EKIRAJAAYA 22
¿Kasa paaʼinrajatka süpüla püküjain tü pütchi anasükat?
Süka piyaawatüitpain saaʼu tü sümakat tü Bibliakat, eesüjaʼa jülüjale paaʼin tüü: «Kasataalejeseʼe sütüjaain aaʼu wayuu tüü». Eepejeʼe jülüjale paaʼin iseerüin püchiki püküjain tü pikirajaakalü anain. Wekirajaa sünain tü paaʼinrajatkat süpüla nnojoluin mmoluin paaʼin püküjapa tü pütchi anasükat.
1. ¿Kasa paaʼinrajatka süpüla püküjain pütchi namüin na wayuu piʼraajakana?
«Nnojoliijaʼa süpüla wooʼulaainjanain suulia aashajawaa süchikü tü kasa weʼrakat otta tü waapakat süka wacheʼe» müshii na nikirajüinkana Jesús (Aluwataaushikana [Hechos] 4:20). Süka kojutuin namüin na nikirajüinkana Jesús tü natüjaakalü aaʼu, naashajawee achikit sümaa wayuu maʼleekalia. Müle paaʼin, püchajaweerü sukuwaʼipa süpüla püküjain pütchi namüin püpüshi jee namüin paʼaleewainyuu (paashajeʼera Colosas 4:6).
Tü eekat süpüla paaʼinrüin püküjeepa pütchi
-
Paashajaapa nümaa wanee püpüshi, eesü süpüla müin pünüiki: «Taküjeein pümüin wanee kasa tekirajaaka anain soʼu semaanakat tüü».
-
Ayuuire wanee paʼaleewain jee shapaale naaʼin, paashajeʼera nümüin wanee wetsiikulo atütüleʼereetka naaʼin.
-
«¿Kasa püküjayaaka tamüin?» nümüle wanee wayuu aʼyataajiraakai pümaa, püküja nümüin süchiki tü pütüjakalü sünainjee tü Bibliakat jee shiale sünainjee tü outkajawaakat.
-
Püma namüin paʼaleewainyuu nanaʼlai tü paajinakat jw.org.
-
Püküja namüin na waneinnua naapajai pümaa tü pikirajaakalü anain sünain tü Bibliakat jee püma namüin nanaʼlai suluʼu jw.org süpüla nachuntuin nekirajünüin.
2. ¿Jamüsü anaka püküjale pütchi namaa na wawalayuukana?
Na nikirajüinkana Jesús, nnojoishii aküjain neʼe pütchi namüin na wayuu neʼraajakana. «Nüjütüin naya [Jesús] nüpüleerua sünain piamawalin naya nütüma suluʼupünaa tü pueulokot süpüshua» (Lucas 10:1). Süka müin natuma sukuwaʼipa tü aküjaakat pütchi, wainma na wayuu aapaakana sümaa tü namakat. Talatüsü naaʼin na nikirajüinkana Jesús süka naküjain pütchi namaa waneinnua (Lucas 10:17). Püchajaa sukuwaʼipa süpüla püküjain pütchi namaa na wawalayuukana.
WEKIRAJAA SOOʼOMÜIN
Wekirajaa süchiki tü paaʼinrajatkat süpüla nnojoluin mmoluwaain paaʼin jee süpüla pütüjaain saaʼu anain maʼin aküjaa pütchi.
3. Eejeechi Jehová pümaa
Eeshii na wayuu aküjeekana pütchi. Jülüjapejeʼe naaʼin jameerüin sünüiki wayuu nachiki.
-
Paashaweepa sümaa wayuu süchiki tü pikirajaakalü anain, ¿mmoluwaasüche paaʼin? ¿Jamüsü mmoluwaaka paaʼin?
Jünaja tü VIDEOKOT otta yooto jia süchiki tüü:
-
¿Kasa naainjaka naya jimaʼaliikana jee naya majayünnüükana süpüla yalayalain naaʼin?
Jaashajeʼera Isaías 41:10 otta yooto jia süchiki tüü:
-
Jülüjale paaʼin iseerüin püchiki püküjain pütchi, ¿jamüsü anaka puʼuraajüle?
¿Pütüjaa aaʼu tüü?
Noʼutku na Aküjaliikana pütchi maaʼulu yaa, nnojotsü alatüin paala suluʼu naaʼin nountajatüin aküjaa pütchi. Jamüshijaʼa wanee wayuu kanüliakai Sergey, nnojoishi kasain anain apüla naashin süka manüleʼuin nia. Soʼu wanee kaʼi nuʼttaka sünain ekirajawaa sünain tü Bibliakat. Anuu nünüiki: «Mayaainjeʼe jülüjain taaʼin iseerüin tachiki taküjain pütchi, tachajaain sukuwaʼipa süpüla taküjain süchiki tü tekirajaakalü anain. Sünainjee tia, tanoutuin tü jülüjakat taaʼin tachikijiraa otta teʼitaain taaʼin sünain tü tatüjakat suluʼujee tü Bibliakat».
