CIJIJO 21
Masoko Akanaka Ari Kucumaereswa Kudini?
Ngo kukasika, Jehovha anozoshandisa Umambo hwake kuti apeje zvineso zvedu zvese. Masoko aya akanaka maningi kuti vandhu vamazive. Jesu wakavhunja vajiji vake kuti vavhunjevo vamweni masoko aya akanaka! (Mateu 28:19, 20) Zvapupu zva Jehovha zviri kuitisa kudini zvakanangwari ndi Jesu?
1. Masoko ari pana Mateu 24:14 ari kukwanirisika kudini nyamasi uno?
Jesu wakati: “Masoko akanaka o Umambo aya, anozocumaehwa pasi pese.” (Mateu 24:14) Zvapupu zva Jehovha zvinodakara ngo kuita basa iri rinosisira maningi. Tinocumaera masoko akanaka mu nyika yese mu ndumi jinopindirija 1.000. Basa iri kuti rikwanirisike, panodikana maningi kuvangisira no kuva takarongeka. No pacaingepi no besero ra Jehovha, basa iri aticaizorikwanisa.
2. Tinoitisa kudini kuti ticumaere vandhu vese?
Cidisiso cedu ngo co kucumaera vandhu pacinenyi no kwavanowanika. Inga Makristu okutanga, itusu tinocumaeravo “nyumba ngo nyumba.” (Mabasa o Vapostori 5:42) Ngo maitiro ondhowo tinokwanisa kucumaera mamiriau no mamiriau o vandhu makore ese. Zvecivoneka kuti asipi nguva jese vandhu vanowanika mu mamuzi avo, tinocumaerazve mundau jakawanda vandhu. Nguva jese tiri kupsaka maitiro okucumaera vandhu ngo pamusoro pa Jehovha no kuita kuda kwake.
3. Ndiyani anodikana kuita basa iri rokucumaera masoko akanaka?
Makristu ese ocokwadi anobasa rokucumaera masoko akanaka kuno vandhu vese. Itusu tinovona kuti basa iri rinosisira maningi. Umwe nga umwe wedu ari kuita zvaanokwanisa mubasa iri ngokuti tinoda kuti vandhu vese vaponeswe. (Verenganyi 1 Timoti 4:16.) Itusu atipagahwi ngo kuita basa iri rokucumaera, ngokuti Bhaibheri rinoti: “Makapuwa mahara, ipanyivo mahara.” (Mateu 10:7, 8) Asipi vandhu vese vanopurukira masoko atinocumaera. Asi itusu tinoenderera mberi tecicumaera ngokuti tinoda kuzwira Jehovha no kumudakajisa.
NASANYI KUPSAKISISA
Zivanyi zvizinji ngo pamusoro po Zvapupu zva Jehovha no manera azviri kuita basa rokucumaera mu nyika yese. Vonanyizve kuti Jehovha ari kutibeseresa kudini.
Kucumaera mu nyika yese: (A) Kosta Rika, (B) Estadhos Unidhus, (C) Bhenini, (D) Tairandiya, (E) Yapi, (F) Suwesiya
4. Itusu tinovangisira maningi kuti ticumaere vandhu vese
Zvapupu zva Jehovha zviri kuvangisira maningi kuti zvicumaere masoko akanaka ku vandhu vese. Rijanyi VHIDHIYO, perapo bhuisananyi ngo muvhunjo unotevera.
-
Munorangarira kudini ngo zvese zvinoithwa ngo Zvapupu zva Jehovha kuti zvicumaere?
Verenganyi Mateu 22:39 na Varoma 10:13-15, perapo bhuisananyi ngo muvhunjo jinotevera:
-
Basa redu rokucumaera rinokhombijisa kudini kuti tinoda vandhu?
-
Jehovha anojizwa kudini paanovona vandhu vake veciita basa rokucumaera masoko akanaka?—Vonanyi vhesi 15.
