FUNDO 21
Masoko Akanaka Anoparidzirhwa kudini?
Mbai-mbai pano Djehovha acaseenzesa Umambo wake kuti apedze matambudziko edu ese. Masoko aya tinoabvunzawo anhu ese. Djesu akabvunza afundi ake kuti aziise nge zve masoko aya ku anhu ese! (Mateu 28:19, 20) Apupuri a Djehovha arikuzwira kudini zvaakakumbirhwa na Djesu?
1. Mateu 24:14 iri kudzadzika kudini mazuwa ano?
Djesu akareketa kuti: “Masoko aya akanaka e Umambo acaparidzwa mu nyika yese inogarhwa.” (Mateu 24:14) Apupuri a Djehovha anoita basa ecipfara. Tinoparidza masoko aya akanaka mu nyika yese mu mureketero dzinodarika 1000! Basa iri rakakura rinoda kupeta masimba uye kurongeka. Kudai notisina rubetso ra Djehovha, tainga tisikamborikwanisi.
2. Tinoitei kuti tikwanise kuparidzira anhu?
Tinoparidza ku mbuto yese yatinogumira anhu. Tinoparidzira pa “nyumba no nyumba.” (Zviito 5:42) Nge mushobo uu, tinokwanisa kureketa no mamirionji e anhu makore ese. Anguwapi yese yekuti anhu ari mumamizi, ndiyo ndaa tinoparidzirawo mu mbuto dzakawanda anhu. Tinogara tecipsvaka mikana yekubvunza amweni nge zva Djehovha ne zvinangwa zvake.
3. Ndiyani ano basa rekuparidzira masoko akanaka?
AKristu ese ndiwo ano basa rekuparidza masoko akanaka ku amweni. Uye isusu tinobata basa iri no nyara mbiri. Umwe na umwe wedu anoita zvese zvaanokwanisa pa basa iri ngekuti tinoziya kuti upenyu we anhu uri pa ngozi. (Erengai 1 Timoti 4:16.) Apana catinotambira kuti tiite basa iri, ngekuti Bhaibheri rinoti: “Imwimwi makatambira nyore, hino pasaiwo nyore.” (Mateu 10:7, 8) Aanhupi ese anotipurutana. Asi isusu tinorumbwa teciparidzira ngekuti tinoda kuzwira Djehovha uye tinoda kupfadza mwoyo wake.
FUNDAI ZVAKAWANDA
Ziyai zvakawanda nge zve zvinoizwa ne Apupuri a Djehovha kuti aparidzire mu nyika yese uye kuti Djehovha anotibetsera kudini.
Kuparidzira mu nyika yese: (A) Costa Rica, (B) Estados Unidos, (C) Benin, (D) Tailândia, (E) Yap, (F) Suécia
4. Isusu tinopeta masimba kuti tiparidzire anhu ese
Apupuri a Djehovha anopeta masimba kuti aparidzire masoko akanaka ku anhu ari mu mbuto dzese. Ridzai VHIDHIYO, pedzepo cedzai nge zve mubvunzo unoteera.
-
Munoona kudini zvese zvinoizwa no Apupuri a Djehovha kuti aparidzire amweni?
Erengai Mateu 22:39 na Aroma 10:13-15, pedzepo cedzai nge zve mibvunzo dzinoteera:
-
Basa redu rekuparidzira rinopangidza kudini kuti tinoda anhu?
-
Djehovha anoona kudini anhu anoparidzira masoko akanaka? —Onai vhersikuro 15.
5. Tinoseenza pamwepo na Mwari
Tino zviro zvakawanda zvinopangidza kuti Djehovha arikutungamirira basa iri. Onai zvakaitika no hama imweni inozwi Paul ye ku Nova Zelândia. Zuwa rimweni cemasikati, paaiparidzira nyumba no nyumba, iyona yakagumira mwanakadzi umweni wainga aita munamato kuna Mwari macibesi e zuwa irona. Eciseenzesa zina ra Mwari, iyena wakakumbira kuti munhu aende kumba kake. Paul unoti: “Ndakaguma pa nyumba pake paapadarika nguwa nhatu basi kubva paakanamata.”
Erengai 1 Akorinti 3:9, pedzepo cedzai nge zve mubvunzo unoteera:
-
Maeshiperiensiya akaita hinga aya anopangidza kudini kuti Djehovha ari kutungamirira basa rekuparidzira?
Erengai Zviito 1:8, pedzepo cedzai nge zve mubvunzo unoteera:
-
Ngei tecida rubetso ra Djehovha kuti tibudirire pa basa rekuparidzira?
Maizviziya here?
Masumana ese, pano musangano we pakati pe sumana patinofundiswa kuita basa rekuparidza. Kana makambopinda umwe we musangano iwona, makaona mafundisirhwe atinoizwa here?
6. Tinotondowedza mutemo wetakapaswa na Mwari wekuparidza
Mu nguwa ye aphostori, amweni akaedza kuimisa basa raiizwa ne afundi a Djesu. Asi aKristu akadziirira citenderhwa cekuparidzira ‘zviri pa mutemo masoko akanaka.’ (Afiripi 1:7) Apupuri a Djehovha anoita zvimwezvo mazuwa ano. a
Erengai Zviito 5:27-42, pedzepo cedzai nge zve mubvunzo unoteera:
-
Ngei tisikadikani kuima kuparidzira? —Onai mavhersikuro 29, 38, uye 39.
KANA MUNHU AKAMUBVUNZISA: “Ngei Apupuri a Djehovha eciparidza pa nyumba no nyumba?”
-
Imwimwi maizodaira kudini?
MUCIGWAGWA
Djesu akabvunza afundi ake kuti aparidzire masoko akanaka ku madzinza ese. Djehovha arikubetsera anhu ake kuti aite basa iri.
Mibvunzo yekuhwirinzira
-
Masoko akanaka arikuparidzirhwa kudini mu nyika yese?
-
Basa redu rekuparidzira rinopangidza kudini kuti tinoda anhu?
-
Munorangarira kuti basa rekuparidzira rinounzisa mupfaro here? Ngei mecidaro?
ZIYAI ZVAKAWANDA
Onai kuti Apupuri a Djehovha anoparidzira kudini mu mathaundi akakura.
Kuparidza mu Mbuto Dzinodarika Anhu Akawanda ku Paris (5:11)
Apupuri a Djehovha anoita kudini kuti abetsere atizi e hondo?
Margarida wakaseenzesa upenyu wake wese eciparidzira masoko akanaka. Onai kuti kuita izvona zvakamuunzisira mupfaro.
Onai kukunda kunokosha kakaizwa mumatare kakabetsera pa basa rekuparidzira.
a Mutemo we kuparidzira masoko akanaka takaupaswa na Mwari. Ndiyo ndaa, atidi citenderhwa ce anyautongi kuti tiite izvi.
