DILONGI 21
Phila mbi nsamu wumboti weta samununu?
Fioti fisiedi, Yehova weka nduka manisa mambu moso maphasi mu nzila Kimfumu kiandi. Bobo nsamu beni widi wumboti mboti, diawu tufueti kambila wawu batu bankaka! Yesu wukamba kuidi minlonguki miandi, bakamba nsamu beni kuidi batu boso. (Matayi 28:19, 20) Phila mbi Bambangi zi Yehova beta tumukina lutumu beni?
1. Bue Matayi 24:14 yilembu lunginina mu lumbu kiaki?
Yesu wubikula ti: “Nsamu wawu wumboti wu Kimfumu wela longo mu nza yimvimba.” (Matayi 24:14) Bambangi zi Yehova beta yangalala buela mioko mu kisalu beni kio kimfunu. Tueta samuna nsamu wumboti mu nza yimvimba viokila mu 1000 yi zimbembo! Kisalu beni bo kidi kinneni kilembu tombi zingolo ayi khubukulu yimboti. Tuedi nunga ko kukisala enati Yehova kakadi tusadisa.
2. Zingolo mbi tueta tula mosi tununga samuna?
Tueta samuna mu bibuangu bioso bidi batu. Banga bakristu ba tandu kitheti, tueta samuna “nzo ka nzo.” (Mavanga 5:42) Phila beni yo yi samunina, yeta tusadisa tubaka bu dengininanga batu bawombo kadika mvu. Ti tukadi bata batu mu zinzo, tueta samuna phe mu bibuangu bidi batu bawombo. Tueta sadila dioso kuandi diluaku dio tubeki mu tubila mambu ma Yehova ayi lukanu luandi.
3. Nani fueti samuna nsamu wumboti?
Bakristu boso bakiedika badi na kiyeku kizabikisa nsamu wumboti kuidi batu. Kiyeku beni kisamuna nsamu wumboti tukitudilanga lueya ko. Tueta samuna mu tadila zingolo zi mutu ka mutu, bila tuzebi ti beto kambu samuna, luzingu lu batu mu vonza kinneni luidi. (Tanga 1 Timote 4:16.) Tufutungu ko zimbongo mu samuna nsamu beni, bila Bibila kitubidi ti: “Luvana mu phamba, bila mu phamba mamvenu lubakidi.” (Matayi 10:7, 8) Buba ti batu bankaka bamengi kutuwa, tuvonganga ko bila kisalu beni kidi mu khati tsambudulu’eto ayi kieta yangidika Yehova.
TUVISA MBOTI MBOTI
Tutala zingolo zio Bambangi zi Yehova beta tula mu diambu di samuna nsamu wumboti mu nza yimvimba. Ayi tutala phe bue Yehova keta tusadisila.
Kisalu kitsamununu mu nza yimvimba: A) Ku Costa Rica, B) Ku États-Unis, C) Ku Bénin, D) Ku Thaïlande, E) Ku Yap, F) Ku Suède
4. Tukala tudi zingolo ziwombo mu samunina batu boso
Bambangi zi Yehova beta tula zingolo ziwombo mu samuna nsamu wumboti kuidi batu boso. Tala VIDEO ayi vana mvutu mu kiuvu kiaki kilandikini.
-
Mambu mbi meta kuyitukisa mu mmona zingolo zio Bambangi zi Yehova beta tula mu samuna Kimfumu ki Nzambi?
Tanga Matayi 22:39 ayi Loma 10:13-15, ayi vana mimvutu mu biuvu biabi:
-
Bue kisalu kieto kitsamununu kieta monisina ti tueta zola mfinangani’eto?
-
Bue Yehova keta muena batu bo beta samuna nsamu wumboti?—Tala verse 15.
5. Tuidi bisadi bio bieta sala kithuadi ayi Nzambi
Bimbangi biwombo bilembo monisa ti Yehova niandi wulembo tuadisa kisalu kieto. Tuvana kifuani: Khomba mosi batedidi Paul ku Nouvelle-Zelande, wudengana nketo mosi mu kisalu kitsamununu ku mbusa midi. Nketo beni, mu nsuka wusambila Nzambi ayi wuntedila mu dizina diandi Yehova ayi wunlomba kantindila mutu kizantadi. “Zithangu zitatu zivioka, Paul wutuba ti wuyekokuta va muelu’andi.”
Tanga 1 Kolinto 3:9 ayi vana mvutu mu kiuvu kiaki:
-
Bue bimbangi banga kikhomb’eto nioni widi ku Nouvelle-Zelande, kimonisina ti Yehova niandi wulembo diatisa kisala kieto kitsamununu?
Tanga Mavanga 1:8 ayi vana mvutu mu kiuvu kiaki:
-
Bila mbi tuididi phuila yi lusadusu lu Yehova mu diambu di tudukisa kisalu beni?
Wubedi buzabilanga?
Mu kadika lukutukunu lusabala beta kutulongisa phila yisamunina. Ti wume teka ba mu zikhutukunu beni, bue wumuena formasio beni?
6. Tueta tumukina lutumunu lu Nzambi
Mu tandu kitheti, bambeni bedi katomba kandika minlonguki mi Yesu babika kisalu kitsamununu. Bakristu beni banuanina luve luawu lusamuna ‘nsamu wumboti va ntuala bamfumu.’ (Filipi 1:7) Buawu phe Bambangi zi Yehova beta tudila lumbu kiaki. *
Tanga Mavanga 5:27-42 ayi vana mvutu mu kiuvu kiaki:
-
Bila mbi katuvongilanga ko samuna?—Tala ziverse 29, 38 ayi 39.
BALENDA KUYUVUSA: “Bila mbi Bambangi zi Yehova beta samunina nzo ka nzo?”
-
Mbi wulenda vutula?
MU BUKHUFI
Yesu wukamba balonguki bandi basamuna nsamu wumboti mu nza yimvimba. Yehova weta sadisa bisadi biandi badukisa kisalu kiandi bumboti.
Phutukulu
-
Phila mbi nsamu wumboti wulembo samununu mu nza yimvimba?
-
Bue kisalu kieto kitsamununu kieta monisina ti tueta zola badi’eto?
-
Bue wummuena, samuna kulenda tula wuba mu zikhini? Bila mbi?
TALA MAMBU MANKAKA
Bue Bambangi zi Yehova beta samunina mu bizunga binneni?
Kampanye spesiale mpo na kopesa litatoli na bisika ya bato ebele na Paris (5:11)
Phila mbi Bambangi zi Yehova beta samunina batu bo batinini zitsi zio bakala mu bila ki zimvita voti mu mambu mankaka?
Nsamuni mosi wu nketo wu thangu ka thangu, tubidi mamboti momo kabaka mu kisalu beni mu luzingu luandi.
Zindungunu zi Bambangi zi Yehova va ntuala minyadi zio zibika tsangu mu disolo disamuna nsamu wumboti.
“Basakoli ya Bokonzi liboso ya batribinale” (Bokonzi ya Nzambe ezali koyangela!, mokapo 13)
^ Nzambi weta tulomba ti tusamunanga. Bambangi zi Yehova batombanga ko ti bateka bavana nsua kuidi bamfumu zi leta mosi ba samuna.
