TANAJ 22

¿Achike ütz nabʼän richin natzijoj ri utziläj taq rutzijol?

REPRODUCIR EN

Toq nawetamaj ri qitzij chi rij ri Biblia, rikʼin bʼaʼ rat nabʼij: «¡Ri winaqiʼ kʼo chi nketamaj reʼ!». Qitzij na wi, konojel ri winaqiʼ nkʼatzin nketamaj reʼ. Ja kʼa rikʼin bʼaʼ naxibʼij bʼa awiʼ ri natzijoj chi ke ri chʼaqa chik ri najin nawetamaj. Ruma riʼ, tqatzʼetaʼ achike ütz nabʼän richin man naxibʼij ta awiʼ chuqaʼ richin yakikot ri natzijoj ri utziläj taq rutzijol e kʼo chupam ri Biblia chi ke ri chʼaqa chik.

1. ¿Achike rubʼanik natzijoj chi ke ri awachibʼil chuqaʼ ri awachʼalal ri najin nawetamaj?

Ri rutzeqelibʼey ri Jesús xkibʼij: «Man yojtikïr ta nqatanabʼaʼ rubʼixik ri achike qatzʼeton y ri qakʼaxan» (Hechos 4:20 CR). Ruma rijeʼ kan janila xkiyaʼ rejqalem ri qitzij kan xkajoʼ xkitzijoj reʼ chi ke ri winaqiʼ. ¿La ke riʼ chuqaʼ nanaʼ rat? Ruma riʼ, takanoj jun ütz rubʼanik richin yachʼon chi ke ri awachʼalal chuqaʼ ri awachibʼil chi rij ri najin nawetamaj (tasikʼij Colosenses 4:6).

Ütz nabʼän reʼ

Toq xkatzijon rikʼin jun awachʼalal, tabʼij reʼ chi re richin yachʼon chi rij ri Biblia rikʼin «Re semana reʼ kʼo jun naʼoj ri xinwetamaj ri kan janila xqa chi nuwäch».
Toq jun awachibʼil nyawäj o nbʼison takuqubʼaʼ rukʼuʼx rikʼin jun texto chupam ri Biblia.
Toq ri awachibʼil pa asamaj xtkikʼutuj chawe achike xabʼän ri sábado o ri domingo, tatzijoj chi ke ri naʼoj ri xawetamaj chupam ri atijonïk o chupam ri qamoloj.
Takʼutuʼ chi kiwäch ri awachibʼil ri qa-sitio de internet jw.org.
Tabʼij chi ke ri chʼaqa chik chi kekʼojeʼ awikʼin chupam ri tijonïk chi rij ri Biblia o takʼutuʼ chi kiwäch achike rubʼanik rijeʼ yetikïr nkikʼutuj jun kitijonïk chi rij ri Biblia pa jw.org.

2. ¿Achike ruma ütz nayaʼ chawäch ri natzijoj ri utziläj taq rutzijol rikʼin ri congregación?

Ri rutzeqelibʼey ri Jesús man xa xe ta xkitzijoj ri utziläj taq rutzijol chi ke ri ketaman kiwäch. Ri Jesús «xeruchaʼ [...] achiʼaʼ richin chi kakaʼ xerutäq el pa taq tinamït» akuchi xtitzijoj ri Ruchʼabʼäl ri Dios (Lucas 10:1). Rikʼin reʼ más winaqiʼ xkakʼaxaj ri utziläj taq rutzijol. Ri rutzeqelibʼey ri Jesús kan janila xekikot ri junan xkitzijoj ri Ruchʼabʼäl ri Dios (Lucas 10:17). ¿La narayij rat natzijoj ri utziläj taq rutzijol rikʼin ri congregación?

TQANIKʼOJ RIJ

Tqatzʼetaʼ achike xkarutoʼ richin man naxibʼij ta awiʼ chuqaʼ richin yakikot toq natzijoj ri utziläj taq rutzijol.

3. Ri Jehová xtkʼojeʼ awikʼin

E kʼo winaqiʼ ri nkajoʼ nkitzijoj ri Biblia, ja kʼa majun ketaman ta achike xtkibʼij ri chʼaqa chik o achike xtkichʼobʼ chi kij rijeʼ.

¿La naxibʼij bʼa awiʼ ri natzijoj chi ke ri chʼaqa chik ri najin nawetamaj? ¿Achike ruma?

Titzʼetaʼ ri VIDEO chuqaʼ kixchʼon chi rij reʼ:

VIDEO: Xinkʼutuj chi re ri Jehová chi kirutoʼ (4:05)

¿Achike xkibʼän ri xtaniʼ alabʼoniʼ xeʼel pa video richin man xkixibʼij ta chik kiʼ?

Tisikʼij Isaías 41:10 chuqaʼ kixchʼon chi rij reʼ:

We naxibʼij awiʼ, ¿achike ruma ütz ri yachʼon rikʼin ri Dios?

¿La awetaman rat reʼ?

