NǓKPLƆNKPLƆN 22
Nɛ̌ A ka Sixu Jlá Wɛnɖagbe ɔ Gbɔn?
Ee a na ɖò nǔgbo Biblu tɔn lɛ kplɔ́n wɛ é ɔ, a sixu lin nǔ gbɔn lě, ‘Mɛ bǐ wɛ ɖó na tuùn nǔ elɔ sín!’ Nǔgbo wɛ, mɛ bǐ wɛ ɖó na tuùn! Amɔ̌, ado sixu hu we dó nǔ e a kplɔ́n lɛ é ɖiɖɔ nú mɛ ɖevo lɛ wu. Nǔ mǐ ni ɖɔ xó dó lee a sixu ɖu ɖò xɛsi enɛ jí, bo jɛ wɛnɖagbe e ɖò Biblu ɔ mɛ é má xá mɛ ɖevo lɛ jí kpo awǎjijɛ kpo gbɔn é wu.
1. Nɛ̌ a ka sixu má nǔ e a kplɔ́n lɛ é xá mɛ ɖěɖee a tuùn lɛ é gbɔn?
Ahwanvu Jezu tɔn lɛ ɖɔ: “Nǔ e mǐ mɔ, lobo sè ɔ, mǐ sixu gɔn ɖiɖɔ gbeɖé ǎ.” (Mɛsɛ́dó 4:20) Nǔgbo ɔ xɔ akwɛ nú ye sɔmɔ̌ bɔ ye jló na má xá mɛ ɖevo lɛ lee é nyɔ́ bló gbɔn é. Mɔ̌ pɛ́ɛ wɛ nǔ nɔ cí nú hwi lɔ à? Enyi mɔ̌ wɛ hǔn, ba ali e nu a sixu má nǔ e a kplɔ́n lɛ é xá hɛ̌nnumɔ towe lɛ kpo xɔ́ntɔn towe lɛ kpo kpodo sísí kpo ɖè lɛ é.—Xà Kolosinu lɛ 4:6.
Lee a sixu bɛ́ gbɔn é ɖé Lɛ
-
Nú a ɖò xó ɖɔ xá hɛ̌nnumɔ ɖé wɛ hǔn, sɔ́ xóta Biblu tɔn ɖé sín nu ɖó te gbɔn lě: “Un kplɔ́n nǔ ɖagbeɖagbe ɖé ɖò aklunɔzán gbla elɔ mɛ.”
-
Mǎ wemafɔ e dó wusyɛn lanmɛ nú mɛ é ɖé xá xɔ́ntɔn towe e ɖò azɔn jɛ wɛ alǒ ɖò linkpɔ́n mɛ é ɖé.
-
Enyi azɔ̌watɔ́gbɛ́ towe lɛ kan lee a ɖè gbɔn é byɔ we hǔn, ɖɔ nǔ e a kplɔ́n ɖò Biblu kplɔnkplɔn towe alǒ kplé agun tɔn ɖé hwenu é nú ye.
-
Xlɛ́ tɛn Ɛntɛnɛti tɔn jw.org ɔ xɔ́ntɔn towe lɛ.
-
Byɔ̌ mɛ ɖevo lɛ ɖɔ ye ni wá gɔ́ nú we ɖò Biblu kplɔnkplɔn towe hwenu, alǒ xlɛ́ lee ye sixu byɔ Biblu kplɔnkplɔn ɖé ɖò jw.org jí gbɔn é ye.
2. Etɛwu é ka jɛxa ɖɔ a ni bló tuto bá jɛ Mawuxó ɖɔ xá agun ɔ jí?
Ahwanvu Jezu tɔn lɛ jlá wɛnɖagbe ɔ mɛ ɖěɖee ye tuùn lɛ é kɛɖɛ ǎ. Jezu “sɛ́ ye dó webɔ webɔ, bɔ ye jɛ nukɔn n’i yì tò e mɛ éɖesu ɖó na yì lɛ” é bonu ye na ɖɔ Mawuxó. (Luki 10:1) Wɛnɖagbejijlazɔ́ e è bló tuto na gbɔn mɔ̌ é hun ali nú mɛ gegě bɔ ye sè wɛnɖagbe ɔ. Wɛnɖagbe ɔ jijla ɖó kpɔ́ lɛ́ hɛn awǎjijɛ ɖaxó wá nú ahwanvu lɛ. (Luki 10:17) Hwi lɔ ka sixu bló tuto bá jɛ Mawuxó ɖɔ xá agun ɔ jí à?
