OSHILESHWA 21
Onghundana iwa ohai udifwa ngahelipi?
Mafiku, Jehova ota ka longifa Ouhamba waye opo a xulife po omaupyakadi etu aeshe. Onghundana oyo oiwa neenghono, nakeshe umwe okwa pumbwa oku i shiiva. Jesus okwa li a hala ovashikuli vaye va lombwele ovanhu kombinga yonghundana oyo. (Mateus 28:19, 20) Eendombwedi daJehova ohadi wanifa po ngahelipi oshipango osho shaJesus?
1. Mateus 24:14 ota wanifwa po ngahelipi kunena?
Jesus okwa xunganeka a ti: “Onghundana ei iwa yOuhamba otai ka udifilwa ounyuni aushe.” (Mateus 24:14) Eendombwedi daJehova ohadi kala da hafa eshi tadi kufa ombinga moshilonga osho sha fimana. Ohatu udifa onghundana iwa mounyuni aushe momalaka e dulife 1 000. Oshilonga eshi shinene otashi pula eenghendabala da mana mo nokuunganekwa nawa. Itashi dulu okuwanifwa po nopehe na ekwafo laJehova.
2. Eenghendabala dilipi hatu ningi, opo tu udifile ovanhu?
Ohatu udifile keshe opo hatu hange ovanhu. Ngaashi Ovakriste vomefelemudo lotete, nafye ohatu udifa “eumbo neumbo.” (Oilonga 5:42) Onghedi ya tya ngaho ya unganekwa nawa, ohai tu kwafele tu udifile ovanhu omamiliyona omudo keshe. Molwaashi haalushe ovanhu hava kala momaumbo, ohatu udifile yo meenhele dihapu daaveshe. Ohatu kongo alushe eemhito tu lombwele ovanhu kombinga yaJehova nomalalakano aye.
3. Olyelye e na oshinakuwanifwa shokuudifa onghundana iwa?
Ovakriste aveshe vashili ove na oshinakuwanifwa shokuudifila vamwe onghundana iwa. Oshinakuwanifwa shetu otwe shi tala ko sha kwata moiti. Ohatu udifa efimbo keshe ngeenge eenghalo detu tadi shi pitike, molwaashi otu shii kutya eemwenyo dovanhu odi li moshiponga. (Lesha 1 Timoteus 4:16.) Ihatu futwa ngeenge hatu wanifa po oshilonga osho, molwaashi Ombiibeli oya ti: “Omwa pewa oshali, yandjeni yo oshali.” (Mateus 10:7, 8) Ovanhu vamwe ihava pwilikine ketumwalaka letu. Ashike ohatu twikile, molwaashi okuudifa oku li oshitukulwa shelongelokalunga letu nohaku hafifa Jehova.
KONAKONA MOULE
Lihonga shihapu kombinga yanghee Eendombwedi daJehova hadi udifa mounyuni aushe, nanghee Jehova he tu kwafele.
Okuudifila mounyuni aushe: (A) moCosta Rica, (B) moUnited States, (C) moBenin, (D) moThailand, (E) moYap, (F) nomoSweden
4. Ohatu longo noudiinini, opo tu udifile ovanhu aveshe
Eendombwedi daJehova ohadi ningi eenghendabala, opo di udifile ovanhu keshe pamwe. Dana OKAVIDIO, ndele tamu kundafana epulo tali shikula.
-
Oshike hashi ku kumwifa kombinga yeenghendabala odo Eendombwedi daJehova hadi ningi, opo di udife?
Lesha Mateus 22:39 nosho yo Ovaroma 10:13-15, ndele tamu kundafana omapulo taa shikula:
-
Oukalele wetu ohau ulike ngahelipi kutya otu hole ovanhu vakwetu?
-
Jehova oha kala e uditile ngahelipi ovo hava udifa onghundana iwa?— Tala ovelishe 15.
