LÈS 21
Kon e Bon Notisia Ta Ser Prediká?
Pronto Dios lo usa su Reino pa kaba ku tur nos problemanan. E notisia ei ta asina bon ku tur hende mester tend’é. Hesus tabata ke pa su siguidónan kompartí e mensahe akí ku tur hende! (Mateo 28:19, 20) Kon Testigunan di Yehova ta kumpli ku e mandamentu ei di Hesus?
1. Kon Mateo 24:14 ta kumpliendo den nos tempu?
Hesus a bisa: “E bon notisia akí di e Reino lo ser prediká den henter e tera habitá.” (Mateo 24:14) Testigunan di Yehova ta partisipá ku goso den e trabou importante akí. Nos ta prediká e bon notisia rònt mundu na mas ku 1.000 idioma! E trabou inmenso akí ta rekerí hopi esfuerso i organisashon. Nos lo no por hasi e trabou akí sin Yehova su yudansa.
2. Ki esfuerso nos ta hasi pa prediká na hende?
Nos ta prediká tur kaminda ku nos por haña hende. Meskos ku e kristiannan di promé siglo, nos ta prediká “di kas pa kas.” (Echonan 5:42) E manera di prediká akí ta duna hopi bon resultado i ta permití nos papia ku miónes di hende tur aña. Debí ku no ta semper nos ta haña hende na kas, nos ta prediká na hopi lugá públiko tambe. Semper nos ta buska oportunidat pa konta otro hende tokante Yehova i su propósito.
3. Ken mester prediká e bon notisia?
Tur kristian berdadero mester prediká e bon notisia. Nos ta tuma e trabou di prediká na serio. Nos ta prediká mas tantu posibel pasobra nos sa ku esei ta salba bida di hende. (Lesa 1 Timoteo 4:16.) Niun hende no ta paga nos pa hasi e trabou akí, pasobra Beibel ta bisa: “Boso a risibí pòrnada, duna pòrnada.” (Mateo 10:7, 8) No ta tur hende ta skucha nos mensahe. Pero, nos ta sigui prediká pasobra e ta parti di nos adorashon i e ta hasi Yehova felis.
KIKO MAS NOS POR SIÑA?
Haña sa mas tokante e esfuerso ku nos komo Testigunan di Yehova ta hasi pa prediká rònt mundu i mira kon Yehova ta yuda nos hasi esei.
Predikando rònt mundu: (A) Costa Rica, (B) Merka, (C) Benin, (D) Tailandia, (E) Yap, (F) Suesia
4. Nos ta hasi esfuerso pa prediká na tur hende
Testigunan di Yehova ta hasi hopi esfuerso pa prediká e bon notisia unda ku nan topa hende. Pasa e VIDIO. Despues, analisá e siguiente pregunta:
-
Kiko ta impreshoná bo di e esfuerso ku Testigunan di Yehova ta hasi pa prediká?
Lesa Mateo 22:39 i Romanonan 10:13-15. Despues, analisá e siguiente preguntanan:
-
Kon e trabou di prediká ta mustra ku nos ta stima hende?
-
Kon Yehova ta mira hende ku ta prediká e bon notisia?—Wak versíkulo 15.
5. Nos ta kompañero di trabou di Dios
Tin hopi eksperensia ku ta mustra ku Yehova ta dirigí nos trabou di prediká. Ban wak loke a sosodé na Nueva Zelandia. Un atardi, un Testigu di Yehova ku yama Paul tabata prediká di kas pa kas i a topa ku un señora. E mainta ei, e señora a hasi orashon na Dios usando Dios su nòmber, Yehova, i el a pidi pa un hende bishit’é i siñ’é tokante Dios. Paul a bisa: “Tres ora despues, mi tabata na su porta.”
Lesa 1 Korintionan 3:9. Despues, analisá e siguiente pregunta:
-
Kon eksperensia manera esun na Nueva Zelandia ta mustra ku Yehova ta dirigí e trabou di prediká?
Lesa Echonan 1:8. Despues, analisá e siguiente pregunta:
-
Dikon nos tin mester di Yehova su yudansa pa kumpli ku nos trabou di prediká?
Bo tabata sa?
Tur siman, na nos reunion di den siman, nos ta haña entrenamentu pa yuda nos prediká. Si bo a asistí na un di e reunionnan akí, kiko bo a pensa di e entrenamentu ku nos ta risibí?
6. Nos ta obedesé Dios su mandamentu pa prediká
Den promé siglo, e enemigunan di e siguidónan di Hesus a purba di stòp nan di prediká. E kristiannan di promé siglo a “defendé e bon notisia i establesé e derecho legal di predik’é.” (Filipensenan 1:7) Testigunan di Yehova ta hasi meskos awe. a
Lesa Echonan 5:27-42. Despues, analisá e siguiente pregunta:
-
Dikon nos lo no stòp di prediká?—Wak versíkulo 29, 38 i 39.
SI UN HENDE PUNTRA: “Dikon Testigunan di Yehova ta bai di kas pa kas?”
-
Kon lo bo kontestá?
RESÚMEN
Hesus a bisa su siguidónan pa prediká e bon notisia na tur nashon. Yehova ta yudando su pueblo pa hasi e trabou akí.
Repaso
-
Kon e bon notisia ta ser prediká rònt mundu?
-
Kon e trabou di prediká ta mustra ku nos ta stima hende?
-
Bo ta kere ku e trabou di prediká por hasi nos felis? Dikon bo ta pensa esei?
MAS INFORMASHON INTERESANTE
Wak kon Testigunan di Yehova ta prediká na hende den stat grandi.
Predikashon Públiko Spesial den Área Metropolitano na Paris (5:11)
Kiko Testigunan di Yehova ta hasi pa yuda refugiado?
Wak kon felis bo por ta si bo dediká bo bida na e trabou di prediká.
Wak kon algun desishon importante ku korte a tuma a yuda pa asina nos por a sigui prediká.
“Predikadónan di Reino Ta Hiba Nan Kaso Korte” (E Reino di Dios Ta Goberná!, kapítulo 13)
a Dios ta esun ku a duna nos e mandamentu pa prediká. Pues, Testigunan di Yehova no mester di pèrmit di gobièrnu humano pa prediká e bon notisia.
Otro Artíkulo Interesante
PREGUNTA KU HOPI HENDE SA HASI
Kon un Kurso di Beibel Ku Testigunan di Yehova Ta Bai?
Pa sigui un kurso di Beibel interaktivo grátis ku Testigunan di Yehova, bo por usa kualke tradukshon di Beibel ku bo ta preferá. Sinti bo liber pa invitá henter bo famia òf kualke amigu pa sigui e kurso di Beibel huntu ku bo.
