21 EL SUOBEL
Ngtecha Omerk er a Ungil Chais?
A Jehovah di kmedung e ngmo okngemed a rokui el mondai loeak a Rengedel. Tia mera el ungil chais el rechad a kirir el mo medengelii. A Jesus a soal a rultirakl er ngii a louchais er tia el klumech el mora rokui el chad! (Mateus 28:19, 20) Ngera te meruul a Resioning er a Jehovah el oltirakl er a tekingel a Jesus?
1. Ngmekera Mateus 24:14 e toutang er chelecha el taem?
A Jesus ulemlaoch el kmo: “Tial Ebangkelio el kirel ngii el Renged a mo mosisechakl er a beluulchad el rokir.” (Mateus 24:14) A Resioning er a Jehovah a kmal dmeu a rengrir el meruul er tia el ureor. Aki omerk er tia el klumech el meliuekl er a beluulechad el rokir el ngar er a betok er a 1,000 el omelekoi! Tia kmal klou el ureor. Ngdi sebechel meketmokl loeak a ngelsuil a Jehovah.
2. Ngera ki meruul me bo lsebecham el merkii el mora rechad?
Aki omerk er aike el sebeched el metik er a rechad er ngii. Ngdi ua rekot el Kristiano, aki oldingel “obliil.” (Rellir 5:42) Ngoeak tiakid el rolel e ngsebecham el mengedecheduch er a rebetok el miliol el chad er a bek el rak. Me nguaisei a rechad a diak leblechoel el ngar er a blirir me aki dirrek lomerk er a klumech er a buai. Aki osiik a techall el mo ouchais er a rechad el kirel a Jehovah me a moktek er ngii.
3. Ngngerechelel techang lomerk er a ungil chais?
Ngngerechelir a rokui el mera el Kristiano el lomerk er a ungil chais el mora rechad. Ki omes er tia el ngerachel el kmal klou a ultutelel. Aki omerk el mora tkurrebab el sebecham le ki medengei el kmo tia el klumech olsobel a klengar er a rechad. (Monguiu er a 1 Timothy 4:16.) Ngdiak ki muduudel e le Biblia kmo: “Ng dimlak momechar a ikel ilekor kemiu, me lak bo locheraol a cho momesterir a re chad.” (Mateus 10:7, 8) Ngdiak el rokui el chad a mo kongei er a klumech. Engdi aki di melemolem lomerk e le ngtelengtengil omengull er kemam, ngdirrek el rullii a Jehovah el mo dmeu a rengul.
BOM DMOLECH EL MERRITER
Bo modengei a lmuut el betok el kirel a rolel e a Resioning er a Jehovah omerk er a klumech er a beluulechad el rokir e mesa rolel e a Jehovah olengeseu er kemam.
Omerk er a klumech el meliuekl er a beluulechad el rokir: (A) Costa Rica, (B) Merikel, (C) Benin, (D) Thailand, (E) Beluulchab, (F) Sweden
4. Aki meringel loureor losiik er a rechad
A Resioning er a Jehovah meruul a ileakl el ureor el mo omerk er a klumech el mora rechad er ker me ker. Momes er a VIDEO e mosaod er tia el ker.
-
Ngera uldesuem el kirel aike el loruul a Resioning er a Jehovah me bo lsebechir el merkii a klumech?
Monguiu er a Mateus 22:39 me a Rom 10:13-15 e mosaod aika el ker:
-
Ngmekera ureram er a berkel a klumech e ochotii el kmo ngbetik a rengmam er a rengar bita er kemam?
-
Ngera uldesuel a Jehovah el kirir tirke el lomerk er a ungil chais?—Momes er a 15 el kekerei el bades.
5. Aki oureor el kldemel a Dios
Betok el tekoi el mla duubech ochotii el kmo a Jehovah omekrael er a ureor. El ua tiang, a Paul el odam er a New Zealand uleldingel obliil er a ta el chodochosong e miltik er a ta el redil. A tutau er tiakid el osisiu el sils e ngika el redil a milluluuch el mora Dios lousbech er a ngklel el Jehovah lolengit me a chad bo el odngelii. A Paul a kmo, “Edei el sikang er uriul e ak mlora blil.”
Monguiu er a 1 Korinth 3:9 e mosaod er tia el ker:
-
Ngmekera tekoi el ua tia el dilubech er a New Zealand e ochotii el kmo a Jehovah omekrael er a ureor er a berkel a klumech?
Monguiu er a Rellir 1:8 e mosaod er tia el ker:
-
Ngera uchul me kede ousbech er a ngelsuil a Jehovah el mo kutmeklii a ureor er a berkel a klumech?
Ke medengei el kmo ngerang?
Bek el sandei el ngar sel miting er kemam a le weekdays e aki melai a training el lolengeseu er kemam el mo omerk er a klumech. A lsekum e ke mla mora ta er aika el miting, e ngera uldesuem er aika el training el ki molai?
6. Aki omerk er a klumech le ki olengesenges er a Dios
Sera taem er a rekot el Kristiano e a rulemtok a millasem el merrob er a rultirakl er a Jesus el mo diak lomerk er a klumech. Engdi tir a milsebechakl er a llemeltir lomerk er a ‘losaod er a Ebangkelio e lolalem er ngii.’ (Filipi 1:7) A Resioning er a Jehovah me te meruul er a osisiu el tekoi er chelecha el taem. a
Monguiu er a Rellir 5:27-42 e mosaod er tia el ker:
-
Ngera uchul me ngdiak ki meterob lomerk?—Momes er a 29, 38, me a 39 el kekerei el bades.
A REBEBIL A LOCHA MO OKER: “Ngera uchul me a Resioning er a Jehovah a merael loldingel obliil?”
-
Ngmekera omonger er ngii?
SUMMARY
Jesus a dilu er a rultirakl er ngii me leberkii a ungil chais el mora rokui el renged. A Jehovah olengeseu er a rechedal el meruul er tia el ureor.
Review
-
Ngtecha omerk er a ungil chais?
-
Ngmekera urered er a berkel a klumech e ochotii el kmo ngbetik a rengud er a rengar bita er kid?
-
Omomdasu e a ureor er a berkel a klumech a sebechel mo uchul a deuil a rengud? Ngera uchul me ke melekoi el uaisei?
A LSEBECHEM E MOMES
Mesa rolel e a Resioning er a Jehovah omerk er a klumech er a meklou el beluu.
Ngera te meruul a Resioning er a Jehovah lolengeseu er tirke el chemiis a tellemall er a belurir?
Momes er a ta el redil el mesaod er a uchul me ngkmal dmeu a rengul el ngileltii el mousbech er a klengar er ngii lomerk er a klumech.
Monguiu el kirel a meklou a ultutelel case er a kort el blo lemesisiich er ngii, el mla rullii el mo beot a domerk er a klumech.
“Kingdom Preachers Take Their Case to Court” (God’s Kingdom Rules!, 13 el bliongel)
a A Dios ngike el dmu er kemam me aki omerk. Me a Resioning er a Jehovah diak lousbech er a kengei er a rechad el mengedereder el mo omerk.
