LISON 22
Ki manniè ou pé partajé bon nouvèl-la épi lézòt ?
Pli ou ka étidié sé vérité biblik-la, pli ou dwèt ka di kòw : « Tout moun té pou sav sa ! » Sa vré, tout moun bizwen konnèt sé vérité-tala. Men pétèt ou tibren pè palé épi lézòt di sa ou ka aprann. Annou wè koumanniè ou pé toufé lapè-tala é touvé lajwa préché bon nouvèl-la.
1. Ki manniè ou pé palé di sa ou ka aprann épi moun ou konnèt ?
Disip Jézi di : « Nou pé pa sispann palé asou sa nou wè épi tann » (Akt 4:20). Balan yo té enmen lavérité, yo té lé palé ba tout moun ! Ès ou ka risanti menm bagay-la ? Si sé wi, chèché dé ti lòkazion palé ba lafanmi’w épi zanmi’w di sa ou ka aprann, men fè’y épi rèspé (li Kolosien 4:6).
Mi yonn-dé lidé pou koumansé
-
Épi lafanmi’w, ou pé koumansé palé di an sijé biblik konsa : « Mésié ! Man aprann an bagay entérésan simenn-tala. »
-
Li an vèsé ankourajan ba an zanmi ki malad ouben entjèt.
-
Lè an kolèg travay ka mandé’w sa ou fè wikenn-tala, palé di sa ou aprann pandan létid Labib-ou ouben pandan réyinion-an.
-
Montré zanmi’w sit-la jw.org.
-
Envité dòt moun adan létid Labib-ou ouben montré yo koumanniè fè an dimann pou étidié asou jw.org.
2. Poutji préché épi lasanblé-a sé an bon òbjèktif pou ni ?
Sé pa yenki ba moun yo té konnèt sé disip Jézi-a té ka palé di bon nouvèl-la. Jézi « vréyé yo dé pa dé adan tout vil » (Lik 10:1). Davwè prédikasion-an té òwganizé, sa pèwmèt plis moun ankò tann bon nouvèl-la. Anplis, sé disip Jézi-a té kontan toubonnman préché ansanm-ansanm (Lik 10:17). Ès ou pé ni lòbjèktif préché épi lasanblé-a ?
ANNOU PLI LWEN
Annou wè koumanniè ou pé toufé èstrès-ou di palé ba moun é pran plézi fè konnèt bon nouvèl-la.
3. Jéova kèy la épi’w
Ni moun ki anvi préché, men yo pè sa moun kèy pansé ouben manniè yo kèy réyaji.
-
Lè’w ka sonjé fòk ou palé di sa ou ka aprann, ès ou ni latranblad ? Poutji ?
Gadé VIDÉWO-a épi diskité kèsion-an ka vini an.
-
Ki manniè sé jenn Témwen-an rivé préché magré yo té pè ?
Li Izayi 41:10 épi diskité kèsion-tala :
-
Si ou pè préché, ki manniè lapriyè kèy endé’w ?
Ès ou té sav sa ?
Avan yo koumansé préché, ni anlo Témwen Jéova ki té ka pansé yo pa té kéy jenmen rivé fè sa. Sé sa ki rivé Sergey. I té ni lenprésion i pa té vo ayen é sa té difisil ba’y palé épi lézòt. I ka di konsa : « Menm si man té pè, man koumansé palé ba moun man konnèt di sa mwen té ka aprann adan Labib. Man rété ababa, lè man wè sa riba mwen konfians é sa rann lafwa-mwen pli fò. »
4. Palé épi anpil rèspé
Avan ou préché, fòk ou réfléchi asou sa ou kèy di. Men sa enpòwtan tou, ou réfléchi asou manniè ou kèy palé épi rèspé. Li 2 Timoté 2:24 épi 1 Piè 3:15, épi diskité sé kèsion-tala :
-
Lè ou ka préché ba moun, ki manniè ou pé aplitjé sé vèsé-tala ?
-
Pétèt lafanmi’w ouben zanmi’w pa kay dakò épi’w. Kisa fòk ou fè ? Kisa fòk pa ou fè ?
-
Poutji sa méyè palé épi rèspé plito ki fòsé moun kwè’w ?
5. Préché ka ba tjè kontan
Jéova mandé Jézi préché bon nouvèl-la. Ki manniè Jézi té ka wè travay-tala ? Li Jan 4:34 épi diskité sé kèsion-tala :
-
Manjé bon manjé sé an bagay ki nésésè pou lavi-nou é sa ka rann nou éré. Poutji Jézi di ki fè volonté Bondié, kontèl préché, sé kon manjé ba’y ?
-
Poutji préché bon nouvèl-la pé rann nou éré ?
Mi an ti lidé
-
Pandan réyinion simenn-lan, matjé yonn-dé lidé ki kéy endé’w koumansé bokantaj-pawòl.
-
Koumansé katjilé pou wè si ou pé enskri kòw pou fè sijé pandan réyinion lasimenn-lan. Sé sijé-tala kèy endé’w ni plis lasirans pou palé épi lézòt di sa ou ka aprann.
-
Sèvi sé pati-a « Ni moun ka di » é « An moun sé pé mandé’w » pou aprann réponn kèsion ouben pawòl ki pé frennen’w.
AN MOUN SÉ PÉ MANDÉ’W : « Alò, ki nouvèl ? »
-
Koumanniè ou pé sèvi lokazion-tala pou palé di sa ou aprann pandan létid Labib-ou ?
SA’W APRANN
Palé di bon nouvèl-la ka ba tjè kontan, é sa dwèt pli fasil ki sa ou ka pansé.
An ti viré gadé
-
Poutji fòk ou palé di bon nouvèl-la ba lézòt ?
-
Koumanniè ou pé fè sa épi rèspé ?
-
Si latranblad ka pran’w lè ou ka sonjé fòk ou préché, kisa ou pé fè ?
TIBREN PLIS ANKÒ
4 manniè senp pou palé di bon nouvèl-la épi kat-la jw.org.
4 kalité ki kéy endé’w palé di bon nouvèl-la.
« Es-tu prêt à devenir un pêcheur d’hommes ? » (La Tour de Garde, sèptanm 2020)
An èkzanp biblik ki pé ba, menm sé pli jenn-lan, kouraj palé di bon nouvèl-la.
Koumanniè palé di Labib ba fanmi-ou ki pòkò konnèt Jéova ?
« Touchons le cœur de nos parents non Témoins » (La Tour de Garde, 15 maws 2014)