KAPITEL 21
Wosoo ware dai gaure nijges preegt?
Bald däit Jehovaa sij Regirung benutse taum dai ganse slime daile uutrote, dit is ain beschaid wat jërer ainsig waite mut. Jësus hät tau sijn jüngers sägt sai schåle dës beschaid säge tau al lüür! (Mateus 28:19, 20) Wosoo daue Jehovaas Tüügen dit måke? Wat hät Jësus forlangt?
1. Wosoo däit dat hüüt passijre wat stäit in Mateus 24:14?
Jësus hät sägt: “Dës gaure nijges fon [God sij] Regirung ware up dai gans bewånent Ër preegt.” (Mateus 24:14) Jehovaas Tüügen ware sër lustig dat sai dëse arbëd mit groote wërd måke koine. Wij daue dai gaure nijges preege up dai gans wild in mër as 1.000 språke. Jehovaas Tüügen muite ales in ordnung hule un sich anstrenge taum dëse arbëd måke. Åne Jehovaa sijn hülp, dëse arbëd küün ni måkt ware.
2. Wosoo daue wij dai gaure nijges tau der lüür preege?
Wij daue dai gaure nijges preege tau der lüür, hät nischt sägen woo sai sin. Soo as dai früüsche kristen, wij daue uk “huus bij huus” preege. (Atos 5:42) Soo, krijge wij mit miljone lüür jërer jår fortele. Dai lüür sin ni ümer t’huus, åwer wij daue woo sai sin preege, wij daue oos ümer anstrenge taum mit dai lüür fortele oiwer Jehovaa sijne wile.
3. Wee hät oiwer sich dai gaure nijges preege?
Dai ganse wår kristen häwe oiwer sich dai gaure nijges tau dai andrer preege un wij geewe dat groote wërd. Jërer ainsig fon oos mökt sij best in dëse arbëd, weegen wij waite dat dat kan tau dai lüür bedüüre leewig blijwe urer ni. (Lees 1 Timóteo 4:16) Wij krijge dår kain loon up, weegen dai Bijbel sägt: “Ümsüss häwe jij dat kreege, un ümsüss geewe jij dat.” (Mateus 10:7 un 8) Ni ale lüür daue oos hööre, wij daue bijblijwe bijm preegen weegen wij wile Jehovaa horge un em sij härts fröölig låte.
DAU MËR LËRE
Wait mër oiwer wat Jehovaas Tüügen måke daue taum dai gaure nijges preegen up dai gans wild un wosoo Jehovaa eer helpe däit dat sai preege koine.
Jehovaas Tüügen daue up dai gans wild preege: (A) Costa Rica, (B) Estados Unidos, (C) Benin, (D) Tailândia, (E) Yap, (F) Suécia
4. Wij daue oos sër anstrenge taum dai gaure nijges preege tau al sort lüür
Jehovaas Tüügen daue sich sër anstrenge taum dai gaure nijges up jërer stel preege. Kijk dai VIDEO un nåheer fortel oiwer dai fråg hijr uuner:
-
Wat däist duu maine oiwer dat wat Jehovaas Tüügen måke daue taum dai gaure nijges preege?
Lees Mateus 22:39 un Romanos 10:13 bet 15 un nåheer fortel oiwer dai frågen hijr uuner:
-
Wosoo wijst oos preegarbëd dat wij dai lüür lijbe daue?
-
Wat däit Jehovaa forneeme oiwer dai wat dai gaure nijges preege daue? (Kijk dai spruch 15)
5. Wij sin dai wat mit God t’hoop arbëre
Wij koine feel daile saie dat Jehovaa der preegarbëd lenkt. Sai ais wat passijrt is in Nova Zelândia mit air braurer wat Paul hit. Aine dag nåmirdag hai däir huus bij huus preege un hät ain fruug trufe wat morgens tau God beert har, sai hät God sijne nåme, Jehovaa, benutst un hät forlangt dat air henkåme schul nam eer huus. Paul hät sägt: “Drai stuun nåheer, häw ik an eer doir ranerklopt.”
Lees 1 Coríntios 3:9 un nåheer fortel oiwer dai fråg hijr uuner:
-
Wosoo daue geschichte soo as dës wijse dat Jehovaa dai preegarbëd lenkt?
Lees Atos 1:8 un nåheer fortel oiwer dai fråg hijr uuner:
-
Woweegen bruuke wij Jehovaa sijne hülp taum der preegarbëd måke?
Wätst duu?
In oos forsamlung ine week, krijge wij belërungs taum waiten wosoo preege. Büst duu al up ain fon dës forsamlung henwääst? Wat häst duu maint?
6. Wij daue dai ordnung horge wat God oos geewt hät
In dai apostels sijn tijd, wek häwe måkt dat Jësus sijn jüngers schule anhule ane preege. Dai kristen häwe sich anstrengt taum ‘dai recht krijge taum dai gaure nijges preege soo as dai regirung sijn lei säge däir’. (Filipenses 1:7) Jehovaas Tüügen måke dat neemlig hüütsendåg. a (Kijk dai nåt)
Lees Atos 5:27 bet 42 un nåheer fortel oiwer dai fråg hijr uuner:
-
Woweegen daue wij ni anhule ane preegen? (Sai dai sprüüch 29, 38 un 39)
UN WEN AIR DIJ SOO FRÅGE DÄIT: “Woweegen daue Jehovaas Tüügen huus bij huus preege?”
-
Wat däist duu antwoore?
WAT HÄWE WIJ HIJR LËRT?
Jësus hät tau sijn jüngers sägt sai schåle dai gaure nijges preege in al gëgende. Jehovaa däit sij folk helpe taum dëse arbëd måke.
Denk dij ais nå
-
Wosoo ware dai gaure nijges preegt upe ganse wild?
-
Wosoo oos preegarbëd däit wijse dat wij dai lüür lijbe daue?
-
Wosoo däist duu maine dat dai preegarbëd kan oos frööligkët bringe? Woweegen denkst duu soo?
TAUM MËR WAITE
Sai ais wosoo Jehovaas Tüügen preege daue in ain groot stad.
Wat daue Jehovaas Tüügen måke taum dai lüür fon andrer gëgende mithelpe?
Margarita hät dai gaure nijges preegt oiwer sij gans leewend. Sai ais wosoo hät eer dit lustigkët geewt.
Kijk ais wek daile wat Jehovaas Tüügen up gericht bröcht häwe un häwe dai recht taum preegen gewune.
a Nåt: Is God wääst wat oos dai ordnung geewt hät taum dai gaure nijges preege, dårweegen wij bruuke ni dat dai regirungs oos erlaube daue dit måke.
Kan sin dat dit dij uk gefale däit
MËSTE FRÅGEN
Wosoo kan man dai Bijbel lëre mit Jehovaas Tüügen?
Duu kast dijn aigen Bijbel benutse taum dai Bijbel lëre mit Jehovaas Tüügen. Duu kast dijn gans familg urer dijn fründe nööge taum dai Bijbel lëre t’hoop mit dij.
