LESON 21
Akory Fomba Itorian̈a Vaovao Tsara?
Tsy ho ela Jehovah hampiasa Fanjakan̈anany han̈adoso problemontsika jiaby. Ten̈a vaovao tsara raha zen̈y, ke olo jiaby mila han̈ambaran̈a izio. Tiany Jesosy han̈ambara izio olo jiaby pan̈aradia izy! (Matio 28:19, 20) Akory han̈atantirahany Vavolombelon̈o Jehovah didiny Jesosy io?
1. Akory an̈atantirahan̈a Matio 24:14 io izioty?
Jesosy efa nivolan̈a tsialohaloha: “Hambara amy tany jiaby misy olo antsendriky vaovao tsara mikasiky Fanjakan̈a ty.” (Matio 24:14) Vavolombelon̈o Jehovah ravoravo man̈ano asa maventy io. Zahay mitory vaovao tsara io erantany, amy volan̈a mandilatra 1000 karazany! Be asa zen̈y ke mitaky ezaka ndreky fandaminan̈a. Tsy vita izio izikoa tsy Jehovah man̈ampy.
2. Ino aby ma ezaka ataonolo mitory io?
Zahay mitory amy zay tany ahitanay olo. Karaha tamy taonjato voanalohany fo zahay, ke mandeha ‘mitety tran̈onolo’ zahay mitory. (Asan’ny Apostoly 5:42) Fomba fitorian̈a araiky io ahavitanay mikoran̈a aminolo antapitrisany isaka taon̈o. Fa ndraikindraiky olo tsy tatra antran̈o. Ke zen̈y mahavy zahay mitory amy tany maro olo koa. Zahay mizaha hevitry fo han̈ambaran̈a aminolo raha momba Jehovah ndreky fikasan̈anany.
3. Azovy aby ma manan̈a andraikitry hitory vaovao tsara io?
Kristianin̈y jiaby tokony hitory vaovao tsara io. Ten̈a raha maventy aminay fan̈anovan̈a asa io. Man̈ano erakany vitanay zahay mitory vaovao tsara io, fotony hainay fa izio mamonjy fahin̈ananolo. (Vakia 1 Timoty 4:16.) Tsy karamain̈y zahay man̈ano asa io, fotony Baiboly mivolan̈a: “Man̈ameza maimaimpoan̈a, fotony anaro nahazo maimaimpoan̈a.” (Matio 10:7, 8) Tsy olo jiaby mandray zahay fa zahay tsy voly mitory, fotony zahay man̈araka volan̈a Jehovah, ndreky man̈ano raha mamparavoravo izy fo.
ALEVA ONON̈O
Diniha akory ataony Vavolombelon̈o Jehovah mifen̈y mare mitory erantany, avio zahava akory ataony Jehovah man̈ampy zahay.
Fitorian̈a erantany: A) Kostarikà, B) Etazonỳ, D) Bénin, E) Tailandy, F) Yap, G) Suède
4. Miasa mare zahay mitory aminolo jiaby
Vavolombelon̈o Jehovah man̈ano ezaka manokan̈a hitorian̈a vaovao tsara io amy tany jiaby. Alifasa VIDEO io, avio iaraha dinihin̈y fan̈ontanian̈a ambany io.
-
Ino raha ten̈a nahagaga anao aminy ezaka ataony Vavolombelon̈o Jehovah mitory?
Vakia Matio 22:39 ndreky Romanina 10:13-15, avio iaraha dinihin̈y fan̈ontanian̈a aby ty:
-
Nan̈ino asa fitorian̈a ataonay io man̈aboaka fa zahay tia olo?
-
Akory fahitavany Jehovah olo jiaby mitory vaovao tsara io?—Zahava andininy 15.
