SAKA 22 FEDENGAN
Ngaˈay Kiso Paladaˈ to Ngaˈayay Lihaf i Tamdaw!
Mananam iso ko soˈlinay kimad i, wa saan kiso miharateng alatek: “Ano mafanaˈ ko romaroma tamdaw tada ngaˈayayto!” Hatiraayto, o papatengilen ko tamdamdaw to ngaˈayay lihaf no Fangcalay Cudad. Kawra ano maharateng to papasowalen ko tao to mananamay i, mamarawraw kiso alatek. ˈArawen ita hena sasamaan miremo to mahaenay a harateng, sinoway a lipahak ko pipaladaˈ to ngaˈayay lihaf i tamdaw.
1. Sasamaan paladaˈ to kafanaˈan a tamdaw to mananamay a soˈlinay kimad?
O sowal no nisawawaan ni Yis: ‘O maˈaraway, matengilay niyam, cowa ko aeca ka sowalen niyam.’ (Dmak 4:20) Tada maolahay cangra to soˈlinay kimad no Fangcalay Cudad, mansa makalimay sapasowalaw to kahacecay tamdaw to mananamay a kimad. Iraay ko malecaday a harateng no miso han? Tanamen mikilim ko toki tano mikangodoay a waywayan paladaˈ to salawina ato widang to mananamay a kimad.—ˈOsien ko Kolosay 4:6.
Haenen ko demak, masasowal i tamdaw to Fangcalay Cudad
-
Itini i lomaˈ i, haenen ko sowal: “Tonini a lipay mananamay ako ko kahemekan a demak.” Ikor, lengoen to Fangcalay Cudad.
-
Tano cecay a sinael pakalalok to adadaay ato taˈangayay ko saroero a widang!
-
Pasowalen ko kapot iso matayal to mananamay iso i picekiwan ato saˈopo.
-
Paˈarawen ko widang to jw.org wangcan.
-
Tahidangen ko tao papitengil to pikingkiwan iso anca pasifanaˈen to sasamaan itini jw.org pangangan a minanam.
2. Mirienang to mitosilay a tayal no kasakopang hano o ciepocay?
O nisawawaan ni Yis cowa ko kafanaˈan aca a tamdaw ko mipaladaˈan to ngaˈayay lihaf, mitoorayho cangra to sakayat ni Yis ‘makatatosa’ tayra i ‘kasaniyaroˈ kasapala’ a mitosil. (Luka 10:1) O hatiniay milimasmasan, milikakawaan ko pakayraan a pitosil, ˈalomanay ko pakatengilay to ngaˈayay lihaf, pairaayho to taˈangayay a lipahak no malacafayay mitosil a nisawawaan. (Luka 10:17) Tanamen patireng ko patosokan malacafay to salikaka i kasakopang a mitosil mamaan?
CALEPEN MIKADKAD
Dotoc mamananam iso: Samaan ko demak iso ngaˈ maremo ko marawraway a falocoˈ, mitinako to lipahak a mitosil?
3. I tatihiay iso ci Yihofa
Sapitosilaw ko romaroma tamdaw kawra marawraway ko falocoˈ. Calemcemay cangra to sasamaan ko pinengneng no tao to niyahan, matalawayho to pilalang no tao.
-
Ano paladaˈ kiso to mananamay no niyah a kimad i, wa marawraw ko falocoˈ iso han? Misamaanay?
Nengnengen ko IKA, ikor lengoen ko ilaenoay a salicay:
-
Onini a kaemangay Misawacayay Tamdaw ni Yihofa samaanay miremo to kokiˈ?
ˈOsien ko Isaya 41:10, ikor lengoen ko ilaenoay a salicay:
-
Ano matalaw kiso a mitosil, mitolon ci Yihofaan wa ira ko maanan sapadama tisowanan?
Mafanaˈay kiso han?
