ENUKPLAKPLA 22
Lé àtɛnŋ adra eŋɛnywi lɔ doɔ?
Ci èle Bibla mɛ nyɔnɔnwiwo kplakɔɔ, ètɛnŋ bui mɔ, ‘Nyɔnɔnwi cɛwo deɖo ayi te mɛɖe o!’ Ao nyɔ jɔ, ele mɔ mɛshiamɛ ajeshi nyɔnɔnwi lɔwo! Ele ahan gan, vɔnvɔn tɛnŋ lekɔ eo mɔ àxo nuxu so ŋci èkpla nu nɔ amowo. Mìakpɔ lé àwɛ aɖu vɔnvɔn ji koɖo lé àwɛ atɔ Bibla mɛ ŋɛnywi lɔ nunu nɔ amɛwo koɖo jijɔ.
1. Lé àwɛ anunɔ ŋci èkpla nɔ mɛ ciwo èjeshi ɖɛɔ?
Yesu nukplaviwo nu mɔ: “Mì da tɛnŋ bɔ enu o. Mì ɖo a nu enu ciwo yí mì se yi kpɔ nɔ amɛwo.” (Edɔwawawo 4:20) Nyɔnɔnwi ci wokpla lɔ jɔ ji nɔ wo keke woji mɔ yewoanui nɔ mɛshiamɛ. Ewanɔ ahan nɔ eɔ can a? Nɔ ewanɔ ahan nɔ eoɔ, kpɔ mɔ emɔ ɖewo li ciwo ji àto keŋ asɔ bubu xo nuxu so ŋci èkpla nu nɔ ao mɛwo koɖo ao xlɔwo ma.—Hlɛn Kolosetɔwo 4:6.
Ŋɖewo ci àwa asɔ tɔɛ ji
-
Nɔ eo koɖo ao xomumɛtɔwo le seŋ kankɔɔ, nu nɔ wo mɔ: “Ŋkpla ŋɖeka kwɛshila cɛ mɛ yí ejɔ ji nɔŋ keke ɖe” keŋ asɔ ɖe nu ti nɔ Bibla mɛ nyɔ vevi ɖe.
-
Hlɛn Bibla kpaxwe ɖe ci yí do ŋsɛn amɛ nɔ ao xlɔ ɖe ci yí ble abi loloɔ nu kpɔ.
-
Nunɔ ŋci èkpla le Bibla mɛ alo le hamɛ lɔ bɔbɔ ɖe mɛ nɔ ao dɔmɛkpena ciwo yí biɔnɔ eo se mɔ lé ao kwɛshila yi do ma.
-
Dasɛ jw.org siti lɔ nɔ ao xlɔwo.
-
Yɔnɔ ao xlɔwo mɔ wo le vanɔ ju koɖo ye le ao Bibla kplakpla hwenu alo dre lé woawɛ abiɔ Bibla kplakpla le jw.org ji nɔ wo.
2. Nyi yí taɖo kunuɖeɖe koɖo hamɛ lɔ nyi tajinu vevi ɖekaɔ?
Yesu nukplaviwo wa nu sɔwu eŋɛnywi lɔ nunu nɔ mɛ ciwo wojeshi ɖɛ kpoŋ. Yesu “ɖe wo eve eve ɖaɖa eju lɔwo pleŋ mɛ koɖo afi ci Yiŋtɔ a yì, yi wo le ŋkɔ ni” keŋ adra eŋɛnywi lɔ. (Luiki 10:1) Toto cɛ ci wowa nɔ kunuɖeɖedɔ lɔ wɛ mɔ, emɔ hun nɔ amɛ sugbɔ buwo yí wowo can se eŋɛnywi lɔ. Kunuɖeɖe doju ahan dɔ yí eji jɔ nukplavi lɔwo hɛnnɛ. (Luiki 10:17) Eɔ can àji mɔ yeawɛ ahan asɔ gbeta keŋ aɖe kunu koɖo hamɛ lɔa?
JI DWI NI KPƆ DOJI
Kpɔ lé àwɛ aɖu vɔnvɔn ji yí agbekpɔ eji ci yí jɔnɔ amɛ nɔ wole eŋɛnywi lɔ nukɔ nɔ amɛwo.
