TIMEƔRI TIS 21

Anwa i geţberriḥen lexbaṛ n lxiṛ yerna amek?

SEL S

Yahwa ur yeţɛeṭṭil ara ad yessexdem Tagelda-ines iwakken ad yefru iɣeblan-nneɣ meṛṛa. Lexbaṛ yessefṛaḥen yecban wagi ur nezmir ara a t-neǧǧ i yiman-nneɣ kan! Ɛisa yeḍleb i inelmaden-is ad berrḥen lexbaṛ-agi i medden meṛṛa (Matta 28:19, 20). Amek i ttabaɛen lameṛ-agi Inagan n Yahwa?

1. Amek i d-yeţban ass-a wayen yuran di Matta 24:14?

Ɛisa yenna-d: “Linǧil [yeɛni lexbaṛ n lxiṛ] n tgelda ad iţwabecceṛ di ddunit meṛṛa” (Matta 24:14). S lfeṛḥ i xeddmen Inagan n Yahwa leqdic-agi yesɛan azal. Neţberriḥ lexbaṛ n lxiṛ di ddunit meṛṛa s wakteṛ n 1 000 n lluɣat! Seg wakken meqqer leqdic-agi, neḥwaǧ lmeǧhudat d imeqranen akken a t-nexdem akken ilaq. Ur yezmir ara ad yeţwaxdem mebla lemɛawna n Yahwa.

2. Acu n lmeǧhudat i nxeddem akken a nberreḥ?

Neţberriḥ deg imukan meṛṛa anda i neţţaf lɣaci. Akken i xeddmen imasiḥiyen n lqern amezwaru, nekni daɣen neţberriḥ deg “yexxamen”, yeɛni seg wexxam ɣer wayeḍ (Lecɣal 5:42). Aberreḥ-agi seg wexxam ɣer wayeḍ yeţɛawan-aɣ a nehdeṛ i imelyunen n lɣaci mkul aseggas. Imi ur neţţaf ara daymen lɣaci deg yexxamen-nsen, neţberriḥ daɣen deg izenqan. Neţfaraṣ yal tagniţ akken a nehdeṛ ɣef Yahwa akk-d lmeqsud-is.

3. Anwa i glaqen ad iberreḥ lexbaṛ n lxiṛ?

Imasiḥiyen n ṣṣeḥ meṛṛa yeţţunefk-asen ad berrḥen lexbaṛ n lxiṛ. Neţţak azal d ameqran i ccɣel-agi. Nxeddem ayen akk umi i nezmer akken a nberreḥ lexbaṛ-agi, axaṭer neẓra belli yeţsellik-ed tiṛwiḥin (ɣer-ed 1 Timutawus 4:16). Ur neţţuxellaṣ ara ɣef leqdic-nneɣ n uberreḥ, axaṭer Adlis Iqedsen yeqqar-ed: “Iţţunefk-awen-d baṭel, fket baṭel” (Matta 10:7, 8). Ɣas ma neţmagar-ed lɣaci ur d-neţḥessis ara i wayen i sen-neqqar, ur nḥebbes ara leqdic-nneɣ n uberreḥ. Leqdic-agi iţekka di leɛbada-nneɣ yerna yessefṛaḥ Yahwa.

A NNADI A NEFHEM AKTEṚ

A nwali lmeǧhudat i xeddmen Inagan n Yahwa akken ad berrḥen di ddunit kamel. A nwali daɣen amek i ɣ-yeţɛawan Yahwa.

Aberreḥ di kra n imukan n ddunit: A) Kusta Rika, B) Marikan, C) Binin, D) Ṭayland, E) Tigzirt n Yab, F) Sswid.

4. Nxeddem ayen akk umi i nezmer akken a nberreḥ i lɛibad meṛṛa

Inagan n Yahwa xeddmen aṭas n lmeǧhudat akken ad berrḥen lexbaṛ n lxiṛ i medden irkelli. Walit BIDYU-YAGI, mbeɛd hedṛet ɣef westeqsi i d-iţeddun.

BIDYU: Ţberriḥen alamma d “lqern n ddunit” (7:33)

D acu i k-yessewhamen m’ara teţwaliḍ di lmeǧhudat meṛṛa i xeddmen Inagan n Yahwa akken ad berrḥen?