Kʼïy chi ke ri e testigos de Jehová xkinaʼ chi majun bʼey xketikïr ta xkeʼel chi rutzijoxik ri Biblia. Jun tzʼetbʼäl, jun achin ri rubʼiʼ Sergey xunaʼ chi majun ruqʼij ta chuqaʼ chi kʼayew nubʼän chi re ri nchʼon kikʼin ri winaqiʼ. Ja kʼa jun qʼij xuchäp rutijonik chi rij ri Biblia. Rijaʼ nubʼij: «Stapeʼ janila ninxibʼij wi, xinyaʼ chuwäch richin yichʼon kikʼin ri chʼaqa chik chi rij ri najin ninwetamaj. Reʼ xubʼän chi xinnaʼ chi kan kʼo nuqʼij chuqaʼ kan xapon más pa wanima ri naʼoj ri e kʼo chupam ri Biblia».

4. Man taqasaj kiqʼij ri winaqiʼ

Toq xtatzijoj ri Biblia chi re jun winäq man xa xe tachʼobʼoʼ chi rij ri achike xtabʼij chi re, chuqaʼ ri rubʼanik xtabʼij chi re. Tisikʼij 2 Timoteo 2:24 chuqaʼ 1 Pedro 3:15, chuqaʼ kixchʼon chi rij reʼ:

¿Achike rubʼanik xtasamajij ri nkibʼij re versículos reʼ toq xkachʼon chi rij ri Biblia chi ke ri chʼaqa chik?
Rikʼin bʼaʼ e kʼo awachʼalal o awachibʼil ri majun xtqa ta chi kiwäch chi ri nabʼij chi ke. ¿Achike ütz nabʼän? Chuqaʼ ¿Achike ri man ütz ta nabʼän?
Pa rukʼexel ri nabʼij chi ke ri kʼo chi nkinimaj, ¿achike ruma más ütz ri kan pa rubʼeyal yatzijon kikʼin?

5. Nukikotisaj ri qanima toq nqatzijoj ri utziläj taq rutzijol

Ri Jehová xubʼij chi re ri Jesús chi tutzijoj ri utziläj taq rutzijol. ¿Achike rubʼanik xutzʼët ri Jesús ri samaj riʼ? Tisikʼij Juan 4:34 chuqaʼ kixchʼon chi rij reʼ:

Ri ütz yojwaʼ nubʼän chi yojkikot chuqaʼ nuyaʼ quchuqʼaʼ. ¿Achike ruma ri Jesús xubʼij chi ri nqabʼän ri rurayibʼal ri Dios, achiʼel ri nqatzijoj ri utziläj taq rutzijol, junan rikʼin ri yojwaʼ?
¿Achike utzil xtukʼäm pe chawe we natzijoj ri utziläj taq rutzijol chi ke ri chʼaqa chik?

Ütz nabʼän reʼ

Chupam ri moloj ri nbʼan chukojöl semana tatzʼetaʼ achike ütz nabʼän richin yachʼon kikʼin ri winäq.
Takʼutuj chi re ri nuyaʼ atijonïk achike ütz nabʼän richin nyaʼöx asamaj pa programa richin ri moloj chukojöl semana. Ri samaj xtyaʼöx chawe xkarutoʼ richin más ütz rubʼanik xtatzijoj chi ke ri chʼaqa chik ri najin nawetamaj.
Takusaj ri peraj «E kʼo jujun nkibʼij reʼ» chuqaʼ «E kʼo jujun nkikʼutuj reʼ» ri e kʼo chupam re wuj reʼ richin natijoj awiʼ chi rij ri rubʼanik xtuqʼalajrisaj ri kikʼutunïk ri winaqiʼ chuqaʼ achike ütz nabʼij toq man nkajoʼ ta yatkakʼaxaj.

E KʼO JUJUN NKIKʼUTUJ REʼ: «¿Ütz awäch? ¿Achike abʼanon?».

¿Achike ütz nabʼän richin natzijoj chi re ri winäq riʼ ri najin nawetamaj chupam ri Biblia?

TQAKAMULUJ

Ri yachʼon chi rij ri utziläj taq rutzijol nukikotisaj ri awanima, y rikʼin bʼaʼ man kan ta kʼayew achiʼel achʼobʼon wi pe.

Ri xawetamaj

¿Achike ruma nqatzijoj ri utziläj taq rutzijol?
¿Achike ütz nabʼän richin man xtaqasaj kiqʼij ri winaqiʼ toq xtatzijoj reʼ?
¿Achike ütz nabʼän richin man xtaxibʼij ta chik awiʼ?

Qʼij ri xakʼis re tanaj reʼ:

Tasamajij reʼ

Takanoj jun winäq ri nawajoʼ natzijoj ri Biblia chi re. Chi rij riʼ tachʼobʼoʼ achike xtabʼij chi re, chuqaʼ ri rubʼanik xtabʼij chi re chuqaʼ jampeʼ xtabʼij chi re.

Chʼaqa chik samaj:

Chʼaqa chik samaj