5. Fye ovalongi pamwe naKalunga
Oimoniwa ihapu oya ulika kutya Jehova ota wilike oilonga yetu. Pashihopaenenwa, muNew Zealand, omumwatate wedina Paul okwa li a shakena nomukainhu umwe, eshi a li ta udifa eumbo neumbo efimbo lomutenya. Ongula yefiku olo, omukainhu oo okwa li a ilikana kuKalunga, a longifa edina laYe, Jehova, ta pula opo umwe e mu talele po. Paul okwa ti: “Onde uya po peumbo laye pa pita ashike eevili nhatu okudja eshi a ilikana.”
Lesha 1 Ovakorinto 3:9, ndele tamu kundafana epulo tali shikula:
-
Oimoniwa ya tya ngaho, ngaashi osho shomoNew Zealand, otai ulike ngahelipi kutya Jehova ota wilike oilonga yokuudifa?
Lesha Oilonga 1:8, ndele tamu kundafana epulo tali shikula:
-
Omolwashike twa pumbwa ekwafo laJehova, opo tu wanife po oukalele wetu?
Owe shi shiiva tuu?
Oshivike keshe, pokwoongala kwomokati koshivike, ohatu mono edeulo olo hali tu kwafele, opo tu udife. Ngeenge owa kala nale pokwoongala kwa tya ngaho, mbela edeulo olo ole ku kuma ngahelipi?
6. Ohatu dulika koshipango shaKalunga shokuudifa
Mefelemudo lotete, ovapataneki ova li va kendabala okukelela ovashikuli vaJesus vaha udife. Ovakriste vopefimbo lonale ova li va ‘popila paveta oufemba wavo wokuudifa onghundana iwa.’ (Ovafilippi 1:7) Eendombwedi daJehova osho hadi ningi nokunena. a
Lesha Oilonga 5:27-42, ndele tamu kundafana epulo tali shikula:
-
Omolwashike itatu efa po okuudifa?— Tala eevelishe 29, 38 nosho yo 39.
UMWE OTASHI DULIKA A PULE KUTYA: “Omolwashike Eendombwedi daJehova hadi udifa eumbo neumbo?”
-
Oto ka nyamukula ngahelipi?
ENGONGO
Jesus okwa li a lombwela ovashikuli vaye va udifile oiwana aishe onghundana iwa. Jehova oha kwafele oshiwana shaye, opo shi wanife po oshilonga osho.
Eendululo
-
Onghundana iwa ohai udifwa ngahelipi mounyuni aushe?
-
Oukalele wetu ohau ulike ngahelipi kutya otu hole ovanhu vakwetu?
-
Omolwashike to diladila kutya oilonga yokuudifa otai dulu oku tu etela ehafo?
TALA OUYELELE WA WEDWA PO
Tala nghee Eendombwedi daJehova hadi udifile ovanhu moilando ya kula.
Onghedi ye likalekelwa yokuyandja oundombwedi meenhele daaveshe moParis (5:11)
Eendombwedi daJehova oda ninga po shike, opo di kwafele eenhauki?
umwe a popya kombinga yehafo olo a mona, eshi e li moilonga yefimbo li yadi.
Lihonga kombinga yomatokolo a fimana oo a ningwa komhangu, oo e shi ningifa tashi shiiva, opo onghundana iwa i udifwe.
a Kalunga oye e tu lombwela tu udife. Onghee hano, Eendombwedi daJehova inadi pumbwa epitikilo komapangelo opanhu, opo di udife onghundana iwa.
Otashi dulika yo u hafele oikundafanwa ei
OMAPULO OO HAA PULWA LUHAPU
Ekonakonombiibeli olo hali ningwa kEendombwedi daJehova oshike?
Peenghundafana doshali odo hadi ningwa kEendombwedi daJehova, oto dulu okulongifa etoloko lOmbiibeli keshe. Owa manguluka okushiva oukwaneumbo weni aushe, ile keshe umwe oo wa hala a kale po.
