KAPITE 22

E Fefeʼaki Lau Māsau Ki Ni ʼIki Ki Le Logo Mālie?

PLAY

Kāpau e tuputupu lau ʼaga o ako a māʼoki o le Tosi-Tapu, ti e ke matala ai loa, ‘e tonu ki kakai fuli ke lotou iloa a māʼoki anā.’ Kae lagi e ke tuʼania i le māsau kia lātou ki neʼa alā na ke ʼaga o ako. Ta tioʼi pe fefeʼaki lau ʼaga o maʼua le lototoʼa ti mo le fiafia ki le fakamafola o le logo mālie.

1. E fefeʼaki lau ʼaga o fakasā le logo mālie kia lātou e feʼiloaʼaki mo koe?

Na pati a tisipulo a Sesu: “E leaise mafai ke aua na ma masau ki le nea leia kua ma tio mo logo ki ai.” (Tosi Gaoi 4:20) Na lotou mālieʼia le māʼoki ko ia leia e lotou fia fakasā ai ki kakai fuli. E tatau ko ia lau manatu mo tisipulo a Sesu? Kāpau ko ia, afa ni faigamālie ke ke māsau ki ou fāmili ti mo ou kauneʼa i le fakaʼapaʼapa ki neʼa alā na ke ʼaga o ako.—Lau Kolose 4:6.

Manatu ke kamata ki ai

E mafai ke ke māsau feneʼeki ki le Tosi-Tapu mo se tasi o lou fāmili: “Na iai le koga maʼuiga na kau ʼaga o tāʼofi i le vāsaʼa leinei.”
Lau se vaega fakalotomakeke ki se kauneʼa e masaki pe lotomamae.
Kāpau e vesili atu sou kauga gaʼoi pe koā au neʼa na fai i aso mālōlō i le fakaʼoki vāsaʼa, ti e mafai ke ke māsau ki neʼa alā na ke ʼaga o ako i lau ako Tosi-Tapu ti mo fono.
Fakasā ki ou kauneʼa le tuʼasila i le neti jw.org.
Fakaafe ni ʼiki ke kau ki lau ako Tosi-Tapu pe ke fakasā kia lātou pe fefeʼaki le kole mo se ako Tosi-Tapu i le neti jw.org.

2. Koleā e mālie ai le faifakamafola fakatasi mo fetāina mo tuagaʼane?

Na leʼaise māsau fua le kau tisipulo a Sesu ki le logo mālie ki kakai alā e lotou ʼaga o iloa. ‘Na kakau e Sesu lātou takitautoka lua ke lotou ano o faifakamafola ki kolo fuli.’ (Luka 10:1) Ko le faʼasiga fakatuʼutuʼu lenā o le faifakamafola na mafai ai ki le tokaʼapi ke lotou logo ki le logo mālie. Ti na maʼua e le kau tisipulo le fiafia i lalātou faifakamafola fakatasi. (Luka 10:17) E mafai ko ia ke fai sau fakatuʼutuʼu ke ke fakamafola fakatasi mo fetāina mo tuagaʼane?

MANATU LOLOTO

Ta tioʼi pe fefeʼaki lau ʼaga o tauʼi lou lotososa ti mo maʼua le fiafia i le fakamafola o le logo mālie.

3. E tokoi atu loa Seova kiate koe

Ko ʼiki e lotou fia faifakamafola kae lotou tuʼania mo ʼī ki le tio mai a le kakai la.

E ke tuʼania ko ia i le māsau ki neʼa alā na ke ʼaga o ako? Koleā lona tupuʼaga?

Tioʼi le GĀ ʼATA, ti fai le vesili ka soa mai.

GĀ ʼATA: Na Kau Faikole Kia Seova Ke Soli Mai Le Makeke (4:05)

Na tauʼi fefeʼaki e tupulaga anā lolātou a ʼī?

Lau Esaia 41:10, ti fai le vesili leinei:

Ka ke ʼī i le faifakamafola, e tokoi fefeʼaki atu loa le faikole?

