BEƊEA 21
¿Sãwã o panʉ jaradiaɗi carea beɗea bia Ãcõrẽ Beɗeaɗebemada?
Dãrãẽ́ne Jeowaba jõbiya jũma ne cadjirua idji Boroɗeba. Maʉ̃ bʉrʉ biara ɓʉa jaradiaida dewararãa jãʉ̃ beɗea biara. Jesuba quĩrĩãsia ẽberã jũma naʉ̃ ẽjũãnebemaba ũrĩnamãrẽã naʉ̃ beɗea biara (Mateo 28:19, 20). ¿Beɗea ɓeara Jeowaɗebemarãba cãrẽda o panʉda jãʉ̃gʉ oɗi carea?
1. ¿Sãwã mãwã ɓʉda iɗi ewariɗera Mateo 24:14?
Jesuba jarasia: “Beɗea bia Ãcõrẽba pe eroɓʉɗebemada jũma naʉ̃ ẽjũãne jaraɗia puru ɓeaza ũrĩnamãrẽã” (Mateo 24:14). Beɗea ɓeara Jeowaɗebemara bio capipia panʉda jãʉ̃ra oɗa bẽrã. Jũma druazabemara jaradia panʉda beɗea bia ¡mil beɗeara auɗu! Necesita panʉda bio esforzaɗida ara oɗi carea jãʉ̃ trajura. Ãcõrẽba carebaẽ́bʉrʉ jãʉ̃ra poya oɗaẽ́da.
2. ¿Cãrẽda o panʉda jaradiaɗi carea dewararãa?
Jaradia panʉda ẽberã ɓaɗamae. Naẽnaena Crito ẽpẽbadarãba oɗa quĩrãca jaradia panʉda “ẽberãrã deza” (Hecho 5:42). Mãwã poagaza zocãrã ẽberãrãba poya ũrĩnida Ãcõrẽ Beɗeara idjaɓa jaradia panʉda zocãrã ẽberãrã panʉmae. Ewariza jaradia quĩrĩã panʉda Ãcõrẽba quĩrĩã ɓʉra idjaɓa idjia oira.
3. ¿Cairãba jaradiaɗida panʉ beɗea biada?
Jũma critianorãba jaradiaɗida panʉa. Daimaarã jãʉ̃ra bio biara ɓʉa, ẽberã aɓa aɓaʉba jaradiaɗia ãdjia quĩrĩã ɓea quĩrãca careba panʉ bẽrã ẽberãrãra ẽdrʉɗamãrẽã (Leadua 1 Timoteo 4:16). Ni aɓaʉ parata diacada jãʉ̃ traju oi carea Ãcõrẽ Beɗeaba jaradia ɓʉ bẽrã: “Maʉ̃ bẽrã ẽberãrãra bari carebaɗadua” (Mateo 10:7, 8). Ẽberãrãba ũrĩna quĩrĩãẽ́ panʉmĩna, dadjirãba jaradia panʉda Ãcõrẽ Beɗea, Ãcõrẽ capipia ɓamãrẽã idjaɓa ibiya beɗeai carea idjía.
BIO CAWAƊIDA NAɄ̃ BEƊEAƊE
Acʉɗadua Beɗea ɓeara Jeowaɗebemarãba o panʉra jaradiaɗi carea Ãcõrẽ Beɗeaɗe idjaɓa acʉɗida sãwã careba ɓʉda Jeowaba.
Jaradia panʉda puru ɓeaza: A) Costa Rica; B) Estados Unidos; C) Benín; D) Tailandia; E) Yap (Micronesia); F) Suecia
4. Esfuerzo o panʉda jaradiaɗi carea jũmarã ẽberãrãa
Beɗea ɓeara Jeowaɗebemarãba jaradia panʉda beɗeaẽ́da sãmaare panʉda ẽberãrã. Acʉɗapeɗa dji VIDEODA, beɗeaɗadua.
-
Bʉmaarã, ¿cãrẽda quĩrĩãbarida Beɗea ɓeara Jeowaɗebemarãba o panʉra jaradiaɗi carea Ãcõrẽ Beɗea?
Leaɗapeɗa Mateo 22:39 idjaɓa Romano 10:13-15, beɗeaɗadua:
-
Jaradia panʉne Ãcõrẽ Beɗea, ¿sãwã acʉbi panʉda quĩrĩã panʉda djãrãra?
-
¿Jeowaba sãwã unu ɓʉ ẽberãra jaradiabadara beɗea bia Ãcõrẽnebemada? (Acʉɗadua dji caibea 15).