3. Yehowa anɔ koɖo eo
Mɛɖewo ciwo yí ji mɔ yewoaɖe kunu tɛnŋ vɔnvɔn nɔ enyɔ ci amɛwo avanu so wo nu alo lé woawa nu ɖaɖa wo gbɔ do.
-
Nɔ èji mɔ yeanu ŋci èkpla nɔ amɛwo ɖe, esonɔ jika nɔ eoa? Nyi yí taɖo esonɔ jika nɔ eoɔ, alo nyi yí taɖo desonɔ jika nɔ eoɔ?
Xo VIDEO lɔ, keŋ agbeje biɔse ci yí gbɔgbɔ mɛ.
-
Lé jajɛ Kunuɖetɔ lɔwo ɖu vɔnvɔn ci yí lekɔ wo ji doɔ?
Hlɛn Ezai 41:10, keŋ agbeje biɔse cɛ mɛ:
-
Nɔ èjikɔ aɖe kunu yí vɔnvɔn lekɔ eo ɖe, nyi yí taɖo ele mɔ àdo gbe ɖaɖaɔ?
Ènyaa?
Yehowa Kunuɖetɔ sugbɔ bui vayi mɔ yewodasun ji anu eŋɛnywi lɔ nɔ amɛwo gbeɖe o. Le kpɔwɛ mɛ, Sergey kpɔ mɔ yedenyi nu keke adre ŋɖe nɔ amɛ o, yí nuxuxoxo koɖo mɛbuwo can gbɔnnɔnu ni. Vɔ évakpla Bibla. Énu mɔ: “Ci ŋvɔnkɔ can ɔ, ŋgbe dɔn yí tɔ nuxu xoxo so ŋci ŋkplakɔ nu nɔ amowo. Ekpacaŋ sugbɔ mɔ ci ŋxoxoɔ nuxu so Bibla nu nɔ amɛwoɔ, vɔnvɔn anyitɔ lɔ bu see yí edɔngbegbe ɖeka ɖoŋ mɛ. Ci ŋxoxoɔ nuxu so anyi jixɔsewo nu nɔ amowoɔ, edo ŋsɛn nyɛŋtɔ xɔse hɛnnɛ.”
4. Bunɔ amɛwo
Nɔ ènunuɔ eŋɛnywi lɔɔ, denyi nyɔ ci ànu ɖekɛ yí àbubuɔ kpɔ o, vɔ lé ànu nyɔ lɔ do can le nɔ susu mɛ nɔ eo. Hlɛn 2 Timɔte 2:24 koɖo 1 Piɛ 3:15, keŋ agbeje biɔse cɛwo mɛ:
-
Lé àwa do enyɔ ciwo yí le kpukpui cɛwo mɛ ji do nɔ èxoxoɔ nuxu so Bibla nu nɔ amowoɔ?
-
Dakpe nɔ ao xlɔ koɖo ao xomumɛtɔ ɖewo o. Nɔ evanyi ahan ɖe, lé àwa nu doɔ? Nyi deɖo awaɔ?
-
Nyi yí taɖo àsɔ ayexa biɔ nyɔ lɔwo se sɔwu mɔ àsɔ nyɔ lɔwo ʒinʒin ɛ wo ji mɔ wo le lɔn do wo ji dandandan ɔ?
5. Eŋɛnywi lɔ dradra dɔ eji jɔnɔ amɛ
Yehowa dɔ Yesu mɔ yɛ le nu eŋɛnywi lɔ nɔ amɛwo. Lé Yesu kpɔ dɔ lɔ doɔ? Hlɛn Ʒan 4:34, yí agbeje biɔse cɛwo mɛ:
-
Nɔ mìɖuɖuɔ nunywiɔ, ejɔnɔ ji nɔ mì yí lenɔ mìwo gbe do te. Nyi yí taɖo Yesu sɔ Mawu dro wawa, ci mɛ yí eŋɛnywi lɔ dradra can le sɔ koɖo ŋɖuɖuɔ?
-
Nɔ wodradra eŋɛnywi lɔ ɖe, jijɔ ci hanciwo woakpɔ le mɛ do nu nɔ eoɔ?