BA DÒ NÚ NǓ D’EJI
Kplɔ́n nǔ e a sixu wà dó ɖu ɖò xɛsi jí é lobo mɔ awǎjijɛ e wɛnɖagbe ɔ jijla nɔ hɛn wá é.
3. Jehovah na nɔ kpɔ́ xá we
Xɛsi sixu ɖi mɛ e jló na jlá wɛnɖagbe ɔ é ɖé lɛ dó lee ye na wà nǔ gbɔn é alǒ lee mɛ lɛ na yí ye gbɔn é wu.
-
Xɛsi nɔ ɖi we dó nǔ e a kplɔ́n lɛ é mímá xá mɛ ɖevo lɛ wu wɛ à? Etɛwu?
Xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu é jí.
-
Nɛ̌ Kúnnuɖetɔ́ winnyawinnya enɛ lɛ ka ɖu ɖò nǔ e nɔ dó xɛsi ye lɛ é jí gbɔn?
Xà Ezayíi 41:10, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Nú xɛsi nɔ ɖi we dó Mawuxóɖiɖɔ wu ɔ, nɛ̌ ɖɛxixo ka na d’alɔ we gbɔn?
A ka tuùn à?
Kúnnuɖetɔ́ Jehovah tɔn gegě wɛ ko lin ɖ’ayǐ ɖɔ emi kún na kpéwú bo jlá wɛnɖagbe ɔ mɛ ɖevo lɛ gbeɖé ó. Ði kpɔ́ndéwú ɔ, Sergey mɔ ɖɔ emi kún nyí nǔɖewanú ó bɔ xóɖiɖɔ xá mɛ ɖevo lɛ nɔ vɛwǔ n’i tawun. Amɔ̌, é wá kplɔ́n Biblu. É ɖɔ: “Xɛsi nɔ ɖi mì có, un jɛ nǔ e kplɔ́n wɛ un ɖè lɛ é sín xó ɖɔ nú mɛ ɖevo lɛ jí. É kpaca mì tawun ɖɔ xóɖiɖɔ nú mɛ ɖevo lɛ dó Biblu jí zɔ́n bɔ un wá jɛ jiɖe ɖó dó nyiɖée wu jí hugǎn. É lɛ́ zɔ́n bɔ nǔ yɔyɔ̌ enɛ lɛ e un ɖi nǔ na é lidǒ ɖò ayi ce mɛ.”
4. Nɔ ɖè sísí xlɛ́
Nú a ɖò wɛnɖagbe ɔ jlá wɛ hǔn, ma nɔ lin nǔ e a na ɖɔ é kɛɖɛ kpɔ́n ó, loɔ, nɔ lin lee a na ɖɔ gbɔn é lɔ kpɔ́n. Xà 2 Timɔtée 2:24 kpo 1 Piyɛ́ɛ 3:15, 16a kpo, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Nɛ̌ a ka sixu zán wemafɔ enɛ lɛ hwenu e a ɖò xó ɖɔ dó Biblu jí xá mɛ ɖevo lɛ wɛ é gbɔn?
-
Xwédo towe sín mɛ ɖé lɛ, alǒ xɔ́ntɔn towe ɖé lɛ sixu nɔ ma yí gbè nú xó towe. Etɛ a ka sixu wà? Etɛ a ma ka ɖó na wà ǎ?
-
Etɛwu nǔkanbyɔ e è cyan kɛ́n na lɛ é zinzán ka na kpɔ́n te hú nǔ e mɛ lɛ ɖó na ɖi nǔ na lɛ é ɖiɖɔ nú ye tlɔlɔ?
5. Wɛnɖagbe ɔ jijla nɔ hɛn awǎjijɛ wá
Jehovah zɔ́n Jezu ɖɔ é ni jlá wɛnɖagbe ɔ. Linlin tɛ Jezu ka ɖó dó azɔ̌ enɛ wu? Xà Jaan 4:34, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Nǔɖuɖu ɖagbe ɖuɖu nɔ hɛn mǐ ɖó gbɛ̀ bo nɔ lɛ́ zɔ́n bɔ mǐ nɔ ɖó awǎjijɛ. Etɛwu Jezu ka jlɛ́ jlǒ Mawu tɔn wiwa, kaka jɛ wɛnɖagbe ɔ jijla jí, dó nǔ ɖuɖu wu?
-
Awǎjijɛ tɛ lɛ wɛnɖagbe ɔ jijla ka sixu hɛn wá nú mɛ bɔ a lin?