ˈAlomanay Misawacayay Tamdaw ni Yihofa na miharatengay to cowa ko mamitosil ko niyah to tao sanay. Tinakoen, ˈayaw no minanam to Fangcalay Cudad ci Sekay o kalingodoay a tamdaw. Ano kasasowal aca to tao pasangaran nanay cingra. Ikorto sanay cingra: “Soˈliˈlin matalaway kako, kawra mitanamay kako paladaˈ to mananamay i tamdaw. ˈArawhan i, masasowal to tamdaw to Fangcalay Cudad, matongalay ko pakasoˈlin to niyah, ato o soˈlinay kimad ko mananamay ako.”
4. Kangodoen ko tamdaw
Paladaˈ kita to ngaˈayay lihaf i, cowa ko pisimsim aca o maanan ko hasowal, miharatengho sasamaan pasowal. ˈOsien ko 2 Timoti 2:24 ato 1 Pitiro 3:15, ikor lengoen ko ilaenoay a salicay:
-
Ano masasowal i tamdaw to Fangcalay Cudad i, sasamaan kiso misakadademak to safalod nonini a tosa a sinael?
-
O romaroma salawina ato widang cowa pihayi to misowalan iso alatek, sasamaanen iso ko demak? Cowa ka ngaˈay a misamaan?
-
Ano masasowal i tamdaw to Fangcalay Cudad i, mihadak to matatodongay a salicay hano ikaka ko kangaˈay to hina pasifanaˈay?
5. Paladaˈ to ngaˈayay lihaf papalipahak tisowanan
Miocoran ni Yihofa ci Yis patenak to ngaˈayay lihaf. Samaanay ko pinengneng ni Yis tonini a tayal hani? ˈOsien ko Yohani 4:34, ikor lengoen ko ilaenoay a salicay:
-
Komaen to cihaleday a kakaenen, o sakatanoktok no tireng ita, palipahak kitaanan. Midemak ci Yis to araaw no Kawas (tinakoen o mitosilay) hano mahecad o kakaenen saan cingra?
-
Haratengen hena, paladaˈ to ngaˈayay lihaf hano papalipahak tisowanan?
Tanamen mihaen to ilaenoay a demak
-
Itini i tenok no lipay a saˈopo, kilimen ko hapakayraan a masasowal to tamdaw.
-
Ano ciharatengay kiso malo mihatatanamay, licayen ko singsi iso samaan a pangangan. Teloc i, fafanekfek kiso paladaˈ to mananamay iso.
-
Sakadademaken koya “Ano Ira ko Somowalay” anca “Ano Ira ko Milicayay” sanay a sowal, mihatatanam pacaˈof to salicay ato sowal no tao.
ANO IRA KO MILICAYAY: “Samaanayto kiso ngaˈayayho han?”
-
Sasamaan kiso miamet to toki, masasowal cingranan to mananamay iso i Fangcalay Cudud a kimad?
KALIMLAAN
Paladaˈ i tamdaw to ngaˈayay lihaf cowa ka haen to miharatengen iso a pasangaren, hanaca o papalipahak tisowanan.
Lomalen
-
Hano paladaˈ kita i tamdaw to ngaˈayay lihaf?
-
Paladaˈ to ngaˈayay lihaf i, sasamaan paihkal to mikangodoay a waywayan?
-
Samaan ko pidemak iso ngaˈay maremo ko marawraway falocoˈ, eca ka matalaw mitosil?
MALALITINGAY A LALAKAW
Kantangay sepat a hapakayraan, padama tisowanan tano JW wangcan a kato paladaˈ to tamdaw to ngaˈayay lihaf no Fangcalay Cudad.
Tano JW Wangcan a Kato Misiwkay to Sakasasowal a Taˈarawan (1:43)
Sapilasilaw to ngaˈayay lihaf, ngaˈay kita itini maanan a sepat hapakayraan padotoc a macakat?
Kaemangayho ko niyah sanay kiso miharateng, matalaw paladaˈ to ngaˈayay lihaf i tamdaw han? Nengnengen ko ngaˈayay taˈarawan i Fangcalay Cudad.
Ano cowaho ka fanaˈ ko paro no lomaˈ iso ci Yihofaan i, sasamaan misatapang masasowal cangranan to Fangcalay Cudad hani?
