21-ساباق
ٸزگى حابار قالاي ۋاعىزدالىپ جاتىر؟
جاقىندا ەحوبا ٶز پاتشالىعى ارقىلى ادامزاتتىڭ بار قيىندىعىن شەشىپ بەرەدى. وسىنداي جاقسى حاباردى قالاي عانا ايتپاي، بۇگىپ قالاسىڭ؟! يسا ٵربىر ادام وسى حاباردى ەستىسە ەكەن دەدى، سوندىقتان شاكىرتتەرىنە ونى ايتۋدى تاپسىردى (ماتاي 28:19، 20). قازىرگى تاڭدا ەحوبا كۋاگەرلەرى يسانىڭ بۇل تاپسىرماسىن قالاي اتقارىپ ٴجۇر؟
1. ماتاي 24:14-تەگى سوزدەر بۇگىندە قالاي ورىندالىپ جاتىر؟
يسا: «پاتشالىق جايلى وسى ىزگى حابار... بۇكىل جەر بەتىندە ۋاعىزدالادى»،— دەپ الدىن الا ايتقان (ماتاي 24:14). ەحوبا كۋاگەرلەرى بۇل ماڭىزدى ىسكە قۋانا اتسالىسىپ ٴجۇر. ٴبىز دۇنيەجۇزى بويىنشا وسى ىزگى حاباردى 1000-نان اسا تىلدە ۋاعىزداپ ٴجۇرمىز. وسىنداي وتە اۋقىمدى ٸستى اتقارۋ ٷشىن كوپ تەر توگۋ كەرەك، ونى جاقسىلاپ ۇيىمداستىرۋ كەرەك. ٴيا، ەحوبانىڭ كومەگىنسىز مۇنى ىستەۋ مۇمكىن بولماس ەدى.
2. ادامدارعا ۋاعىزداۋ ٷشىن ٴبىز قالاي كۇش سالىپ جاتىرمىز؟
ٴبىز ادامدار بار جەرلەردە ۋاعىزدايمىز. ٴبىرىنشى عاسىرداعى يسانىڭ شاكىرتتەرى سياقتى ٴبىز دە جۇيەلى تۇردە «ۇيدەن ۇيگە ٴجۇرىپ» ۋاعىزدايمىز (ەلشىلەردىڭ ىستەرى 5:42). وسىنىڭ ارقاسىندا جىل سايىن ىزگى حاباردى ميلليونداعان ادام ەستيدى. كەيدە ادامداردى ۇيدەن تاپپاعاندىقتان، ٴبىز قوعامدىق جەرلەردە دە ۋاعىزدايمىز. ٴبىز ٵردايىم ەحوبا تۋرالى جانە ونىڭ قالاۋى تۋرالى ادامدارعا ايتۋدىڭ مۇمكىندىگىن ىزدەيمىز.
3. ىزگى حاباردى ۋاعىزداۋ كىمنىڭ پارىزى؟
يسانىڭ بارلىق شاكىرتتەرى ىزگى حاباردى ۋاعىزداۋ كەرەك. ٴبىز بۇل ىسكە پارىز دەپ قارايمىز. ىزگى حابار ادامنىڭ ٶمىرىن قۇتقاراتىندىقتان، ونى شامامىز كەلگەنشە ايتۋعا تىرىسامىز (تىموتەگە 1-حات 4:16 وقىڭىز). بۇل ٸس ٷشىن بىزگە اقشا تولەمەيدى، ويتكەنى كيەلى كىتاپتا: «تەگىن الدىڭدار،— تەگىن بەرىڭدەر»،— دەپ ايتىلعان (ماتاي 10:7، 8). ادامداردىڭ ٴبارى بىردەي حابارىمىزعا قۇلاق اسپاسا دا، ٴبىز ونى ايتۋدى دوعارمايمىز. سەبەبى ەحوباعا مويىنسۇنعىمىز كەلەدى، ٵرى ونى قۋانتقىمىز كەلەدى.
تەرەڭىرەك ٷڭىلىڭىز
ەحوبا كۋاگەرلەرى جەرجۇزى بويىنشا قالاي ۋاعىزدايتىنىن جانە ەحوبا ولارعا قالاي كومەكتەسەتىنى تۋرالى كوبىرەك بىلەيىك.
دۇنيەجۇزىندەگى ۋاعىز ٸسى: ا) كوستا-ريكا، ٵ) اقش، ب) بەنين، ۆ) تايلاند، گ) ياپ ارالى، ع) شۆەسيا
4. بارلىق ادامعا ۋاعىزداۋ ٷشىن ەش ايانبايمىز
ەحوبا كۋاگەرلەرى ىزگى حاباردى جەرجۇزىندە ۋاعىزداۋ ٷشىن ەرەكشە كۇش سالادى. بەينەروليكتى كورىپ، مىنا سۇراقتى تالقىلاڭىزدار:
-
ەحوبا كۋاگەرلەرى ۋاعىزداۋ ٷشىن بار كۇشتەرىن سالاتىنى ٴسىزدى نەسىمەن تاڭعالدىردى؟
ماتاي 22:39 بەن ريمدىكتەرگە 10:13—15 وقىپ، سوسىن مىنا سۇراقتاردى تالقىلاڭىزدار:
-
ۋاعىز ىسىمىزدەن وزگە ادامداردى جاقسى كورەتىنىمىز قالاي كورىنەدى؟
-
ىزگى حاباردى ۋاعىزدايتىندار جايلى ەحوبا نە ويلايدى؟ (15-تارماقتى قاراڭىز).