Wěɖexámɛ ɖé Lɛ
-
Ðò kplé aklunɔzán gblamɛ tɛntin tɔn lɛ hwenu hǔn, nɔ sɔ́ kɛ́n lee a sixu bɛ́ xóɖɔɖókpɔ́ lɛ gbɔn é tɔn.
-
Ðɔ xó xá nǔkplɔnmɛtɔ́ towe dó lee a sixu huzu wemaxɔmɛví ɖé ɖò kplé aklunɔzán gblamɛ tɛntin tɔn hwenu gbɔn é wu. Wemaxɔmɛví sín azɔ̌ lɛ sixu d’alɔ we bɔ a na mɔ ɖɔ emi ɖò gbesisɔmɛ bo na má nǔ e kplɔ́n wɛ emi ɖè lɛ é xá mɛ ɖevo lɛ.
-
Zǎn akpáxwé “Mɛɖé lɛ Ðɔ” alǒ “Mɛɖé Sixu Kanbyɔ Ðɔ” e ɖò nǔkplɔnkplɔn elɔ mɛ é dó bló vɔ̌gbɔnji lee a sixu na xósin nú nǔkanbyɔ kpaa lɛ kpo nǔ e mɛ lɛ nɔ ɖɔ dó gbɛ́ wɛn ɔ lɛ é kpo gbɔn é tɔn.
MƐÐÉ SIXU KANBYƆ ÐƆ: “Nɛ̌ a ka ɖè gbɔn?”
-
Nɛ̌ a ka sixu gbɔn yɛkan enɛ mɛ bo ɖɔ nǔ e a kplɔ́n ɖò Biblu kplɔnkplɔn towe hwenu é ɖé nú mɛ ɔ gbɔn?
ETƐ LƐ A KA KPLƆ́N?
Wɛnɖagbe ɔ jijla mɛ ɖevo lɛ nɔ hɛn awǎjijɛ wá, lobɔ azɔ̌ enɛ wiwa sixu bɔwǔ tawun hú lee a lin gbɔn é.
Vɔ̌gbɔnji
-
Etɛwu è ka ɖó na jlá wɛnɖagbe ɔ mɛ ɖevo lɛ?
-
Nɛ̌ a ka sixu wà mɔ̌ kpo sísí kpo gbɔn?
-
Nɛ̌ a ka sixu ɖu ɖò xɛsi ɖebǔ e sixu ko nɔ ɖi we dó Mawuxóɖiɖɔzɔ́ ɔ wu é jí gbɔn?
KÍJÉ
Kpɔ́n ali e nu a sixu zán káti adlɛsi jw.org tɔn dó jlá wɛnɖagbe ɔ ɖè é ɛnɛ.
Kplɔ́n nǔ dó jijɔ e sixu d’alɔ we bɔ a na jlá wɛnɖagbe ɔ lɛ é ɛnɛ jí.
“A ka Ðò Gbesisɔmɛ Bo Na Dɔn Gbɛtɔ́ lɛ Hweví Ðɔhun À?” (Atɔxwɛ septembre 2020)
Enyi mǐ na bo nyí yɔkpɔvu ɔ, kpɔ́n lee kpɔ́ndéwú Biblu tɔn ɖé sixu na mǐ akɔ́nkpinkpan bɔ mǐ na nɔ jlá wɛnɖagbe ɔ gbɔn é.
Ba dò nú lee a sixu ɖɔ Biblu sín xó nú hɛ̌nnumɔ towe ɖěɖee ma ko kplɔ́n nǔ dó Jehovah wu ǎ lɛ é gbɔn é.
“Wɛnɖagbe ɔ Jijla Hɛ̌nnumɔ Nǔmaɖitɔ́ Lɛ” (Atɔxwɛ [Gungbe] 15 mars 2014)
Xóta élɔ́ lɛ́ lɔ sixú jɛjí nú we
NǓ E MƐ LƐ́ NƆ YÁ WǓ KANBYƆ́ LƐ́ É
Nɛ̌ tuto Biblu kplɔ́nkplɔ́n tɔn e Kúnnuɖetɔ́ Jehovah tɔn lɛ́ nɔ xwlé mɛ é ka nɔ yi gbɔn?
Kpó Biblu kplɔ́nkplɔ́n vɔ̌nu sín tuto e Kúnnuɖetɔ́ Jehovah tɔn lɛ́ nɔ xwlé mɛ é kpó ɔ, a sixú zán lǐlɛ́dógbeɖévomɛ Biblu tɔn ɖěbǔ. A vo bó ná ylɔ́ xwédo towe blěbú alǒ xɔ́ntɔn towe lɛ́ ɖěbǔ bɔ yě ná gɔ́ nú we.
