LESONI 21
E Vunautaki Vakacava na iTukutuku Vinaka?
Sa voleka ni vakaotia o Jiova na noda leqa kece ni vakayagataka na nona Matanitu. Qori e dua na itukutuku vinaka mera rogoca na lewenivanua. E vinakata o Jisu vei ira nona imuri mera tukuna yani na itukutuku qori! (Maciu 28:19, 20) Era muria vakacava na iVakadinadina i Jiova na ivakaro i Jisu?
1. E vakayacori vakacava nikua na Maciu 24:14?
Sa tukuna oti tu o Jisu: “Ena vunautaki mada na itukutuku vinaka qo ni Matanitu ni Kalou ena veiyasa i vuravura.” (Maciu 24:14) Era marau na iVakadinadina i Jiova mera vakaitavi ena cakacaka bibi qo. Keimami vunautaka na itukutuku vinaka e veiyasa i vuravura ena sivia na 1,000 na vosa! Na cakacaka levu qo ena vinakati kina na sasaga vagumatua kei na tuvatuvanaki. E rawa ga ena veitokoni i Jiova.
2. Na sasaga cava e caka me vunautaki kina na itukutuku vinaka?
Keimami vunau ena vanua era tu kina na lewenivanua. Me vakataki ira na lotu vaKarisito ena imatai ni senitiuri, keimami vunau e “veivale.” (Cakacaka 5:42) Na iwalewale qo, keimami rawa ni vunau kina vei ira na vica vata na milioni e veiyabaki. Ni so era sega ni dau tiko e vale, keimami na vunau ena vanua ni volivoli, vanua ni gade kei na so tale. Keimami na saga e veigauna me keimami vunautaki Jiova kei na nona inaki.
3. O cei e nona itavi me vunautaka na itukutuku vinaka?
E nodra itavi na lotu vaKarisito dina mera vunautaka na itukutuku vinaka. Keimami raica vakabibi na neimami itavi. E duidui na keimami ituvaki, ia keimami solia na neimami vinaka ena vunau ni vakatau kina nodra bula na lewenivanua. (Wilika 1 Timoci 4:16.) E sega ni saumi na cakacaka qo, ni kaya na iVolatabu: “E soli wale vei kemudou, dou solia wale tale ga.” (Maciu 10:7, 8) E sega ni tamata kece era taleitaka na neimami itukutuku. Ia keimami na vunau tiko ga ni okati ena neimami sokalou, ena marau tale ga kina o Jiova.
VAKEKELI
Vulica e levu tale na sala era saga kina na iVakadinadina i Jiova mera vunau e veiyasa i vuravura kei na nona tokoni ira o Jiova.
Vunau e veiyasa i vuravura: (A) Costa Rica, (B) Merika, (C) Benin, (D) Tailadi, (E) Yap, (F) Suwiteni
4. Keimami saga me keimami vunau vei ira kece na tamata
Era saga na iVakadinadina i Jiova mera vunautaka na itukutuku vinaka vei ira na tamata kece. Sarava na VIDIO, qai veivosakitaka na taro qo.
-
Na cava o qoroya me baleta nodra sasaga na iVakadinadina i Jiova mera vunau?
Wilika Maciu 22:39 kei na Roma 10:13-15, qai veivosakitaka na taro qo:
-
E kilai vakacava ena neimami vunau ni keimami lomani ira na lewenivanua?
-
Na cava na rai i Jiova me baleti ira na vunautaka na itukutuku vinaka?—Raica na tikina e 15.
5. Keimami cakacaka vata kei na Kalou
E levu na irogo e dusia ni dusimaka tiko o Jiova na neimami cakacaka. Kena ivakaraitaki, e dua na tacida tagane mai Niusiladi o Paul a sotava e dua na marama ni vunau e veivale ena dua na yakavi. Ena mataka ni siga qori, a masu vua na Kalou na marama qo ni vakayagataka na yaca ni Kalou, qai kerea me dua me lai sikovi koya yani. E kaya o Paul, “Ni oti e tolu na aua au sa tu e matanikatuba.”
Wilika 1 Korinica 3:9, qai veivosakitaka na taro qo:
-
E kilai vakacava ena irogo qori mai Niusiladi ni dusimaka tiko o Jiova na cakacaka vakavunau?
Wilika Cakacaka 1:8, qai veivosakitaka na taro qo:
-
Na cava e bibi kina na veitokoni i Jiova me vakacavari kina noda cakacaka vakaitalatala?
O bau kila?
Ena neimami soqoni ena lomanimacawa, keimami vakavulici ena iwalewale ni vunau. Ke o sa tiko ena dua na soqoni va qo, cava nomu rai ena veivakavulici qori?
6. Keimami talairawarawa ena ivakaro ni Kalou me keimami vunau
Ena imatai ni senitiuri, era saga na dauveitusaqati mera tarova nodra vunau na imuri i Jisu. Era taqomaka na lotu vaKarisito ena gauna qori na nodra dodonu ni vunau nira ‘tauyavutaka vakalawa na itukutuku vinaka.’ (Filipai 1:7) Era cakava tale ga qori nikua na iVakadinadina i Jiova. a
Wilika Cakacaka 5:27-42, qai veivosakitaka na taro qo:
-
Cava na vuna eda na sega ni cegu kina na vunau?—Raica na tikina e 29, 38, kei na 39.
KE TAROGA E DUA: “Na cava era dau lako kina e veivale na iVakadinadina i Jiova?”
-
O na sauma vakacava?
KA O VULICA
E vakaroti ira nona imuri o Jisu mera vunautaka na itukutuku vinaka ena veimatanitu. E tokoni ira nona tamata o Jiova mera qarava na itavi qori.
Railesuvi
-
Sa vunautaki tiko vakacava e veiyasa i vuravura na itukutuku vinaka?
-
E laurai vakacava ena neimami cakacaka vakaitalatala ni keimami lomani ira na lewenivanua?
-
O nanuma ni cakacaka marautaki na vunau? Na vuna?
IKURI
Raica na sala era vunau kina na iVakadinadina i Jiova ena siti lelevu.
Era vukei ira vakacava na isenivalu na iVakadinadina i Jiova?
Sarava na kena rawa ni marautaki na cakacaka vakatabakidua.
Vulica na sala e yaga kina na cakacaka vakavunau ena nodra qaqa na tacida ena mataveilewai.
“Era Kauta na Tacida Nodra iLe ena Mataveilewai” (Veiliutaki na Matanitu ni Kalou!, wase 13)
a E vakaroti keimami na Kalou me keimami vunau, ya na vuna era na sega ni kerea kina na iVakadinadina i Jiova na nodra veivakadonui na veiliutaki vakatamata.
Rawa ni o Wilika Tale ga
TARO E TAROGI WASOMA
Era Veivakavulici Vakacava na iVakadinadina i Jiova ena iVolatabu?
E sega ni saumi nodra veivakavulici na iVakadinadina i Jiova ena iVolatabu. O rawa ni vakayagataka ga na ivakadewa ni iVolatabu o vinakata. Rawa tale ga ni o sureti ratou nomu vuvale, se itokani me ratou veitomani ena vuli.
