LECCIÓN 21
¿Imasnara ali gustu cuintashcaunara yachachinchi?
Ñallami Jehová Dios paihua Reinohua tucui runauna turmindusgunara tucuchinga. ¡Chiraigu cai sumaj cuintashcara tucui runaunara cuintana munanchi! Jesús munacami paihua catijcuna cai cuintashcaunara tucuigunara cuintanuchu (Mateo 28:19, 20). ¿Imara Jehovahuaj testigoguna ruranushca cai Jesús mandashcara casungahua?
1. ¿Imasnara Mateo 24:14 rimashca cuna punzhaunai pactariun?
Jesús nica: “Cai Dios mandana pacha evangelio ali shimi intiru mundui camachishca anga” (Mateo 24:14). Jehovahuaj testigoguna ashca cushihua caita ruranchi. Cai ali gustu cuintashcaunara intiru mundui 1.000 yali shimiunai yachachinchi. Cai atun sumaj tarbanara rurangaj ashca ursa, purunturinas ministirinmi. Jehová mana yanapajpi caita rurangaj shinzhi angami.
2. ¿Imara ruraunchi runaunara Bibliamanda yachachingahua?
Maibis runauna tiashca partii yachachinchi. Punda sigloi Jesusta catijcuna rurashca shina “tucui huasiunais” yachachinchi (Hechos 5:42). Shina rurasha caran huata huaranga huaranga runaunahua rimashcanchi. Huaquimbi runauna huasii mana tiashcamanda maibis runauna pasaushca partiunais yachachinchi. Tucui huras chapaunchi Jehovamanda paihua munashcamandas runaunahua cuintangaj.
3. ¿Piguna ali gustu cuintashcaunara yachachina anun?
Tucui Jesusta sirtu catijcuna ali gustu cuintashcaunara yachachina anun. Caita pactachingahua ñucanchi ashcara ursarinchi. Bibliamanda uyasha runauna quishpirina ushashcara yachasha, tucui ñucanchi ushashca tupu Bibliamanda yachachinchi (leai 1 Timoteo 4:16). Cai tarbana rurashcamanda mana pis ñucanchira paganzhu, Biblia ninmi: “Yanga llaquishcamanda apishcanguichi, yanga llaquishcamanda cuichi” (Mateo 10:7, 8). Runauna ñucanchira mana uyana munanujpis Bibliamanda yachachisha catinchi Jehová Diosta adurangaj cushiyachingajpas.
MAS YACHAI
Ricushun imasna Jehovahuaj testigoguna intiru mundui Bibliamanda yachachingaj ursarinchi shinallara imasna Jehová ñucanchira yanapaushcaras.
Intiru mundui Bibliamanda yachachinchi: A) Costa Rica; B) Estados Unidos; C) Benín; D) Tailandia; E) Yap (Micronesia); F) Suecia.
4. Tucui runaunama pactangaj ursarinchi
Jehovahuaj testigoguna runauna maibi anujpis paigunara ali gustu cuintashcaunara cuintangaj ursarinchi. VIDEORA ricuichi, huasha catij tapuimanda rimaichi:
-
Jehovahuaj testigoguna yachachingaj rurashcaunamanda ¿imara canda mas gustan?
Leaichi Mateo 22:39; Romanos 10:13-15, huasha catij tapuigunamanda rimaichi:
-
¿Imasnara Bibliamanda yachachina ricuchin runaunara ñucanchi llaquishca?
-
¿Imara Jehová Dios iyan ali gustu cuintashcaunara yachachijcunamanda? (Versículo 15 ricuichi).
5. Dioshua pariju tarbajcuna anchi
Ñucanchi Bibliamanda yachachinara Jehová Dios ashca cuti yanapaushcara ricushcanchi. Ricushun Nueva Zelanda llactai pasashcara. Huasi huasi Bibliamanda yachachinai, huauqui Paul shu chishi shu señorara tupaca. Chi punzhallara tutamanda, chi huarmi Yaya Diosta mañaca paihua shutii rimasha, Jehová, paita ricsingaj yanapahuachu nisha. Paul nin: “Quinsa horas huasha señora huasima pactacani”.
Leaichi 1 Corintios 3:9, huasha catij tapuimanda rimaichi:
-
¿Imasnara casna tunu pasashca ricuchin Jehová Dios Bibliamanda yachachingaj yanapaushcara?
Leaichi Hechos 1:8, huasha catij tapuimanda rimaichi:
-
¿Imarasha ministinchi Jehová yanapachu Bibliamanda yachachingahua?
¿Yachanguichu?
Chaupi semana tandarinai yachachinun Bibliamanda yachachingahua. ¿Chi tandarinai ashcanguichu? ¿Imara iyangui imasna chibi yachachinun Bibliamanda yachachingahua?
6. Bibliamanda yachachisha Dios mandashcara casunchi
Punda sigloi, Jesusta chijnijcuna arcanuca Diospa Shimimanda ama yachachingaj. Punda Jesusta catijcuna Diospa Shimira yachachingaj autoridadguna ñaupai ali gustu cuintashcaunara difindinuca (Filipenses 1:7). Cuna Jehovahuaj testigoguna shinallarami ruranchi. a
Leaichi Hechos 5:27-42, huasha catij tapuimanda rimaichi:
-
¿Imarasha Bibliamanda yachachinara mana saquingaraunchi? (Versículo 29, 38, 39 ricuichi).
RUNAUNA CASNA TAPUNUJPI: “¿Imarasha Jehovahuaj testigoguna caran huasiunama pactanun?”.
-
¿Imara can cutipanguima?
IMARA YACHASHCANGUI
Jesús paita catijcunara mandacami tucui partii tiaj runaunama ali gustu cuintashcaunara yachachinuchu. Jehová Dios yanapaun paihua llactara casna rurasha catingahua.
Iyaringaj
-
¿Imara ruranchi ali gustu cuintashcaunara intiru mundui yachachingahua?
-
¿Imasnara Bibliamanda yachachina ricuchin runaunara ñucanchi llaquishca?
-
¿Bibliamanda yachachina ñucanchira cushiyangaj yanapanzhu? ¿Imarasha?
RICUNGUI
Ricui imasna yachachinun Jehovahuaj testigoguna atun llactaunai.
Jehovahuaj testigoguna ¿imasnara carumanda shamujcunara Bibliamanda yachachinushca?
Bibliamanda yachachisha carumanda shamujcunara yanapanchi (5:59)
Ricui imasna shu huarmi ashca cushi sintirin tucui timpui Bibliamanda yachachisha.
Yachai imasna huaquin juicio ganashca yanapashca ali gustu cuintashcaunara yachachisha catingahua.
“Reinomanda rimajcuna juezgunama rinun” (Diospa Reino ña mandaunmi, punto 13)
a Yaya Dios mandaun Bibliamanda yachachingaj. Chiraigu Jehovahuaj testigoguna ali gustu cuintashcaunara yachachingahua runa apuunara permisora mañangaj mana ministinchi.
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
