LESSION 21

Come l’è fato el laoro de predicassion?

SONAR

Suito, Geovà el ndarà doperar el so Regno, o governo, par finir fora con tuti i problemi che ghen’è. L’è tanto bon saverlo, e tute le persone le ga bisogno de scoltar bone notìssie cossita. Par quela che Gesù el ga dito che i so dissìpoli i gavaria de parlar de queste notìssie a tute le persone. (Mateo 28:19, 20) Come che le Testimònie de Geovà le ze drio far quel che Gesù el ga dito?

1. Come che l’è drio suceder quel che dise Mateo 24:14?

Gesù el ga dito: ‘Queste bone notìssie del Regno le sarà predicade in tuta la tera.’ (Mateo 24:14) Le Testimònie de Geovà le ze tanto contente de far questo laoro. Lore le ze drio predicar in tuta la Tera e in de pi de 1.000 léngue. Sicuro che ghe vol tanto sforso e organisassion par farlo. Lore sol le ze bone de predicar in tuta la Tera parché Geovà l’è drio giutarghe.

2. Cossa che semo drio far par predicar ale persone?

Noantri volemo predicar a tute le persone. Come nei giorni dei primi dissìpoli de Gesù, predichemo “de casa in casa”. (Ati 5:42) Cossita, semo boni de parlar con milioni de persone tuti i ani. Come no semo boni de catar tute le persone casa, predichemo nei posti che saria pi fàcile de catarle. Noantri femo el meio che podemo par parlar a tuti quei che semo boni sora Geovà e sora quel che el farà.

3. Chi che ga de predicar sora le bone notìssie?

Tuti i veri cristiani i ga de parlar ai altri sora le bone notìssie dela Bìblia. Femo tanto sforso par predicar parché savemo che quel che la Bìblia la dise pol salvar la vita dele persone. (Ledi 1 Timòteo 4:16.) Anca quando lore no le vol scoltar, seitemo a predicar parché obedimo a Geovà e volemo assarlo contento. Noantri no ciapemo mia soldi par far questo laoro parché la Bìblia la dise: ‘Valtri gavé ricevesto sensa pagar gnente e gavé de dar sensa domandar gnente.’ — Mateo 10:7, 8.

IMPARA DE PI!

Cossa che le Testimònie de Geovà le ze drio far par predicar in tuta la Tera? Come che Geovà l’è drio giutarghe?

La predicassion in tuto el mondo: (A) Costa Rica, (B) Stati Unidi, (C) Benin, (D) Tailàndia, (E) Yap, (F) Suèssia

4. Noantri femo tanto sforso par parlar con tute le persone

Le Testimònie de Geovà le se sforsa tanto par predicar in tuti i posti. Vardé el VÌDEO, e dopo, parlé sora questo:

VÌDEO: Predicar “fin la parte pi distante dela tera” (7:33)

Cossa che te pensi del sforso che le Testimònie de Geovà le fà par predicar?

Ledé Mateo 22:39 e Romani 10:13-15, e dopo, parlé sora questo:

Come che el laoro de predicassion el mostra che amemo le persone?
Cossa che Geovà el sente par quei che i fà questo laoro? (Vardé el versìcolo 15.)

5. Noantri laoremo con Dio

Tante robe che le ze drio suceder le mostra che Geovà l’è drio giutar a far la predicassion. Par esémpio, el fradel Paul, dela Nova Zelàndia, l’era drio predicar de casa in casa dopo mesdì. Alora, lu el ga catà una dona e el ga scominsià a parlarghe sora la Bìblia. Ela la ghe ga dito che in quela matina la gavea pregà a Dio e che la gavea doperà el so nome, Geovà. Ela la gavea domandà che Dio el mandesse qualchedun ala so casa. Paul el ga dito: “Mi go batesto nela so porta tre ore dopo.”

Ledé 1 Corinti 3:9, e dopo, parlé sora questo:

Come che stòrie come queste le mostra che Geovà l’è drio giutar a far la predicassion?

Ledé Ati 1:8, e dopo, parlé sora questo:

Parché che ghemo bisogno del aiuto de Geovà par predicar?

Seto questo?

Nele nostre riunion in meso la stimana, imparemo come far el laoro de predicassion. Sito belche ndato a una de queste riunion? Te ga piasesto de quel che te ghè imparà?

6. Noantri obedimo al comandamento de Dio de predicar

Nela època dei apòstoli, arquanti nemighi dei dissìpoli de Gesù i ga proà fermarli de predicar. Ma questi dissìpoli i doperea la lege de quel tempo par difender la so libertà de predicar. (Filipensi 1:7) Ancoi, le Testimònie de Geovà le fà la medèsima roba. a

Vardé el VÌDEO.

VÌDEO: Drio difender le bone notìssie de acordo cola lege (2:28)

Ledé Ati 5:27-42, e dopo, parlé sora questo:

Parché che no ndaremo fermarse de predicar? (Vardé i versìcoli 29, 38 e 39.)

FURSI QUALCHEDUN EL TE DOMANDE: “Parché che le Testimònie de Geovà le seita ndar in volta par le case?”

Cossa che te risponderissi?

COSSA CHE TE GHÈ IMPARÀ?

Gesù el ga dito che i so dissìpoli i gavaria de predicar le bone notìssie ale persone de tuti i posti. Geovà l’è drio giutarli a far questo laoro ancoi.

Sito bon de ricordarte?

Come che la predicassion la ze fata in tuto el mondo?
Come che la predicassion la mostra che amemo le persone?
Te pensi che predicar l’è un laoro che pol assarte contento? Parché?

Go finio questa lession nel giorno:

Sfòrsate par . . .

domandar a arquanti fradei nel Salon del Regno sora le dificoltà che i ga infrontà par scominsiar a predicar, e sora le benedission che i ga bio.

far anca:

Sfòrsate par far anca . . .

VUTO SAVER DE PI?

Come che le Testimònie de Geovà le predica nele grande cità?

Predicassion spessial col careto in Paris (5:11)

Cossa che le Testimònie de Geovà le ze drio far par i foresti che i ga bisogno de aiuto?

Giutando i refugiadi a imparar la verità sora Dio (5:59)

Margarita la ga sempre predicà tanto le bone notìssie. Varda parché che la ze contenta de farlo.

Margarita Königer: Son contenta par la scòlia che go fato (6:29)

Come che arquante vitòrie nei tribunai le ze drio giutar le Testimònie de Geovà a predicar?

“I predicadori del Regno i difende i so diriti nei tribunai” (El Regno de Dio l’è drio Governar!, capìtolo 13)

a Dio el ga dato el comandamento de predicar le bone notìssie. Par quela che le Testimònie de Geovà le predica anca quando le autorità no le ghe dà libertà de farlo.