ˗GƆ 21
De ˗nu ˈwo nɔɔn˗ ˗së pö ˗ni ˈgü ꞊dɛɛ?
˗A ˈˈtʋ̈ŋ ˗ya ˈto ꞊klöö˗ kö Zoova ˗yö bɔ ö ˗bha ˗Gblüdëdhɛ ˗ta kö ˗yö kwa ˗bha ˈwɔn ꞊gban ˈˈpɛpɛ ˈˈɲan bhɔ. Nɔɔn˗ ˗së ˈö bhë kwa dua ˗mü kö ˈkwa˗ ˗pɛn. Yesu ˗ya ˗pö ö ˗bha gwëëˈˈ ˗nu ˗dhɛ ˗wa pö mɛn ꞊gban ˗dhɛ. (Matiö 28:19, 20) Zoova ˗bha ꞊Gbɛkiö ˗nu ˗wo Yesu ˗wo ˈö bhë ˗a ꞊bhlëë ˗ya ˗kɔ ˗kë ꞊dhɛ?
1. Matiö 24:14 ˗yö yö ˗ni ˈgü ˈkodhiʋ̈ ꞊dɛɛ ˗kɔ ˗kë ꞊dhɛ?
Yesu ˗ya ˗pö: ‹ˈWɔn ˗taɔng ˗së ˈö ˗gban ˗Zlan ˗bha ˗Gblüdëdhɛ ˗wɔn ˗bha bha ˗wo ˗dho ˗a ˗dhiang zë ˈˈsɛ ꞊gban ˈˈpɛpɛ ˈgü.› (Matiö 24:14) Zoova ˗bha ꞊Gbɛkiö ˗nu yi yö ꞊bhlëësü ˈö bhë ˗a kë ˗ni ˈgü zuʋ̈gblüdhi ˈka. Yi nɔɔn˗ ˗së ˈö bhë ˗a ˗pö ˈˈsɛ ˗todhʋ̈sü ˗ta, ˗wo ˈö ˗ʒiö ˗wo 1.000 ˗ta ˗an ˈgü. ˗A ˗dhɛ ˗ya ˗bha kö ˈyi yi ˗de baaˈˈ, kö ˈyi yi ꞊faan waa yi ˗bha ˈˈtʋ̈ŋ ˗nu ˈsü kö ˈyi yö ˈkpii˗ ˈö bhë ˗a kë. Yi ˗bhawɔn ˗yö Zoova ˗bha ˗takundhe ˗bha.
2. ˗Mën ˗nu ˈyi ˗an ˗kë kö ˈyi ˗zlanwopö mɛn ˗nu ˗dhɛ?
Yi ˗zlanwopö ˗dhɛ ꞊gban ˈˈpɛpɛ ˈgü. Yi ˗zlanwopö ‹ˈkɔ ˈgü ˗dhɛ ˗nu ˗bha› ꞊dhɛ kletiɛn ˗blɛɛsü ˗nu ˈwo kun ꞊kwɛŋzü ˗an ˈdhö. (Këwɔn ˗nu 5:42) ˗Zlanwopö ˗kɔ suu ˈö bhë ˗ya ˗kë ˈö ˈyi nɔɔn˗ ˗së bhë ˗a pö mɛn ˈˈmliɲɔn ꞊va ˗dhɛ ˗kwɛ ꞊gban ˈˈpɛpɛ ˈka. ˗Dhɛ ˈö ˗kë ꞊dhɛ mɛn ˗nu ˈwaa ˈkɔɔ ˈˈtʋ̈ŋ ꞊gban ˈka bhë, yi ˗zlanwopö ˈpö ˈˈdhɛɛtadhɛ ˗nu ˈgü. Yi˗ ˈˈslö ˗mɛɛn ˗kplawo kö ˈyi Zoova waa˗ ˗zopiʋ̈wɔn ˗nu ˗wɔn blɛɛˈˈ mɛn ˗nu ˗dhɛ.
