КИЧЭЭЛ 21
Өөрүшкүлүг медээ бүгү делегейге канчаар чедип турар?
Удавас Иегова Чагыргазы-биле шупту бергелеривисти шиитпирлептер. Ол кайгамчыктыг медээни чугаалавас аргажок. Өөреникчилери ол медээни кижи бүрүзүнге чугаалазын деп, Иисус күзээн! (Матфей 28:19, 20). Иегованың Херечилери Иисустуң берген даалгазын канчаар күүседип турар?
1. Иисустуң даалгазы канчаар күүсеттинип турар?
«Дээрниң Чагыргазының дугайында бо Буянныг Медээни бүгү делегейге, хамык чоннарга медеглээн турар» деп, Иисус чугаалаан (Матфей 24:14). Ону күүседирде хөй күжениишкиннер болгаш эки удуртулга херек. Иегованың Херечилери ол медээни күзелдии-биле бүгү делегейде 1000 ажыг дылдарда суртаалдап турар! Иегованың дузазы чокка ол улуг ажыл болдунмас.
2. Канчаар суртаалдап турар бис?
Улус бар черлерге-ле база «бажыңнар кезип», чылдың-на дыка хөй кижилерге өөрүшкүлүг медээни дамчыдып турар бис (Ажыл-чорудулга 5:42). Хөй-ниити черлеринге суртаалдап, бажыңнарынга турбас улуска Иегованың дугайында база келир үени чугаалаар дээш, болдунар-ла аргаларны ажыглап турар бис.
3. Кым суртаалдаар ужурлуг?
Буянныг медээни дамчыдары — ёзулуг христиан кижиниң хүлээлгези. Ол ажылдан кижилерниң амы-тыны хамааржыр болганда, күжүвүстү-даа, үевисти-даа харамнанмас бис. (Номчуптуңар: 1 Тимофейге 4:16.) Бис суртаал дээш акша албайн турар бис, чүге дээрге Библияда: «Халаска алган силер — халаска бериңер» — дээн (Матфей 10:7, 8). Чамдык улус медээни хүлээп албас-даа болза, суртаалдаарын соксатпас бис. Чүге дизе суртаал — Иеговага чүдүлгевистиң чугула кезээ-дир база ол ажылды кылгаш, Ону өөртүп турар бис.
ХАНЫ ШИНЧИЛЕҢЕР
Иегованың Херечилериниң суртаал ажылының дугайында база Бурган биске канчаар дузалап турарын билип алыр силер.
Суртаал ажылы: А) Коста-Рика, Б) Каттышкан Штаттар, В) Бенин, Г) Таиланд, Д) Яп, Е) Швеция
4. Кижи бүрүзүнге суртаалдаарын кызып турар бис
Бүгү черге суртаалдаар дээш, Иегованың Херечилери улуг күжениишкиннерни үндүрүп турар. ВИДЕОНУ көргеш, айтырыгга харыылаптыңар:
-
Иегованың Херечилериниң суртаалының кайы талазы силерге кайгамчык-тыр?
Матфей 22:39 биле Римчилерге 10:13—15-ти номчааш, харыылаптыңар:
-
Бараалгалывыс кижилерге ынакшылды канчаар көргүзүп турар?
-
Өөрүшкүлүг медээниң суртаалчыларынга Иегованың хамаарылгазы кандыг? (15 дугаар шүлүктү көрүңер.)
5. Бурган-биле кады ажылдажып турар бис
Суртаал ажылын Иегова удуртуп турарын бадыткаан чижектер хөй. Чаа Зеландияга Пол дээр акывыс бажыңнар кезип чорааш, херээжен кижиге таваржы берген. Ол Иегова Бургандан бир кижини чортуптарын мөргүп, дилеп турган. Үш шак болганда, акывыс ооң эжииниң чанынга турган.
1 Коринфичилерге 3:9-ту номчааш, харыылаптыңар:
-
Ындыг таварылгалардан Иегованың киржилгези канчаар көстүп турар?
Ажыл-чорудулга 1:8-ти номчааш, харыылаптыңар:
-
Иегованың дузазы чокка ол даалганы чүге кылып шыдавас бис?
Билир силер бе?
Неделя санында чыышка суртаалдап өөренип турар бис. Ынаар барган силер бе? Өөредилгениң деңнели силерге кандыг-дыр?
6. Бурганның ажылын күүседип турар бис
Бирги векте чамдык улус суртаал ажылын соксадырын оралдашкан. Ол үениң христианнары хоойлу ёзугаар суртаалдаар эргезин камгалап турганнар (Филипчилерге 1:7). Амгы үеде Иегованың Херечилери шак ынчаар кылып турар a.
Ажыл-чорудулга 5:27—42-ни номчааш, харыылаптыңар:
-
Суртаалдаарын чүге соксатпас бис? (29, 38, 39 дугаар шүлүктерни көрүңер.)
БИР КИЖИ МЫНЧААР АЙТЫРЫП БОЛУР: «Иегованың Херечилери бажыңнарга чүге барып турар?»
-
Чүү деп харыылаар силер?
КОЛ БОДАЛ
Иисус өөреникчилеринге бүгү чоннарга медээни суртаалдаарын дааскан. Ол ажылга Иегова дузалажып турар.
Катаптаашкын
-
Буянныг медээ чер бүрүзүнге канчаар чедип турар?
-
Кижилерге ынакшылды бараалгалывыс канчаар көргүзүп турар?
-
Чүү деп бодаар силер, суртаал ажылы өөрүшкү эккээр бе? Чүге?
НЕМЕЛДЕ
Иегованың Херечилери улуг хоорайларда канчаар суртаалдап турарын сонуургаңар.
Дескен улуска Иегованың Херечилери канчаар дузалап турар?
Бүгү чуртталгазын суртаалга бараалгаткан угбавысты дыңнаңар.
Суртаал ажылынга чиигелделер эккелген юридиктиг тиилелгелер дугайында номчуп көрүңер.
«Чагырганың суртаалчылары судтажып турар» («Бурганның Чагыргазы башкарып эгелээн!» эге 13)
a Өөрүшкүлүг медээни суртаалдаарын Иегованың Херечилеринге Бурган Боду дагзып каан. Ынчангаш бис кижилерден чөпшээрел айтырбас бис.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
