SHIRONGWA 22

Weni u vhura kutantera ko vapeke mbudi yayiwa?

PLAY

Momo una kukwata ushiri wamuBibeli kuvhura ngau kuyuvhe ashi: ‘Kehe uno ana hepa kuyiva ushiri uno!’ Uhunga, kehe uno ana hepa kuyiva ushiri! Ngoli, kuvhura u kare nawoma wakutantera ko vapeke ovyo wa kushonga. Tu kenge omo u vhura kufunda po woma ogho mposhi ngau vhure kutameka kutantera ko vapeke mbudi yayiwa yamuBibeli.

1. Weni u vhura kutantera ko ovo wa yiva kuhamena vininke wa kushonga?

Varongwa vaJesus kwa ghambire ashi: “Atwe narumweshi kushagheka kughamba vininke ovyo twa mona novyo twa yuvha.” (Virughana 4:20) Vavo va monine mulyo wa vininke vakushongire makura ava shana kutantera ko vantu vavangi. Nove ngoli una kukuyuvha ndi? Ntjeneshi ngoweyo, shana mpito u vhure kutantera ko nalifumadeko valikoro navaholi voye ovyo wa kushonga.—Varura Kolose 4:6.

Nkedi dimwe omo u tameka kuyuvhita

Ntjene kuna kughambita walikoro, kuvhura u tameke ashi: “Shivike shino kani kushongo vininke vyakutetukita.”
Tantera ko muholi woye ana kuvero ndi ana karo nashinka shangandi litjangwa lyakumushengawida.
Pakukukunda navaunyoye kuvirughana, va timwitire ko ovyo kaukushongo mulikushongo lyoye lyaBibeli ndi kumapongo.
Negheda unyoye intanet yetu.
Rekera vaunyoye va kare po palikushongo lyoye lyaBibeli ndi va neghede omo va shungida likushongo ku jw.org.

2. Nke vya karera mulyo kuyuvhita kumwe nambungakriste?

Varongwa vaJesus kapi ka va tanteranga ko tupu mbudi yayiwa vantu ovo va yivire. Ngoli Jesus kwa va tumine “vaviri-vaviri kukehe shitata” va ka yuvhite. (Lukas 10:1) Ndjenditito oyo yakuyuvhita ya tapire mpito kuvantu vavangi va yuvhe mbudi yayiwa. Varongwa va hafire nka ngudu opo va yuvhitire kumwe. (Lukas 10:17) Kuvhura nove u ku tulire po shitambo shakuyuvhita kumwe nambungakriste ndi?

TEDA KO

Kushonge u yive omo u funda po woma mposhi ngau kumonene ruhafo rwakutantera ko vapeke mbudi yayiwa.

3. Jehova nga kara nove

Vamwe vana shana kuyuvhita, ngoli woma wa kughamba ndi kutjira ovyo ngava ghamba vantu.

Ove woma kutantera ko vapeke ovyo wa kushonga ndi? Morwanke?

Kengera VIDIYO, makura timwitirenu mapuro ghano.

VIDIYO: Kwa rapelire kwaJehova a mpe nkondo (4:05)

Weni vadinkantu vaMbangi daJehova va funda po woma wavo?

Varura Jesaja 41:10, makura timwitirenu lipuro lino:

Ntjene woma kuyuvhita, weni ndapero yi kuvatera?

Maukena nka ghamweya

Vavangi kumeho va kare Mbangi daJehova, kwa kuyuvhire ashi kapi nga va vi tikita mo kuyuvhita mbudi yayiwa. Pashihonenito, Sergey kakuyuvhanga ashi uye kwato mulyo ntani a kalire woma kughamba navantu. Ngoli mpo a tamekire kukushonga Bibeli. Ghuye kwa tanta ashi: “Mpiri momo na kalire woma, na tamekire kutantera ko vapeke ovyo na kushongire. Mwayendo ruvede, kutantera ko vapeke kuhamena Bibeli vya ndenkitire ni kuyuvhe mulyo. Ntani nka ovyo na kushongire vya kakatilire kumushima.”

4. Negheda lifumadeko

Kumeho u tantere ko vapeke mbudi yayiwa, wa hepa kughayadara ko ovyo u ghamba nomo u vi ghamba nalifumadeko. Varura 2 Timotheus 2:24 ntani 1 Petrus 3:15, makura timwitirenu mapuro ghano:

Weni u tura pashirughana velise dino opo u tantera ko vapeke kuhamena Bibeli?
Vamwe valikoro ndi vaholi voye kapi ngava kwatita ko ovyo ngau va tantera. Nke u vhura kurughana? Nke u pira kurughana?
Nke vya wapera kurughananita mapuro nandunge mulivango lyakuvatininika va pure vininke?

5. Kuyuvhita mbudi yayiwa kuyita ruhafo

Jehova kwa pire Jesus shirughana shakuyuvhita mbudi yayiwa. Weni a kengire Jesus shirughana osho? Varura Johannes 4:34, makura timwitirenu mapuro ghano:

Ndya kuturenkita tu twikire kuparuka nakutuyitira ruhafo. Morwanke Jesus a shetakanitire kurughana mpango yaKarunga kukwatera mo kuyuvhita mbudi yayiwa kundya?
Weni una kughayara, ruhafo munke u wana pakuyuvhita mbudi yayiwa?

Maghano

Mulipongo lyamushivike, kushongere mo nkedi omo u vhura kuvareka kutimwitira navantu.
Pura murongi woye a ku tantere ovyo u vhura kurughana mposhi u vareke kutapa vighamba mulipongo lyamushivike. Vighamba ovyo ngavi kudeura u kare nauyivi wakutantera ko vapeke ovyo una kukushonga.
Rughanita ruha “Vamwe kughamba ashi” ndi “Umwe kuvhura a kupure ashi”, u vhure kukuyombilita omo u limburura mapuro ndi makanyi ghavantu.

UMWE KUVHURA A KUPURE ASHI: “Vinke vina kukupito muholi?”