3. De ˗nu ˈö ˗an dua ˈdhö ˗mü kö ˗wo ˗zlanwopö?
Kletiɛn ꞊dede ˗nu ꞊gban ˈˈpɛpɛ dua ˗mü kö ˗wo nɔɔn˗ ˗së pö. Yö ˈö bhë yi˗ ˗kë yi ˗sɔbhɛɛ ˈka. Pë ˈˈpɛpɛ ˈö yi ˗kɔ ˗yö ꞊mɔɔn˗ ˗bha yi˗ ˗kë kö ˈyi ˗zlanwopö, ˈyö ˗tɔ ꞊dhɛ ˗yö ꞊mɔɔn˗ ˗bha ˈö mɛn ˗nu dha. (1 Timote 4: 16 ˗wo pö.) ˈWaa yi ꞊saa bho yö ˈö bhë ˗a ˗bha, ˈyö ˗tɔ ꞊dhɛ Biblö ˗ya ˗pö: «[˗Zlan] ˗ya ˗gbaɔ ka ˗gɔ ˈˈwɛɛwɛɛ. Kaa ˗dɩ ˈpö, ˗ka ˈwɔn ˗së ˗nu bha˗ kë mɛ ˗nu ˗dhɛ ˈˈwɛɛwɛɛ.» (Matiö 10:7, 8) Mɛn ꞊gban ˈwaa wo ˈˈtʋ ˈto yi ˗wo ˗bha, ˈˈkɛɛ yi ˗zlanwopö ˗kplawo ˈyö ˗tɔ ꞊dhɛ yi ˗bha ˗Zlan Zoova ˗dhɔkë ˗kɔ do ˈö˗ zuʋ̈ˈˈ ꞊nii ˗da yö ˗mü.
˗KAA ˈˈPIƲ̈ ˈPƆN
˗Kɔ ˈö Zoova ˗bha ꞊Gbɛkiö ˗nu ˗wo wo ˈgü dɔ ˗a ˈka ˈˈgbɩɩ˗ kö ˈwo ˗zlanwopö ˈˈkpɔnŋtaadhɛ ˗todhʋ̈sü ˈgü waa ˗kɔ ˈö Zoova ˗yö ˗an ˗takun ˗a ˈka, ˗kwaa ˗ga.
˗Zlanwopösü ˈö ˈˈkpɔnŋ ꞊taa: (1) Kɔsta Rika, (2) Zeta zuni, (3) Benɛn, (4) Tailandö, (5) Yapö, (6) Suɛdö
4. Yi yi ˈgü ˗dɔ ˈˈgbɩɩ˗ ˈö ˈyi ˗zlanwopö mɛn ꞊gban ˗dhɛ.
Zoova ˗bha ꞊Gbɛkiö ˗nu ˗wo pë ꞊gban ˈˈpɛpɛ ˗kë kö ˈwo nɔɔn˗ ˗së pö mɛn ꞊gban ˗dhɛ. ˗Kaa Video ˗ga, kö dhɛɛˈˈ ˈö ˈˈshia bhë ˈka˗ ˗yɔ mɛɛnˈˈ.
-
Zoova ˗bha ꞊Gbɛkiö ˗nu ˗bha wo ˈgü ˗dɔ ˈˈgbɩɩ˗ ˗sü kö ˈwo ˗zlanwopö bhë, ˗mën ˈö ˗kë ü ˗dhɛ ˈˈdhiaasü ˗a ˈgü?
˗Ka Matiö 22:39 waa Wlɔmö 10:13˗15, NWT ˗an ˗wo pö, kö ˈka dhɛɛˈˈ ˗nu ˈwo yö ˗an ˗yɔ mɛɛnˈˈ:
-
Kwa ˗bha ˗zlanwopösü ˗ya ˗zɔn ˗kɔ ˗kë ˗dhɛ ꞊dhɛ kwa këyoo ˗nu ˗dhɔ ˗yö kwa ˗kë?
-
Mɛn ˗nu ˈwo nɔɔn˗ ˗së pö, Zoova ˗yö ˗an ˗yö ˗kɔ ˗kë ꞊dhɛ?—Kpɔɔˈˈ ˗a ˈˈɲan ˈsɛɛn˗ 15 ˗bha.