Ɣret-ed Matta 22:39 akk-d Iṛumaniyen 10:13-15, mbeɛd hedṛet ɣef yesteqsiyen-agi:

Amek i d-yeţbeggin leqdic-nneɣ n uberreḥ belli nḥemmel lɣir-nneɣ?
Amek i geţwali Yahwa wid yeţberriḥen lexbaṛ n lxiṛ? (walit afir wis 15).

5. Nqeddec akk-d Ṛebbi

M’ara neţberriḥ, neţwali aṭas n leḥwayeǧ i d-yesbegginen belli Yahwa yeţwellih leqdic-nneɣ. Ɣef lemtel, di tmurt n Ziland Tamaynut, yiwen n gma-tneɣ yeţţusemman Paul yeţberriḥ yiwet n tmeddit seg wexxam ɣer wayeḍ. Yemlal-ed yiwet n tmeṭṭut. Tameṭṭut-nni tenna-yas-d belli taṣebḥit-nni kan i teẓẓull i Ṛebbi s yisem-is, yeɛni Yahwa. Teḍleb-as di tẓallit a d-yerzu fell-as walbeɛḍ. Paul yenna-d: “Tlata sswayeɛ mbeɛd beddeɣ-as ɣef tewwurt.”

Ɣret ed 1 Ikurintiyen 3:9, mbeɛd hedṛet ɣef westeqsi-yagi:

Amek i d-ţbegginent teḥkayin yecban tagi yeḍran di Ziland Tamaynut belli Yahwa yeţwellih leqdic n uberreḥ?

Ɣret-ed Lecɣal 1:8, mbeɛd hedṛet ɣef westeqsi-yagi:

Acuɣer i neḥwaǧ lemɛawna n Yahwa bac a nessiweḍ a nexdem akken ilaq leqdic-agi?

Tɛelmeḍ?

Deg unejmuɛ n smana, yeţţunefkay-aɣ-d uselmed i ɣ-yeţɛawanen a neḥṛec akteṛ deg uberreḥ. Ma tḥedṛeḍ yakan i yiwen seg inejmuɛen-agi, d acu i tenniḍ ɣef uselmed-agi?

6. Nettabaɛ lameṛ i ɣ-d-yefka Ṛebbi

Di lqern amezwaru, kkren-d wid yeţxaṣamen inelmaden n Ɛisa akken a sen-qeḍɛen aberreḥ. Imasiḥiyen-agi ‘dufɛen’ ɣef lḥeqq i sɛan ad berrḥen. Xedmen ayen i glaqen iwakken aberreḥ n lexbaṛ n lxiṛ ad yeţwaqbel zdat n ccṛeɛ (Ifilibiyen 1:7). D ayagi i xeddmen ass-a daɣen Inagan n Yahwa a.

Walit BIDYU-YAGI.

BIDYU: Ţdafaɛen ɣef lexbaṛ n lxiṛ zdat n ccṛeɛ (2:28)

Ɣret-ed Lecɣal 5:27-42, mbeɛd hedṛet ɣef westeqsi-yagi:

Ayɣer d lmuḥal a neḥbes aberreḥ? (walit ifyar 29, 38 akk-d 39).

MA YELLA WIN I K-ID-YESTEQSAN: “Acuɣer i ţberriḥen Inagan n Yahwa seg wexxam ɣer wayeḍ?”

D acu ara s-tǧawbeḍ?

AYEN I D-NELMED

Ɛisa yeḍleb i inelmaden-is ad berrḥen lexbaṛ n lxiṛ di ddunit meṛṛa. Yahwa yeţɛawan iqeddacen-is akken ad xedmen ccɣel-agi.

A d-nesmekti

Anwa i geţberriḥen lexbaṛ n lxiṛ di ddunit meṛṛa yerna amek?
Amek i d-yeţbeggin leqdic-nneɣ n uberreḥ belli nḥemmel lɣir-nneɣ?
Ɛlaḥsab-ik, leqdic n uberreḥ yezmer a ɣ-d-yawi lfeṛḥ? Ayɣer?

Fukkeɣ timeɣri-yagi ass n:

Lmeqsud-iw

M’ara ṛuḥeɣ ɣer Tzeqqa n Tgelda, a s-ḍelbeɣ i yiwen Inigi n Yahwa a yi-d-yini amek i gessaweḍ ad iberreḥ ɣas iqubel cceddat. A s-ḍelbeɣ daɣen a yi-d-yehdeṛ ɣef lbaṛakat i gufa di leqdic-agi.

Lmeqsud nniḍen:

Lmeqsud nniḍen