DISÁ 21
Ananyi Amuboka o Njimbu Yambote?
Bhu kaxi ka Utuminu wê, Jihova wandazubha o kuyibha kwoso. Yiyi njimbu yambote, o athu abhingi ku ijiya. Jezú wa mesenene kwila o akayed’ê aboka o njimbu yiyi ku athu oso! (Matesu 28:19, 20) Kyebhi o Jimbangi ja Jihova kyene mu kayela o kitendelesu kiki kya Jezú?
1. Kyebhi o divulu dya Matesu 24:14 dya mu dikumbidila mu izuwa ya lelu?
Jezú wambe: “O njimbu yiyi yambote ya Utuminu, ya bhingi ku itula mu ngongo yoso.” (Matesu 24:14) O Jimbangi ja Jihova asanguluka mu kubhanga o kikalakalu kiki kya katunda. Twamuboka o njimbu yambote mu ngongo yoso mu 1000 amadimi ndenge! Phala kubhanga o kikalakalu kiki kyadikota, kubhinga kithangana ni nguzu phala kudisokejeka kyambote. Ki tweji tena kukibhanga se o kikwatekesu kya Jihova.
2. Nguzu yebhi itwene mubhanga phala kubokela o athu?
Etu tuboka bhwoso bhutusanga o athu. Twene mu boka ‘nzo ni inzo’ kala kyexile mu bhanga o Jikidistá ku hama ya dyanga. (Ikalakalu 5:42) O ukexilu yu wakuboka wene mu tukwatekesa kusanga mazunda ni mazunda a athu mivu yoso. Kuma o athu kene mukala ku bhata ithangana yoso, twene mu boka we mu ididi mu bhita athu avulu. Ithangana yoso, twene mu sota maukexilu akuzwela ni athu ya lungu ni Jihova ni vondadi yê.
3. Ananyi ala ni kikalakalu kya kuboka o njimbu yambote?
O Jikidistá joso ja kidi, atokala kuboka o njimbu yambote ku akwa. Etu tubhana valolo yavulu mu kikalakalu kyetu. Tubhanga yoso itutena phala kuboka o njimbu yiyi, mukonda twejiya kwila yene itena kubhulula o myenyu ya athu. (Tanga 1 Timote 4:16.) Kene mu tufuta phala kubhanga o kikalakalu kiki, o Bibidya yamba: “Mwa tambula ngoho, bhanenu ngoho.” (Matesu 10:7, 8) Athu oso kaxikina o njimbu yetu, maji etu tusuluka mukonda o kuboka kubhanga mbandu ku ubhezelu wetu, kusangulukisa we Jihova.
DILONGE DINGI
Dilonge dingi phala kwijiya o nguzu yene mubhanga o Jimbangi ja Jihova phala kuboka ku mundu woso, ni kyebhi Jihova kyene mu akwatekesa.
Kuboka ku mundu woso: (A) Costa Rica, (B) Estados Unidos, (C) Benin, (D) Tailândia, (E) Yap, (F) Suécia
4. Twene mubhanga yoso ni yoso phala kusanga o athu
O Jimbangi ja Jihova abhanga yoso ya tena phala kubokela o njimbu yambote ku athu mu ididi yoso. Tala OVIDYU, mukusuluka bhanga o kibhwidisu kya kayela.
-
Mu nguzu yene mubhanga o Jimbangi ja Jihova phala kuboka, ihi ya kubhangesa kudiwana dingi?
Tanga Matesu 22:39 ni Loma 10:13-15, mukusuluka bhanga o ibhwidisu ya kayela:
-
Kyebhi o kikalakalu kyetu kya kuboka kilondekesa kwila twazolo akwetu?
-
Kyebhi Jihova kya divwa ya lungu ni yo aboka o njimbu yambote?—Tala o velusu 15.
5. Twala tujingunza, tukalakala kumoxi phala Nzambi
Misoso yavulu ilondekesa kwila, Jihova mwene wa mu kwendesa o kikalakalu kyetu. Mu kifika, ku ixi ya Nova Zelândia sayi phange a mwixana Phawulu mu kuboka nzo ni inzo mu ngoloxi wasange muhatu. Mu kizuwa kyenyókyo mu kamene, o muhatu wasambe kwa Nzambi, watumbula o dijina dya Nzambi, Jihova, yu wa mu bhingi phala ku mutumikisa muthu phala ku mukunda. Phawulu wambe “Mu kubhita ola jitatu, ngabhixila ku dibhitu dyê.”
Tanga 1 Kolindu 3:9, mukusuluka bhanga o kibhwidisu kya kayela:
-
Kyebhi o musoso wabhiti mu ixi ya Nova Zelândia ulondekesa kwila Jihova wa mu kwendesa o kikalakalu kya kuboka?
Tanga Ikalakalu 1:8, mukusuluka bhanga o kibhwidisu kya kayela:
-
Mukonda dyahi twa bhindamena o kikwatekesu kya Jihova phala kukumbidila o kikalakalu kyetu kya kuboka?
Eye wakijidile?
Semana joso, twene mutambula milongi mu yônge yetu ya kaxi ka semana phala ku tukwatekesa kuboka. Se wene muya mu yônge yiyi, ihi i ubanza ya lungu ni milongi yiyi?
6. Etu tubelesela o kitumu kya Nzambi kya lungu ni kuboka
Ku hama ya dyanga, o jinguma amesenene kufidisa o akayedi a Jezú kuboka. O Jikidistá ja dyanga azokela o ujitu wâ wa kuboka “Mu kuzokela . . . o njimbu yambote.” (Filipe 1:7) O Jimbangi ja Jihova kyene we kyene mu bhanga lelu. a
Tanga Ikalakalu 5:27-42, mukusuluka bhanga o kibhwidisu kya kayela:
-
Mukonda dyahi kitwandakweha o kuboka?—Tala o jivelusu 29 38, ni 39.
NANGE SAYI MUTHU WIBHULA: “Mukonda dyahi o Jimbangi ja Jihova aboka nzo ni inzo?”
-
Kyebhi ki weji tambwijila?
IHI IWADILONGO
Jezú watumu o akayed’ê kuboka o njimbu yambote ku ifuxi yoso. Jihova wamukwatekesa o mundu wê kubhanga o kikalakalu kiki.
Kubhitulula
-
Ananyi amuboka o njimbu yambote ku mundu woso?
-
Kyebhi o kikalakalu kyetu kya kuboka kilondekesa kwila twazolo o athu?
-
O kwila o kikalakalu kyetu kya kuboka kitusangulukisa? Mukonda dyahi?
TOKWESA DINGI
Tala kyebhi o Jimbangi ja Jihova kyene mu bokela o athu mu jimbanza jamakota.
Kuboka mu Ididi mu Bhita Athu Avulu mu Mbanza ya Paris (5:11)
Kyebhi o Jimbangi ja Jihova kyene mu kwatekesa o athu alenge o ita mu ixi yâ phala kusota kididi kya kondama?
Ivwa o musoso wamuthu wajimbulula se mukonda dyahi wasanguluka mu kuboka o njimbu yambote.
Dilonge dingi ya lungu ni kyebhi o jinguvulu kya batula o maka mu ukexilu ukwatekesa kuboka o njimbu yambote.
“O Aboki a Utuminu a Zokela o Kikalakalu Kiâ” (O Utuminu wa Nzambi wa mu Tumina Kya!, kibatulu 13)
a Nzambi mwene watutumu o kuboka. Kitwabhingi kukingila kwila o jinguvulu ene atutuma o kuboka o njimbu yambote.
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