5. ˗Zlan yökëyoo ˗nu ˗mü yi ˈka.
ˈWɔn ꞊vadhɛ ˗nu ˈwo ˗kë ˗wa ˗zɔn ꞊dhɛ Zoova ˈnën ˈö ˈˈdhiʋ̈sü kwa ˗bha ˗zlanwopösü ˈka. ˗A ˈwɔnzuan do ꞊nɛn: Kwa ꞊dhegblü do ˈwo˗ ˗dhɛ Pɔdhö ˈö Nuvɛlö Zelandö, ˗yö ˗kun ˗zlanwopö ni ˈgü ˈkɔ ˈgü ˈkɔ ˈgü ˈˈdooka yi do ˈka, ˈyö ˗kpan dhebɔnën do ˗bha. ˗A dhebɔnën ˈö bhë kö ˗ya bhɛɛˈˈ ˗Zlan ˗dhɛ dhiapiʋ̈ ˗be, kö ˗ya yö ˗a ˈtɔ ꞊dede ˈö ˗kë Zoova ˈka bhë ˗a ˗bha, ꞊yaa˗ pö ˗a ˗dhɛ ˗yö mɛn do bɔ ö ˗dhɛ kö ˗yö ö ˗takun. Pɔdhö ˗ya ˗pö: «ˈDhɛ ˈö ˈˈlɛlɛ ˗yaaga ˗yö ˗ʒiö ˈyö ˈa˗ ˗bha ˈˈkwee ˗ta ˗man.»
˗Ka 1 Kodhɛngtö 3:9 ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:
-
ˈWɔn suu ˗nu ˈwo ˗kë ꞊dhɛ ˗a ˈdhɛ kwa ꞊dhegblü ˈö Nuvɛlö Zelandö ˗ya ꞊blɛɛ bhë ˗a ˈdhö, ˗wa ˗zɔn ˗kɔ ˗kë ꞊dhɛ ꞊dhɛ Zoova ˈnën ˈö ˈˈdhiʋ̈sü kwa ˗bha ˗zlanwopösü ˈka?
˗Ka Këwɔn ˗nu 1:8 ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:
-
˗Mën ˈö ˗kë ˈö kwa ˗bhawɔn ˈdhö Zoova ˗bha ˗takundhe ˗bha kö ˈkwa yö ˈö bhë ˗a kë?
Ü˗ ˈwɔn ˗dɔ ˗ee?
ˈˈDhoogɔ ˈˈpɛpɛ ˈka, yi ˗bha ˗bhɔkwëë ˗nu ˈyi ˗an ˗kë ˈˈdhoogɔ ꞊zinŋgü bhë ˗an ˗ta, ˗wo yi ˗kian ˗zlanwopösü ˗bha. ꞊Ya kë ꞊dhɛ ˈbha nu ˗bhɔkwëë ˈwo ˈˈdhʋ̈ ˗an ˗ta do, ˗a ꞊klaŋ ˈö bhë ˈü˗ ˗yö ˗kɔ ˗kë ꞊dhɛ?
6. Yi ˈwɔnman ˗Zlan ˗ta, ˈö ˈyi ˗zlanwopö.
˗Kwɛ këŋ do ˗blɛɛsü ˈgü, mɛn ˈbhaa ˗nu ˗wo ˗gban Yesu ˗bha gwëëˈˈ ˗nu ˗gɔ kö ˈwa ˗dho ˗zlanwopö. ˈˈKɛɛ kletiɛn ˗nu ˈwo bhë ˗wa ˗zɔn ꞊dhɛ wo dua ˗mü kö ˈwo ˗zlanwopö. ˗A ˗wɔn ˈgü ˗wo «[˗Zlan] ˗bha naɔ ˗së bha˗ ˗takozë.» (Fidhipö 1:7) Pë do ˈö bhë ˈyö Zoova ˗bha ꞊Gbɛkiö ˗nu ˗wa ˗kë ꞊dɛɛ. a
˗Ka Këwɔn ˗nu 5:27˗42 ˗an ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:
-
ˈMën ˗kë ˈö kwa ˈti ˗dho ˈˈkan ˗zlanwopösü ˗bha toŋtoŋdhö? —Kpɔɔˈˈ ˗a ˈˈɲan ˈsɛɛn˗ 29, 38 waa 39 ˗bha.