4. Kojuta pümüin na waneinnua
Süpülapünaa püküjain pütchi, nnojotsü jülüjainjatüin neʼe paaʼin kasain püküjeein achiki, jülüjainjatü paaʼin jamüinjatüin süküjia putuma. Jaashajeʼera 2 Timoteo 2:24 otta 1 Pedro 3:15 otta yooto jia süchiki tüü:
-
Saashin tia wetsiikulokalüirua, ¿kasa paaʼinrajatka paashajaapa süchiki tü Bibliakat sümaa wayuu?
-
¿Kasa eeka süpüla paaʼinrüin nnojorüle wanaawain saaʼin püpüshi jee paʼaleewainyuu sümaa tü pikirajaakalü anain? ¿Kasa nnojoluinjatka paaʼinrüin?
-
Wekirajapa wayuu, ¿jamüshii kamaneeinjanaka waya namüin otta nnojoluinjatka wapüleeruain naaʼin shiiʼiree nanoujain wanaa wamaa?
5. Waküjale tü pütchi anasükat, talateerü waaʼin
Aluwataanüshi Jesús nutuma Jehová süpüla nüküjain tü pütchi anasükat. ¿Jamüsü naaʼin Jesús sümaa tia aʼyatawaakat? Jaashajeʼera Juan 4:34 otta yooto jia süchiki tüü:
-
Eküinjana waya süpüla katüin woʼu otta süpüla talatüin waaʼin. Nüküjain Jesús müin aka saaʼin ekaa eküülü aaʼinraa tü keeʼireekat naaʼin Maleiwa maʼaka saaʼin aküjaa pütchi. ¿Jamüsü makaʼa nünüiki Jesús?
-
¿Kasa anasü piʼreetka sutuma püküjain tü pütchi anasükat?
Tü eekat süpüla paaʼinrüin
-
Sünain tü outkajawaakat Wakuwaʼipa otta Waʼyataain nümüin Maleiwa, jülüja paaʼin jamüin sukuwaʼipa atumawaa suʼttia aküjaa pütchi.
-
Paashajaa nümaa chi ekirajakai pia püshajiraiwa pünülia süpüla pikirajüin sünain tü outkajawaakat Wakuwaʼipa otta Waʼyataain nümüin Maleiwa. Sünainjee tia, atüjeechi pia ekirajaa wayuu.
-
Pikirajaa sünain tü pütchikat «Eeshii wayuu eekai namüin» otta «Eeshii wayuu eekai nasakirüin». Paaʼinrüle tia, pütüjeerü apüleerua asoutaa niʼipajee chi asakirakai pia otta chi nnojoikai aapajeein tü pütchikat.
EESHII WAYUU EEKAI NASAKIRÜIN: «¿Kasa eeyaaka? ¿Kasa paapayaaka achiki?».
-
¿Kasa paaʼinrajatka süpüla püküjain namüin tü pütüjakat suluʼujee tü Bibliakat?
WATÜJAAITPAKA AAʼU
Talatüsü waaʼin waküjale tü pütchi anasükat otta nnojotsü kapüleein aküjaa shia.
Pusouta shiʼipajee
-
¿Kasa atütüleʼereetka paaʼin süpüla püküjain tü pütchi anasükat?
-
¿Kasa paaʼinrajatka süpüla püküjain pütchi sümaa kojutuin pümüin wayuu?
-
¿Kasa paaʼinrajatka süpüla nnojoluin mmoluin paaʼin püküjapa pütchi?
PÜNAʼLA SOOʼOMÜIN
Pünaja süchiki pienchisü sukuwaʼipa süpüla püküjain pütchi süka tü tarüjeeta süpülajatkat jw.org.
Wanüikinjatka sünain aküjaa pütchi süka tü tarüjeeta süpülajatkat jw.org (1:43)
Paashajeʼera süchiki tü paaʼinrajatkat süpüla keeʼireein paaʼin aküjaa pütchi.
«¿Kettaashiche pia süpüla akotchojoo wayuu?» (Aapiria Wayuu, settienpüroʼu 2020)
Pünaja süchiki wanee jintut yalayalaka aaʼin sünain aküjaa pütchi. Eesü süpüla müin wakuwaʼipa jaʼitainna tepichin waya.
Paashajeʼera süchiki tü anakat süpüla paaʼinrüin paashajaapa süchiki tü Bibliakat namaa na püpüshi manoujainkana.
«Waaʼinrajatka süpüla nanoujainjanain na wapüshi manoujainkana» (Aapiria Wayuu, maayoʼu 2014)
Eesüjaʼa kamalainjeerüle pümüin aashajeʼeraa tüü
SÜSAKIRAWAIKA ANAIN WAYUU
¿Jamüsü sukuwaʼipa shikirajia wayuu sünain tü Bibliakat natuma na Aküjaliikana pütchi?
Pikirajaale sünain tü Bibliakat namaa na aküjaliikana pütchi nüchiki Jehová, eesü süpüla pikirajaain süka tü Biblia eekat pümaʼana otta puunejaain püpüshi jee paʼaleewainyuu.