Susu ɖekawo ke
-
Nɔ ègbeyi kwɛshila dodomɛ bɔbɔ ɖeɔ, je agbla akpɔ emɔ ciwo ji àto keŋ atɔnɔ seŋkankanwo ji.
-
Li kpɔ koɖo mɛ ci yí kplakɔ Bibla koɖo eo keŋ akpɔ lé àwɛ atɔ dɔ wawa le kwɛshila dodomɛ bɔbɔwo mɛ. Nɔ wotɔ dɔ nana eo yí ètɔ wawaɔ, akpedo eo nu nawa ɖaŋ adrado nywiɖe doji yí atɛnŋ axonɔ nuxu so ŋci èkpla nu nɔ amowo.
-
Zan akpaxwe ciwo yí nyi “Mɛɖewo nunɔ mɔ” alo “Mɛɖe tɛnŋ biɔ se mɔ” le enukplakpla cɛ hwenu yí asɔ wa wadasɛ so lé àwɛ ana ɖoŋci nɔ enyɔ ciwo amɛwo biɔnɔ se blaŋblaŋ koɖo enyɔ ciwo wonunɔ yí sɔ gbenɔ seŋ kankan koɖo mì.
MƐÐE TƐNŊ BIƆ SE MƆ: “Enyɔ yoyu ɖe lia?”
-
Nɔ mɛɖe biɔ se ahan ɖe, lé àwɛ azan emɔ cɛ ci yí hun nɔ eo yí asɔ xo nuxu so ŋci èkpla le Bibla mɛ nu niɔ?
ENU CI ÈKPLA
Eŋɛnywi lɔ nunu nɔ amɛwo dɔ eji jɔnɔ amɛ. Nɔ èje agbla yí tɔ nunui nɔ amɛwoɔ, àvakpɔ mɔ yi wawa degbɔnnu shigbe lé èbui do sa nɛ o.
Enumɛtoto
-
Nyi yí taɖo woadra eŋɛnywi lɔ nɔ amowoɔ?
-
Lé àwɛ adranɔ eŋɛnywi lɔ koɖo bubuɔ?
-
Nɔ eŋɛnywi lɔ nunu sosoɔ jika nɔ eo do ɖekpokpuiɖe can ɖe, lé àwɛ aɖu vɔnvɔn lɔ jiɔ?
KPƆ ŊCƐWO KPƆ
Kpɔ emɔ fafɛ amɛnɛ ciwo ji àto azan jw.org wemavi lɔ keŋ asɔ nu eŋɛnywi lɔ nɔ amɛwo ɖa.
Kpɔ nɔnɔmɛ amɛnɛ ciwo yí akpedo eo nu dru nadra eŋɛnywi lɔ.
“Èle gbesɔsɔ keŋ anyi eɖɔdatɔ ci yí alénɔ agbetɔwoa?” (Jutakpɔxɔ septembre 2020)
Kpɔ lé Bibla mɛ kpɔwɛ ɖeka atɛnŋ ado ŋsɛn mì mìanu eŋɛnywi lɔ, nɔ enyi vihwɛ mìnyi can.
Kpɔ lé àwɛ axo nuxu so Bibla nu nɔ ao xomumɛtɔ ciwo yí dekpla nu so Yehowa nu hɔɖo o.
“Wɛ nɔ nyɔnɔnwi lɔ aɖo ji mɛ nɔ ao xomumɛtɔ ciwo yí denyi xɔsetɔwo o” (Jutakpɔxɔ 15 mars 2014)
Ebuwo Ke
ENYƆ CIWO AMƐWO BIƆNƆ SE BLAŊBLAŊ
Nyi Bibla nukplakpla ci Yehowa Kunuɖetɔwo sɔ ɖokɔ ŋmɛ nɔ amowo nyiɔ?
To seŋkankan toto ehomana ci Yehowa Kunuɖetɔwo sɔ ɖokɔ ŋmɛ nɔ amowo jiɔ, àtɛnŋ azan Bibla gɔnmɛɖeɖe ɖekpokpui. Vo faa ayɔ ao xomu lɔ pleŋ alo ao xlɔwo nɔ woava bɔdo eo nu le nukplakpla lɔ mɛ.