5. Dairãba Ãcõrẽ trajura o panʉa
Zocãrã ejemplo acʉbi panʉda Jeowaba jipa edebarida dairãra jaradia panʉne. Acʉɗida mãwãnara Nueva Zelanda puruɗe ewari aɓaʉɗe quewara, aɓa djaba trʉ̃ jara ɓʉda Paul deza jaradia ɓabadjida, maʉ̃ne wẽrãda unusia. Jãʉ̃ ewariɗe diapeɗe jãʉ̃ wẽrãba dji idisida Ãcõrẽa idjia trʉ̃ jarasida idji trʉ̃ araɗe Jeowa, idjaɓa idisida ʉ̃cʉrʉba carebamãrẽã cawai carea idjida. “Hora ũbea ɓaɗacare” Paulba jarasia, “mʉ̃ra idjimaa wãsida”.
Leaɗapeɗa 1 Corinto 3:9, beɗeaɗadua:
-
¿Sãwã acʉbi ɓʉda jãʉ̃ ejemploba Jeowaba jipa edebarida jaradia panʉne Ãcõrẽ Beɗea?
Leaɗapeɗa Hecho 1:8, beɗeaɗadua:
-
¿Cãrẽã necesita panʉda Jeowaba carebaida dairãba jaradia panʉne?
¿Cawa ɓasida?
Ãbaa jʉre panʉne domia ẽsãricaɗe jaradia ɓʉda sãwã jaradiaida Ãcõrẽ Beɗea. Wãbʉrʉɗe ãbaa jʉreɗe, ¿sãwã unubarida jãma jaradia panʉra?
6. Jaradia panʉne ĩjã panʉda Ãcõrẽba jara ɓʉra
Siglo naãrãbema dji quĩrũrã ẽpẽne Jesuɗebemarãba idu jaradiabidaẽ́ basida Ãcõrẽ Beɗeara. Ãdjirãra beɗea bia Ãcõrẽnebemada wãrã arada cawabisiɗada idjaɓa wãsiɗada “ley quĩrãpita poya jaraɗi carea beɗea bia” (Pilipo 1:7 TNM). Iɗi ewariɗera Beɗea ɓeara Jeowaɗebemarãba aɓarica obadada. a
Leaɗapeɗa Hecho 5:27-42, beɗeaɗadua:
-
¿Cãrẽã ewariza jaradiaɗida Ãcõrẽ Beɗeara? (Acʉɗadua dji caibea 29, 38, 39 siɗa).
AƁAɄBA POYA IDIDA: “¿Cãrẽ cãrẽã Beɗea ɓeara Jeowaɗebemarãba deza wãbada?”.
-
¿Bʉa cãrẽda panuida?
JŨMA BEƊEAƊA
Jesuba jarasida dji ẽpẽbadarãra jaradiaɗamãrẽã Ãcõrẽ Beɗea jũma puru ɓeaza. Iɗi ewariɗera Jeowaba careba ɓʉda jaradiaɗamãrẽã.
Cawaɗara
-
¿Cãrẽda o panʉ jaradiaɗi carea beɗea bia Ãcõrẽnebemada puru ɓeaza?
-
¿Sãwã acʉbi ɓʉda quĩrĩã panʉda djãrãra jaradia panʉne Ãcõrẽ Beɗea?
-
Bʉmaarã, ¿poya ɓʉsriɗa pananida jaradia panʉne? ¿Cãrẽã?
CAWADUA MÃSA
Acʉdua sãwã jaradia panʉda Beɗea ɓeara Jeowaɗebemarãba puru waiɓʉaɗe.
Duɗa jaradia panʉda puru waiɓʉaɗe ẽberãrã ɓaɗamae Parísɗe (5:11)
Beɗea ɓeara Jeowaɗebemarãba, ¿sãwã jaradia panʉda ẽberãrã uraɗa?
Acʉdua cãrẽã wẽrãda ɓʉsriɗa ɓʉa jaradiaɗa bẽrã Ãcõrẽ Boroɗebema.
Acʉdua sãʉ̃be poyasiɗada dji ley quĩrãpita poya jaradiaɗi carea Ãcõrẽ Beɗea.
“Ãcorẽ Beɗea jaradiabadarãba ley quĩrãpita wãbada” (Ãcõrẽ Boroba ya manda ɓʉda, beɗea 13)
a Ãcõrẽbʉrʉ diabue ɓʉda jaradiaɗi carea Ãcõrẽ Beɗeara. Maʉ̃ bʉrʉ Beɗea ɓeara Jeowaɗebemarãba jaradia panʉda bororã naʉ̃ ẽjũãnebemarãba quĩrĩãnacamĩna.
