Mänꞌitꞌho, po mäde de näꞌä rä Gobiernu ma dä hñutsꞌi rä Zi Dada Jeoba, ma dä hñäki gatꞌho nuꞌu̱ yä xuñha ꞌne yä sufrimiento di thogihu̱ mäpaya. ¿Hänge xi nꞌa rä hogä notisia näꞌä di debe dä yꞌo̱de gatꞌho yä jäꞌi? Rä Hesu bi mändabi nuꞌu̱ yä de̱ni dä ungä ntꞌo̱de nunä hogä notisia po gatꞌho rä Xiꞌmhai (Mateo 28:19, 20, TNM). ¿Te xä me̱fi yä testigo rä Jeoba ko nunä mhända bi uni rä Hesu?

1. ¿Hanja di kumpli mäpaya näꞌä hutsꞌi ha Mateo 24:14?

Rä Hesu bi ꞌñenä: «Nuya yä hogä notisia de rä Tsꞌu̱tꞌhui Äjuä, ma dä tꞌungä ntꞌo̱de ha gatꞌho rä xiꞌmhai» (Mateo 24:14, TNM). ¡Hängu rä johya di rꞌakägihe yä testigo rä Jeoba gä pe̱fihe näꞌä bi mända rä Hesu! Nuje di ungä ntꞌo̱dehe nuya yä hogä notisia po gatꞌho rä Xiꞌmhai ha thogi de 1.000 yä idioma. Koꞌmu̱ di ja mꞌe̱di ndunthi rä ꞌme̱fi, rä tiempo, rä tsꞌe̱di ꞌne rä orden, hindä za gä jahe nsi rä mfatsꞌi rä Zi Dada Jeoba.

2. ¿Te di pe̱fihe kontal gä predikabihe gatꞌho yä jäꞌi?

Di predikahe habu̱ gatꞌho yꞌo yä jäꞌi. Ja ngu mi ja nuꞌu̱ yä mu̱di kristianu; nuje di pahe «ha yä nguu» pa di utihe yä jäꞌi de rä Noya Äjuä (Hechos 5:42, TNM). Koꞌmu̱ di jahe en orden nunä ꞌme̱fi, tatꞌä je̱ya tsa di predikabihe yä miyontho yä jäꞌi. Rꞌabu̱ yä zi jäꞌi hingi ꞌmu̱i ha yä nguu, hänge ꞌnehe di predikahe ha yä calle ꞌne ha yä tai. Nzäntho di honihe yä oportunida pa gä utihe yä zi jäꞌi toꞌo rä Zi Dada Jeoba ꞌne te ma dä me̱fi.

3. ¿Toꞌo pe̱ꞌtsi rä responsabilida de dä ungä ntꞌo̱de nuꞌu̱ yä hogä notisia bi ehe de Äjuä?

Nuꞌu̱ xa mäjuäni yä kristianu geꞌu̱ debe dä predika ꞌne dä ꞌñudi nuꞌu̱ yä hogä notisiaꞌu̱. Nuje xa di tomähe enserio nunä rä responsabilida. Hänge di pe̱fihe gatꞌho näꞌä tsu̱kägihe pa di utihe yä zi jäꞌi de rä Mäkä Tꞌofo. Di pädihe ge yä bida yä jäꞌi depende de dä bädi rä Zi Dada Jeoba ꞌne dä me̱päbi (hñeti 1 Timoteo 4:16, TNM). Di utihe yä zi jäꞌi de rä Noya Äjuä ꞌne hinte di kobrahe. Rä Biblia enä: «Gratis gä hänihu̱; gratis ma gi unihu̱» (Mateo 10:7, 8, TNM). Nuje di predikahe mäske hingä gatꞌho yä jäꞌi ne dä yꞌo̱de. ¿Por hanja? Ngeꞌä di pädihe ge rä Zi Dada Jeoba di johya ora handi ge di predikahe.

 HANJA DÄ ZA DÄ MAXꞌÄꞌI RÄ NOYA ÄJUÄ

4. Di o̱tꞌehe ntsꞌe̱di po gä predikabihe gatꞌho yä jäꞌi

6. Äjuä go geꞌä di mända gä predikahe

Nuꞌu̱ yä mu̱di kristianu xa bi tꞌu̱tsa ꞌne himi thopäbi dä predika. Ora bi ja mꞌe̱di, nuꞌu̱ yä kristianu bi ma ante yä autorida pa bi defende nuꞌu̱ yä derecho mi pe̱ꞌtsi de dä predika ꞌne dä ꞌñudi de rä Noya Äjuä (Filipenses 1:7). Mäpaya, yä testigo rä Jeoba geꞌä pe̱fi ꞌnehe. a

 NÄꞌÄ DÄ PÄDIHU̱

Rä Hesu bi ꞌñembäbi nuꞌu̱ yä de̱ni ge dä predika po gatꞌho rä Xiꞌmhai ꞌne dä ꞌñuti yä zi jäꞌi nuꞌu̱ yä hogä notisia bi ehe de Äjuä. Rä Zi Dada Jeoba go geꞌä umbäbi rä mfatsꞌi nuꞌu̱ yä ꞌme̱go pa di predika.

Pa gä benihu̱

• ¿Te pe̱fi yä testigo rä Jeoba pa di predika ꞌne udi de rä Noya Äjuä po gatꞌho rä Xiꞌmhai?

• ¿Hanja dä za gä eñhu̱ ge yä testigo rä Jeoba udi rä mhäte po yä mikꞌei ora di predikabi?

• ¿Gi kamfri ge uni rä johya toꞌo dä predika ꞌne dä ꞌñudi de rä Noya Äjuä? ¿Por hanja?