5. Itusu tinoshanda pamwepo na Mwari
Tino zvokadi zvizinji zvinokhombija kuti Jehovha ari kutungamirira basa rake. Vonanyi muezaniso wo hama imweni inodanijwa Pauro, inogara Novha Zerandiya. Njiku imweni comadeko hama iyi payainga yecicumaera muzi ngo muzi, iyona yakawana mwanakaji wainga apera kuita mukumbiro comangwanani o njiku yondhoyo. Mwanakaji uu paainga eciita mukumbiro kuna Jehovha, iyena wakakumbira kuti ari wese agume pamuzi pake. Hama Pauro vanoenderera mberi veciti: “No papinda nguva ndhatu, ndakagogoja pamusuvo po mwanakaji uwu.”
Verenganyi 1 Vakorinte 3:9, perapo bhuisananyi ngo muvhunjo unotevera:
-
Mukufanana no muezaniso uu, Jehovha ari kukhombijisa kudini kuti ari kutungamirira basa rokucumaera?
Verenganyi Mabasa o Vapostori 1:8, perapo bhuisananyi ngo muvhunjo unotevera:
-
Ngenyi tinoda besero ra Jehovha kuti tiite basa rokucumaera?
Imwimwi maizviziva?
Sumana jese pa musongano wo pakati po sumana, tinoashira rovejo yo manera atingaita basa rokucumaera. Makamboendavo ku umwe wo musongano iji? Ngo zvapi zvamakadakarira ngo rovejo yatinopuwa pa musongano wondhowo?
6. Tinozwira mutemo watakapuwa ndi Mwari
Mu nguva jo vapostori, vandhu vamweni vakaeja kuti vajiji va Jesu vasiye kuita basa rokucumaera. Asi Makristu aya akajivirira citendehwa cawo co kucumaera ‘masoko akanaka, ngo kuita kuti atendehwe kucumaira zvo pamutemo.’ (Vafiripi 1:7) Zvapupu zva Jehovha zviri kuitavo kudaro nyamasi uno. a
Verenganyi Mabasa o Vapostori 5:27-42, perapo bhuisananyi ngo muvhunjo unotevera:
-
Ngenyi atizosii kuita basa rokucumaera? —Vonanyi mavhesi 29, 38, na 39.
VANDHU VAMWENI VANGAMUVHUNJISA KUDARI: “Ngenyi Zvapupu zva Jehovha zvinocumaera muzi ngo muzi?”
-
Imwimwi maizodavirisa kudini?
ZVOTAJIJA
Jesu wakavhunja vajiji vake kuti vacumaere masoko akanaka mu nyika jese. Jehovha ari kubesera vandhu vake kuti vaite basa rokucumaera.
Kuhwirijira
-
Masoko akanaka ari kucumaereswa kudini munyika yese?
-
Basa redu rokucumaera rinokhombijisa kudini kuti tinoda vandhu?
-
Imwimwi munorangarira kuti basa rokucumaera rinoviisa mudakaro? Ngenyi?
ZIVANYI ZVIMWENI
Vonanyi kuti Zvapupu zva Jehovha zviri kucumaeresa kudini mu masidhadhi akakura.
Zvapupu zva Jehovha zviri kuitenyi kuti zvibesere vakatiza hondo?
Kubesera Vatizi vo Hondo Kuti Vapeje Nyota yo Zvokumujimu (5:59)
Marigarita wakapira upenyu hwake kuti acumaere masoko akanaka. Vonanyi kuti izvo zvakaviisa mudakaro kwaari.
Vonanyi kuwina kumweni kwatakaita mu matribhunari kwakabesera pa basa rokucumaera.
a Mwari ndiyena wakatitendera kuti tiite basa rokucumaera masoko akanaka. Ngoiyo ndava, kuti atiimiri kutendehwa ngo utongi hwo vandhu kuti tiite basa rokucumaera.