5. Zahay miaraka miasa amy Zan̈ahary
Maro tantara ahitan̈a fa mitariky asanay io Jehovah. Ohatra, ta Nouvelle-Zélande tan̈y, nisy rahalahy araiky, Paul an̈arany, nandeha nitety tran̈onolo nitory. Folakandra taminio. Nahita man̈angy araiky zay izy. Man̈angy io nivolan̈a fa vo maraindrain̈inizio izy nivavaka tamy Zan̈ahary, ke nampiasa an̈aran̈a Jehovah. Izy nangataka tamy Jehovah baka mba hisy olo ho avy hitory taminany. Ho Paul: “Telo lera tafaranizen̈y, zaho navy tambaravaran̈anany.”
Vakia 1 Korintianina 3:9, avio iaraha dinihin̈y fan̈ontanian̈a ty:
-
Izikoa tantara karaha ta Nouvelle-Zélande in̈y zahan̈a, ino ivolan̈ana fa Jehovah ankitin̈y mitariky asa fitorian̈a io?
Vakia Asan’ny Apostoly 1:8, avio iaraha dinihin̈y fan̈ontanian̈a ty:
-
Nan̈ino ma atsika mila fan̈ampian̈a baka amy Jehovah, koa fa mitory?
Asa mba hainao?
Isaka herin̈iandra, zahay man̈ano fivorian̈a andavanandra, ke mahazo fampiofan̈ana man̈ampy zahay hitory. Izikoa anao efa navy nan̈aton̈o fivorian̈a io, akory fahitanao fampiofan̈ana io?
6. Man̈atanteraka iraka Zan̈ahary zahay koa fa mitory
Tamy taonjato voanalohany, nisy olo nanohitry pianatrany Jesosy, baka iro ho voly hitory. Pianatrany Jesosy aby io niaro zondro hitory, ke “nankamafy orin̈y vaovao tsara io nifan̈araka tamy lalàn̈a.” (Filipianina 1:7) Mira zen̈y koa ataony Vavolombelon̈o Jehovah izioty. a
Vakia Asan’ny Apostoly 5:27-42, avio iaraha dinihin̈y fan̈ontanian̈a ty:
-
Nan̈ino ma atsika tsy voly hitory?—Zahava andininy 29, 38, ndreky 39.
MISY OLO MIVOLAN̈A: “Nan̈ino ma Vavolombelon̈o Jehovah aby io mitety tran̈onolo?”
-
Akory ho anao?
INO RAHA NIANARANAO TATO?
Jesosy nampiofan̈a iro pianatranany aby io hitory vaovao tsara amy firenena jiaby. Jehovah koa man̈ampy vahoakanany man̈ano asa io.
Fan̈ontanian̈a Fameren̈ana
-
Karakory ma itorian̈a vaovao tsara io erantany?
-
Nan̈ino asa fitorian̈a ataonay io man̈aboaka fa zahay tia olo?
-
Fahitanao izy, mamparavoravo edy asa fitorian̈a io? Nan̈ino?
ZAHAVA
Zahava akory ataony Vavolombelon̈o Jehovah mitory antanabe.
Akory ataony Vavolombelon̈o Jehovah mitory amindro pitsoaponenan̈a aby io?
Fitorian̈a Amindro Pitsoaponenana Tihaharen̈y Vaovao Tsara aby Io (5:59)
Tandrin̈esa olo araiky mandany ankamarozany fotoan̈anany mitory, mitantara raha mamparavoravo izy amizio.
Diniha fa fazahoan̈a ny rariny tamy fitsaran̈a an̈isany mampandroso asa fitorian̈a vaovao tsara.
“Niakatra Fitsaran̈a Vahoakany Fanjakan̈a Io” (Fanjakan̈any Zan̈ahary Efa Mitondra! toko 13)
a Jehovah nan̈iraka zahay mitory. Ke zahay Vavolombelon̈o Jehovah mitory vaovao tsara fo nata tsy imboany manampahifan̈a aby io.
Mety ho Tianao Koa
RAHA MATETIKY AN̈ONTANIANOLO
Karakory ma Atao Mianatra Baiboly Zen̈y?
Tsy man̈efa mianatra Baiboly amy Vavolombelon̈o Jehovah. Mety tahominao miaraka mianatra aminao koa havanao ndreky kamaradinao. Lera anao mianatra, anao afaka mampiasa zay fandikanteniny Baiboly tianao.