MƐN ˈBHA˗ ꞊MƆƆN˗ ˗BHA ˈÖ Ü DHƐƐˈˈ KPƆ ꞊DHƐ: «˗Mën ˈö ˗kë ˈö Zoova ˗bha ꞊Gbɛkiö ˗nu ˗wo ˗zlanwopö ˈkɔ ˈgü ˈkɔ ˈgü?»
-
Ü ˗dho ˗a ˗yɔ bɔ ˗kɔ ˗kë ꞊dhɛ?
˗A ˈDHƐ TO KWA ˈˈƝAAN
Yesu ˗yö ˗dhioo ˗dɔ ö ˗bha gwëëˈˈ ˗nu ˗ta ˈö˗ pö ˗wo nɔɔn˗ ˗së pö ˈˈsɛ ꞊gban ˈˈpɛpɛ ˈgü. Zoova ˗yö ö ˗dhɔkëmɛn ˗nu ˗takun kö ˗wo yö ˈö bhë ˗a kë.
˗Zobuödhe
-
De ˗nu ˈwo nɔɔn˗ ˗së pö ˗ni ˈgü ˈˈkpɔnŋtaadhɛ ˗todhʋ̈sü ˈgü?
-
Kwa ˗bha ˗zlanwopösü ˗ya ˗zɔn ˗kɔ ˗kë ꞊dhɛ ꞊dhɛ, kwa këyoo ˗nu ˗dhɔ ˗yö kwa ˗kë?
-
Ü ˗bha ˈka ˗zlanwopösü ˗yö kwa zuʋ̈ˈˈ ꞊nii ˗da ˗ee? ˈMën ˗kë ˈü˗ pö ˈˈdhʋ̈?
˗AN ˗GA ˈPÖ
˗Kɔ ˈö Zoova ˗bha ꞊Gbɛkiö ˗nu ˗wo ˗zlanwopö ˗a ˈka ˈˈkwipö ˈˈgblʋ̈gblʋ̈ ˗nu ˈgü bhë ˗an ˗ga.
Pari: ˗Zlanwopö gɔnën ˗nu ˈka ˗sü ˈö ˈˈkwipö ˈˈgblʋ̈gblʋ̈ ˗nu ˈgü (5:11)
˗Kɔ ˈö Zoova ˗bha ꞊Gbɛkiö ˗nu ˗wo wo ˈgü dɔ ˗a ˈka ˈˈgbɩɩ˗ kö ˈwo ˗zlanwopö mɛn ˗nu ˈwo ꞊duëë ˗gblü ˗gɔ ˗an ˗dhɛ, ˗a ˗ga.
Kwa ꞊dhegblüdhe do ˈö ˗zlanwopö ˈˈtʋ̈ŋ ꞊gban ˈgü, ˗yö ˗kɔ ˈö zuʋ̈gblüdhi ꞊slɔɔ ˗a ˈka ö ˗bha ˗tosɛta ˈgü ˗a -wɔn ˗blɛɛ. ˈPë ˈö˗ pö ˗a ˗ga.
˗Kɔ ˈö za ˗yö ˗dhi ˗a ˈka kwa ˗gɔ zakandhɛ ˗nu ˈgü ˈö kwa ˗bha ˗zlanwopösü ˗yö dho ˗a ˈka ˈˈdhiʋ̈, ˗a ˗ga.
a ˗Zlan ˈnën ˈö˗ pö ˈkwa ö ˗bha nɔɔn˗ pö. ˗A ˗wɔn ˈgü, Zoova ˗bha ꞊Gbɛkiö ˗nu ˈyaa yi ˈˈɲan ˈto ꞊köŋ kö ˈˈsɛgɔdhiʋ̈mɛn ˗nu ˗wo wo ˗wo bho yi ˗ta kö ˈyi ꞊kun ˗zlanwopö.
