DIILONGWEESH 21

I Mushind Kaay Udyobw Badiil Baat Musah Mulengel?

PLAY

Yehow wiiyiiy kuful myand yoos yitukaakabish, ku dyambulwiish dya Bukaleng bwindiy. Musah oow, i mulengel, ki katwiin mwa kwiilaminey kaayeet. Yeez wambiil biiyij bindiy bwa kudiilobw baat bakwaabw musah oow! (Matewus 28:19, 20) I mushind kaay udy Batemw ba Yehow bakooyel diiy dya Yeez eedy?

1. I mushind kaay udy Matewus 24:14 ukumban leeloow?

Yeez uleebel neey: “Musah mulengel a Bukaleng oow biiyiiy kumudiil baat boos ba ha bulab butuutul.” (Matewus 24:14) Batemw ba Yehow, bady ni musangal a kulong mudimw a buseeb oow. Tudiidiil baat musah mulengel ha bulab butuutul mu bileebel bihit ha 1 000! Bikaam kwiikashishomw ni kulongolol myand bwa kukumbaj mudimw mutam oow. Tuloolong mudimw oow, ku dyambulwiish dya Yehow.

2. I mushind kaay utwiikaakashishomw bwa kudiil baat musah?

Tuloolong mudimw oow, cyaab cyoos citusaasangan baat. Teng bu biin Krist ba kuuhal, Tudiidiil baat musah ku “mazubw maababw.” (Myand Yilongel Bapostol 5:42) Mushind mulengel oow, wiitwambambulwiish bwa kuhet baat miliyo yivul muvw woos oow. Tut katuy basangan baat ku mazubw maababw, tudy mwa kuy cyaab cidy baat bavul bwa kwiibadiil musah. Tukaakaam mishind yoos yitudy mwa kwiibadiil musah wa Yehow ni myand yidyey mulongolol.

3. I ngany udy mwa kudiil baat musah mulengel?

Biin Krist ba biin-biin boos bady ni bujit bwa kudiil baat musah mulengel. Mudimw oow, udy ni buseeb buvul kutudy. Tuloolong mudimw oow mu mishind yoos yitudy mwa kulong, bwaal tudy bamanyik neey, wiiyiiy kukuuloh baat. (Balaay 1 Timoteh 4:16.) Kabiin bitufut bwa mutukaakal mudimw oow, bwaal Bibl uleeleeb neey: “Nubaahet bituh kanuy baland, kaakishanganaay byeen bituh.” (Matewus 10:7, 8) Kabiishoh bend baat boos biitaatab musah iitut. Ki tutuutungunuk ni kudiil baat musah bwaal i cituh cya kuhambidil kwiitut ni mudimw oow, usaasangeej Yehow.

TWEEL MU BONDOK

Manyik myand yivul ya mudy Batemw ba Yehow biikashishomw bwa kudiil baat musah ha bulab butuutul ni mudy Yehow wiibambulwiish.

Kudiil baat musah ha bulab butuutul: (A) Costa Rica, (B) États-Unis, (C) Bénin, (D) Thailand, (E) Yap, (F) Suède

4. Tukaakal mudimw mukasakan bwa kuhet baat boos

Batemw ba Yehow biikaakashishomw bikasakan bwa kudiil baat musah mulengel byaab byoos. Talaay VIDEO, ni isambilaay ha diijooj eedy.

VIDEO: Badiidiil Baat Musah “Teng ni Hakaas ni Hakaas ha Bulab” (7:33)

I biny bikukeekemeshok bwa mudy Batemw ba Yehow biikashishomw bwa kudiil baat musah?

Balaay Matewus 22:39 ni Biin Rom 10:13-15, ni isambilaay ha majooj aam:

I mushind kaay udy mudimw iitut a bukajaady uleej neey, tudy bakat baat neet?
Yehow umvumvw bicy bwa baat badiidiil bakwaabw musah mulengel?—Talaay verseh 15.

5. Tukaakadil mudimw haakaabumw ni Mawej

Kudy myand yivul yileeleej neey, Yehow uloolombol mudimw iitut. Cileejel, mu cibunj cya Nouvelle-Zélande, mwiin-kweet Paul waakady musangan mwaan-mukaj mukwaabw mu mudimw a ku nzubw ni ku nzubw waakadyey ulong ku maakawul. Kuhacy a mashik, mwaan-mukaj oow waakady musambil bikasakan uteel diijin dya Yehow, umulomb bwa muut iiy amulongweeshok. Mwiin-kweet Paul uleeleeb neey: “Mim muman kulong mudimw meeb masat, nafikil ku cibel kwindiy mim kukookol.”

Balaay 1 Biin Korent 3:9, ni isambilaay ha diijooj eedy:

I mushind kaay udy bwaal bwaakady bufikil mwiin-kweet wa mu Nouvelle-Zélande buleej neey, Yehow ki uloolombol mudimw a kudiil baat musah?

Balaay Myand Yilongel Bapostol 1:8, ni isambilaay ha diijooj eedy:

Bwabiny Tukaakaam bwa Yehow iitwambulwiish bwa tukumbaj mudimw iitut a bukajaady?

Udy mumanyik eeny?

Mu cisangil cyoos cya mukacy mwa luming, bituloolongweeshomw mushind utudy mwa kudiil baat musah. Ning ukaady muman ni kutweelok mu cisangil eecy, ulaalang bicy bwa malongweesh madyobw batwaalomw?

6. Tukookooyel diiy dya Mawej dya kudiil baat musah

Mu siyekel a kuuhal, balwiish baakady bakaam kulekesh biiyij ba Yeez, bwa kudiilobw baat musah. Biin Krist ba kuuhal baakady baleebel maneem maababw bwa kwiikal ‘biishikacil bwa kudiil baat musah.’ (Filipw 1:7) Ki cidy Batemw ba Yehow balong byaabw leeloow. a

Talaay VIDEO.