E ke iloa ko ia?

Tokaʼapi le Kau Fakamāʼoki a Seova na lotou manatu, e leʼaise mafai lalātou māsau ki le logo mālie ki ni ʼiki. O fai pe Sergey, ki lana manatu e se mafai e ia se neʼa ti e faigataʼa lana felogoi mo ni ʼiki. Na fakamatala e ia: “Tatau ai pe kau ʼī, kae na kau kamata māsau ki neʼa alā na kau ʼaga o ako i le Tosi-Tapu kia lātou alā e feʼiloaʼaki mo au. Na kau logoʼi loa loku lototoʼa ti mo toe fakamakekeʼi ai mo laku tui.”

4. Aga fakaʼapaʼapa

Ka ke māsau ki le logo mālie, fakakaukau ki neʼa alā ka ke māsau ki ai ti mo lona faʼasiga fai. Lau 2 Timoteo 2:24 mo 1 Petelo 3:15, ti fai a vesili anei:

E fefeʼaki lau ʼaga o fakaʼaogaʼi a vaega anei mokā ke māsau ki le Tosi-Tapu ki ni ʼiki?
Ko ʼiki i lou fāmili pe ko ou kauneʼa, lagi e leʼese tatau alātou manatu mo koe. Koleā loa ka ke ʼaga o fai? Koleā loa e leʼese tonu ke ke ʼaga o fai?
Koleā e mālie ke ke fai ni vesili ke ke iloa ai le tupuʼaga o lana manatu, i lau tali fakaʼagatonu ki ai?

5. E maʼua le fiafia i le faifakamafola

Na fakatotonu e Seova kia Sesu ke fakamafola le logo mālie. Na fefeʼaki le fakasoko e Sesu le gaʼoi lenā? Lau Soane 4:34, ti fai a vesili anei:

E ʼaoga ke tou kai ke tou maʼuʼuli ai ti ka tou kai ki ni neʼa mālilie e tou fiafia ai. Koleā na pati ai Sesu ko laku neʼa kai ko le fai o le finegalo o le Atua leia ko le fakasā o le logo mālie?
Koleā e fakatupu fiafia ai lau fakamafola le logo mālie?

Manatu ʼaoga

Lolotoga le fono o le vāsaʼa, tosi ni manatu e tokoi atu loa ke kamata ai ni faimāsau.
Lolotoga le fono o le vāsaʼa, fakasā ni faifaitaki e ʼaoga ki le faifakamafola. E tokoi atu loa a faifaitaki anā ke ke lototoʼa i le māsau ki ʼiki ki neʼa alā na ke ʼaga o ako.
Fakaʼaoga a koga anei: “E Pati a ʼIki” mo “E Lagi Pati Atu Loa a ʼIki” ke ke akoako ai ki le tali ki ni vesili mo ni manatu e tau fai tuʼumau.

E LAGI PATI ATU LOA A ʼIKI: “Ku fakafeʼaki mai a koe?”

E fefeʼaki lau fakaʼaoga le faigamālie lenā ke ke māsau ai ki neʼa alā na ke ʼaga o ako i le Tosi-Tapu?

MANATU TĀFITO

E fakatupu fiafia le faifakamafola, ti e leʼaise faigataʼa lona fakasoko.

Fakamanatu

Koleā e tonu ai ke fakasā le logo mālie?
E fefeʼaki lau māsau fakaʼapaʼapa o uiga mo le logo mālie?
Koleā e tonu ke ke ʼaga o fai mo kāpau e ke tuʼania i le faifakamafola?

Aso na ʼoki ai le kapite leinei:

Laku fakatuʼutuʼu

Manatu ki se tasi leia e mafai ke kau māsau ki ai o uiga mo le logo mālie. Teuteuʼi a māsau alā ka kau ʼaga o fai ti mo fefeʼaki ti mo le lakaga leia ke kau ʼaga o fakasoko ai.

Tasi fakatuʼutuʼu:

Your other goal