LEKCIJA 21
Lačho hiros šunďol pal calo svetos
O Jehovas so neksigeder prekal peskero kraľišagos odčhivela savore pharipena, so zadživas. Kampel, kaj dojekh manuš te šunel ada lačho hiros. O Ježiš užarel, hoj adi buťi kerena leskere učeňika! (Matúš 28:19, 20) Sar le Jehovaskere svedki keren pal ala lava?
1) Savi buťi andal o Matúš 24:14 pes kerela andre amare ďivesa?
O Ježiš phenďa: „Ada lačho hiros pal o kraľišagos pes vakerela [savore manušenge] pal caľi phuv.“ (Matúš 24:14) Le Jehovaskere svedki thoven baripen, hoj šaj keren adi bari buťi. Vakeras pal o kraľišagos pal caľi phuv andro buter sar 1000 čhiba! Das andre ada calo jilo a tiš oda keras avka, sar hin amenge phendo. Dičhol, hoj o Jehovas hin amenca a pomožinel amenge ala buťaha!
2) Sar keras adi buťi?
Vakeras le manušenca pro dojekh than. Avka sar perša Ježišoskere učeňika the amen phiras „kher kherestar.“ (Skutky 5:42) Kavka pes sako berš dochudas ko milijoni manuša. Te nane khere, vakeras lenca pre uľica, pro foros abo andro skľepi. Všadzik kaj pes del, kamas te del duma le manušenca pal o Jehovas a pal oda, so kerela la phuvaha.
3) Kastar pes užarel, hoj kerela adi buťi?
Lačho hiros pal o Devleskero kraľišagos majinel te vakerel dojekh čačikano kresťanos. Adi buťi, so hin amenge diňi, na las ča avka. Keras sa, so birinas, bo džanas, hoj džal pal o manušengero dživipen. (Pregen 1. Timotejovi 4:16) Na chudas vaš ada o love. Andre Biblija hin: „Hijaba chudňan, hijaba den.“ (Matúš 10:7, 8 NZ) Na sako kamela te šunel o lačho hiros. Aľe the avka pes na vzdas, bo oleha sikavas amaro baro kamiben ko Jehovas a keras leske radišagos.
DODŽAN TUT BUTER
So savoro keren le Jehovaskere svedki, kaj pes te dochuden ko nekbuter manuša pal calo svetos? Sar amenge pomožinel o Jehovas kala buťaha?
Vakeras lačho hiros pal calo svetos: (A) Kosta Rika, (B) Amerika, (C) Beňin, (D) Thajsko, (E) Jap, (F) Švedsko
4) Na kamas ňikas te obdžal
Na arakhes pro svetos o than, kaj bi le Jehovaskere svedki na vakerenas le manušenca pal o Devleskero kraľišagos. Mukh o VIDEJO a paľis vakeren jekhetane.
-
So tut chudel le jilestar, sar dikhes, so savoro keren le Jehovaskere svedki?
Pregen Matúš 22:39 the Rimanom 10:13–15 a paľis vakeren jekhetane:
-
Sar adi buťi, so keras, sikavel, hoj igen rado dikhas le manušen?
-
Sar o Jehovas dikhel pre ola, so vakeren lačho hiros? (Dikh o tekstos 15.)
5) Keras buťi jekhetane le Devleha
Buterval pes ačhiľa, hoj pre peskere jakha dikhľam, sar o Jehovas ľidžal amari buťi. Le tuke avka. Pro Nevo Zelandos o phral Paul geľa andre služba kher kherestar u arakhľa jekha džuvľa. Oj leske phenďa: „Anglo trin ori man modľinavas ko Del, phenďom Devleskero nav Jehovas u mangavas les, kaj pal mande te avel varesavo Jehovaskero svedkos.“
Pregen 1. Korinťanom 3:9 a paľis vakeren jekhetane:
-
Pal calo svetos zadživas oda, so the o Paul zadžiďiľa pro Nevo Zelandos. Sar oda sikavel, hoj amari buťi čačes ľidžal o Jehovas?
Pregen Skutky 1:8 a paľis vakeren jekhetane:
-
Soske amenge kampel le Jehovaskeri zor, kaj te dokeras adi buťi?
Džanehas?
Sako kurko pre amaro zhromažďeňe sikhľuvas, sar mek feder te vakerel pal o Del. So phenes, soske hin lačhes, hoj sikhľuvas, sar te vakerel pal o Del?
6) Pro peršo than šunas le Jehovas
Perše Ježišoskere učeňiken kamenas te zaačhavel, kaj te na vakeren pal o Jehovas. Aľe on pes na vzdine. Gele „pro sudos, kaj pes te na preačhel te vakerel pal o lačho hiros.“ (Filipanom 1:7) Le Jehovaskere svedki keren adaďives oda isto. a
Pregen Skutky 5:27–42 a paľis vakeren jekhetane:
VAREKO ŠAJ PHUČEL: „Soske le Jehovaskere svedki phiren kher kherestar?“
-
So bi tu lenge pre oda odphenehas?
SO SIKHĽIĽAM
O Ježiš phenďa peskere učeňikenge, kaj te vakeren lačho hiros savore nipenge. O Jehovas amenge andre adi buťi del zor.
So bi phenehas
-
Ko vakerel lačho hiros pal calo svetos?
-
Sar adi buťi, so keras, sikavel, hoj igen rado dikhas le manušen?
-
Mišľines tuke, hoj sam barikane pre buťi, so chudňam le Devlestar? Soske?
DIKH TUKE BUTER
Dikh, sar le Jehovaskere svedki vakeren lačho hiros andro baro foros.
Sar le Jehovaskere svedki vakeren lačho hiros olenge, so denašle andre aver krajina?
Pomožinas te sprindžarel o čačipen olenge, so denašle andre aver krajina (5:59)
Soske sam igen barikane, hoj šaj avrenge vakeras lačho hiros? Adaj tuke šuneha avri.
Pregen tuke, sar lačhes dopele le Jehovaskere svedki pro sudos, kaj dureder te vakeren lačho hiros.
„Zvestovatelia Kráľovstva dávajú svoje prípady na súd“ (Božie Kráľovstvo vládne! 13. kapitola)
a O Del kamel, kaj le Jehovaskere svedki te vakeren avrenca pal leste. Vašoda na užaren pro vladi, kaj lenge te domukhen te vakerel pal o lačho hiros.
Dikh the pre ada
SO O MANUŠA KAMEN TE DŽANEL
So oda hin te sikhľol la Biblijatar?
Te kavka sikhľona la Biblijatar le Jehovaskere svedkenca, šaj genen andal e Biblija, savi tumen kamen. Šaj vičinen la fajta, le kamaraten abo kas kamen.
