ISHOMO RYA 22

Ni bata oku ori kubasa kugambira abandi obutumwa burungi?

ZAANA

Ku ori kwega amazima nohurira ‘buri omwe ashemerire kugamanya!’ Kandi ni amazima buri omwe ashemerire kugamanya! Konka nobasa kuhurira oyine obwoba bw’okugambira abandi ebi wayegire. Reka turebe eki ori kubasa kukora kugira ngu ohwe obwoba, rero otandike kugambira abantu obutumwa burungi bw’omuri Bibuli oshemerirwe.

1. Ni bata oku ori kubasa kugambira abantu abu ori kumanya ebi wayegire?

Abegi ba Yesu bakagamba bati: ‘Itwe tituri kubasa kuhunama kutagamba ebi twarebire n’ebi twahurire.’ (Ebyakozirwe 4:20) Bakaba nibareba amazima nk’ag’omuhendo kandi bakaba bari kwenda kugagambira abantu bingi oku biri kubasika. Mbehi n’iwe niko oku ori kwehurira? Caba ariko kiri kora cona eki ori kubasa, ogambire abanyabuzare bawe na banywani bawe ebi wayegire ori kubaha ekitinisa.—Shoma omu Bakolosai 4:6.

Oku ori kubasa kutandikisa ebiganiro

Waba ori kuganira n’abanyabuzare bawe, tandikisa ekiganiro kikwatire ahari Bibuli ori kugira ngu: “Omuri eyi sande nkega ekintu c’omugasho.”
Nobasa kushomera ecahandikirwe ekiri kuhumuriza munywani wawe yaba arwire ninga shi ayemerize omutima.
Abu muri kukora hamwe bakubuza oku wikendi egenzire, bagambire ebi wayegire omuri Bibuli ninga shi omu nterane.
Yereka banywani bawe orubuga rwa jw.org.
Shaba abandi kwija kwekwatanisa n’iwe waba ori kwega Bibuli ninga shi obereke oku bari kubasa kubishaba barabire aha rubuga rwa jw.org.

2. Ahabw’enki kweteraho entego y’okuburira n’ekibina kiri ec’omugasho?

Abegi ba Yesu bakakora ekirengire kugambira abantu abu babire bari kumanya obutumwa burungi. Yesu ‘akabatuma babiri babiri ngu bamwebembere bagende omu matawuni gona n’omu myanya yona’ kuburira. (Luka 10:1) Eyo ntebekanisa ekatuma abantu bingi batunga omugisha g’okuhurira obutumwa burungi. Nambwenu kuburira bari hamwe kikatuma abegi ba Yesu bashemererwa munonga. (Luka 10:17) Mbehi tori kubasa kweteraho entego y’okwekwatanisa n’ekibina omu murimo g’okuburira?

MANYA BYINGI

Reba eki ori kubasa kukora kugira ngu ohwe obwoba kandi otunge okushemererwa omu murimo g’okuburira obutumwa burungi.

3. Yehova ari hamwe n’iwe

Abamwe nibaba bari kwenda kuburira konka batina oku bari kurebeka n’oku abantu barije kubakira.

Mbehi n’iwe notina kugambira abandi ebi ori kwega? Ahabw’enki?

Zana VIDIYO, rero muganire ahari eki kibuzo.

VIDIYO: Nkashaba Yehova ngu ampe obumanzi (4:05)

Ni enki eki Abahamya abacari bato bakozire kugira ngu bahwe obwoba?

Shoma omuri Isaaya 41:10, rero muganire ahari eki kibuzo:

Wahurira oyine obwoba bw’okuburira, ni bata oku eshara eri kubasa kukukwasa?

Waba nokimanya?

Abingi omu Bahamya ba Yehova bakaba nibatekateka ku batari kubasa kuburira abandi obutumwa burungi. Ecokureberaho: Sergey akaba nayehurira nk’otine mugasho, kandi kuganira kikaba nikimugumira. Konka akatandika kwega Bibuli. Akagamba ati: “N’obu nabire nyine obwoba, nkatandika kugambira abandi ebi ndi kwega. Ecantangarize, oku nagenzire ninkizaho kugambira abandi ebiri kukwata ahari Bibuli, kikatuma nakizaho kweyesiga. Nambwenu kugambira abandi ebi ndikwikiriza kikagumya okwikiriza kwange.”

4. Guma ohe abandi ekitinisa

Waza kuburira oshemerire kutekateka aha bi oragambe konka nambwenu ni kikuru kutekateka aha ku orabigambe. Shoma omuri 2 Timoseo 2:24 na 1 Petero 3:15, rero muganire ahari ebi bibuzo:

Ni bata oku ori kubasa kukoresa ezi nyiriri waba ori kuganira n’abandi ahari Bibuli?
Bamwe omu banyabuzare bawe ninga banywani bawe nibabasa kutikirizingana n’iwe. Ni enki eki oshemerire kukora kandi shi ni enki eki otashemerire kukora?
Ahabw’enki kiri kirungi munonga kukoresa otubuzo omu muringo g’obwenge omu mwanya g’okubagema?

5. Okuburira obutumwa burungi nibituretera okushemererwa

Yehova akaha Yesu omurimo g’okuburira obutumwa burungi. Ni bata oku Yesu yabire nareba ogo murimo? Shoma omuri Yohana 4:34, rero muganire ahari ebi bibuzo:

Kurya ebyokurya birungi nibigasira omubiri gwitu kandi nibituma twashemererwa. Ahabw’enki Yesu yageranisize kukora ebi Ruhanga ari kukunda harimu n’okukora omurimo g’okuburira n’okurya ebyokurya?
Notekateka ngu ni kuha kushemererwa okuri kuruga omu kuburira obutumwa burungi?

Eki ori kubasa kukikora

Reba oku ori kubasa kutandikisa ebiganiro omu nterane za rwagati omu sande.
Gamba n’omwegesa wawe wa Bibuli aha ku ori kubasa kuba omwegi omu ishomero omu nterane za rwagati omu sande. Omurimo ogu oriherwa omu ishomero nigwija kukukwasa kwetebekanisiza kugambira abandi ebi ori kwega.
Koresa ekicweka ekiri kugamba ngu: “Abantu abamwe nibagamba ngu” n’ekiri kugira ngu: “Abantu abamwe nibabasa kubuza ngu” ebiri omuri eri shomo, kugira ngu omanye oku ori kubasa kugarukamu ebibuzo by’abantu.

ABANTU ABAMWE NIBABASA KUBUZA NGU: “Ni biha bisya ebi mwareta?”