5. ٴبىز قۇدايمەن بىرگە ەڭبەكتەنەمىز
ٴبىزدىڭ ىسىمىزگە ەحوبانىڭ ٶزى باس-كوز بولىپ جاتقانى كوپ وقيعادان انىق كورىنەدى. بۇعان — جاڭا زەلانديادا بولعان ٴبىر جاعداي دالەل. پول دەگەن ەر باۋىرلاس ۇيدەن ۇيگە ۋاعىزداپ، ٴبىر ايەلدى كەزىكتىرەدى. سول ايەل تاڭەرتەڭ عانا قۇدايدىڭ ەحوبا دەگەن اتىن اتاپ، بىرەۋ كەلسىنشى دەپ دۇعا ەتكەن ەكەن. «ٷش ساعاتتان كەيىن-اق مەن ونىڭ ەسىگىن قاعىپ تۇردىم»،— دەيدى پول.
قورىنتتىقتارعا 1-حات 3:9 وقىپ، مىنا سۇراقتى تالقىلاڭىزدار:
-
وسىنداي وقيعالاردان ەحوبا ۋاعىز ىسىنە باس-كوز بولىپ جاتقانى قالاي كورىنەدى؟
ەلشىلەردىڭ ىستەرى 1:8 وقىپ، كەلەسى سۇراقتى تالقىلاڭىزدار:
-
نەگە ۋاعىز ٸسىن اتقارۋ ٷشىن بىزگە ەحوبانىڭ كومەگى قاجەت؟
بىلە ٴجۇرىڭىز
اپتا ىشىندە وتەتىن كەزدەسۋدە بىزگە ۋاعىزداۋدى ۇيرەتەدى. ٴسىز وسى كەزدەسۋگە بارعان بولساڭىز، سول ٴتالىم جايىندا قانداي ويدا قالدىڭىز؟
6. ٴبىز قۇدايدىڭ بۇيرىعىنا مويىنسۇنعاندىقتان ۋاعىزدايمىز
ٴبىرىنشى عاسىردا قارسىلاستار يسانىڭ شاكىرتتەرىنىڭ ۋاعىزىن توقتاتقىسى كەلدى. سوندىقتان العاشقى ماسىحشىلەر ۋاعىزداۋ قۇقىقتارىن قورعاپ، «ىزگى حاباردى... زاڭداستىرۋعا تىرىستى» (فىلىپىلىكتەرگە 1:7). بۇگىندە ەحوبا كۋاگەرلەرى دە سولاي ەتەدى a.
ەلشىلەردىڭ ىستەرى 5:27—42 وقىپ، تومەندەگى سۇراقتى تالقىلاڭىزدار:
-
نەگە ٴبىز ۋاعىزداۋدى دوعارمايمىز؟ (29، 38 جانە 39-تارماقتاردى قاراڭىز).
بىرەۋ سۇراسا: «نەگە ەحوبا كۋاگەرلەرى ٷي ارالاپ جۇرەدى؟»
-
ٴسىز قالاي جاۋاپ بەرەر ەدىڭىز؟
تۇيىندەمە
يسا ٸزباسارلارىنا ىزگى حاباردى بارلىق ۇلتتارعا ۋاعىزداۋدى تاپسىردى. ەحوبا ٶز حالقىنا بۇل ٸستى اتقارۋعا كومەكتەسىپ جاتىر.
قايتالاۋ
-
ىزگى حابار جەرجۇزى بويىنشا قالاي ۋاعىزدالىپ جاتىر؟
-
ٴبىزدىڭ ۋاعىز ىسىمىزدەن وزگە ادامداردى جاقسى كورەتىنىمىز قالاي كورىنەدى؟
-
ۋاعىزداۋدى قۋانىش اكەلەتىن ٸس دەپ ويلايسىز با؟ نەگە؟
قوسىمشا ىزدەنىڭىز
ەحوبا كۋاگەرلەرى ۇلكەن قالالاردا قالاي ۋاعىزدايتىنىن ٴبىلىڭىز.
ەحوبا كۋاگەرلەرى بوسقىندارعا كومەكتەسۋ ٷشىن نە ىستەيدى؟
ٶمىرىن ۋاعىزداۋعا ارناپ، سودان باقىتتى بولىپ جۇرگەن ٴبىر ايەلدىڭ وقيعاسىن تىڭداپ كورىڭىز.
ۋاعىز ٸسىنىڭ العا جىلجۋىنا سەپ بولعان ەلەۋلى سوت جەڭىستەرى تۋرالى وقىپ كورىڭىز.
a بىزگە ىزگى حاباردى ۋاعىزداۋدى بۇيىرعان — قۇدايدىڭ ٶزى. سوندىقتان دا ەحوبا كۋاگەرلەرىنە بيلىك وكىلدەرىنەن رۇقسات الۋدىڭ قاجەتى جوق.
قىزىقتى بولار مالىمەتتەر
ٴجيى قويىلاتىن سۇراقتار
كيەلى كىتاپتى زەرتتەۋ ساباعى دەگەن نە؟
كيەلى كىتاپتى اقىسىز زەرتتەۋ ساباعىنا قاتىستى سۇراقتارىڭىزعا جاۋاپ الىڭىز.
