KUKWE JA TÖTIKARA 22
Mä raba kukwe kwin driere
Kukwe metre Bibliabätä kite nemen gare mäi yebätä mä raba nütüre: “¡Ne rabadre gare nitre jökrä ie!”. Jän, kukwe ye rabadre gare ni jökrä ie. Akwa, kukwebätä mätä ja tötike ye mikakäre gare ni madai kä jürä raba nemen mäbätä. Mä raba dre nuainne ñan kä jürä ngwankäre jabätä kukwe Bibliabätä mikakäre gare ni madai aune nuainne kä jutobiti ye ani mike gare jai.
1. Kukwebätä mätä ja tötike, ¿ye mä raba mike gare ño ni gare mäi yei?
Nitre ja tötikaka Jesukwe käkwe niebare: “Kukwe nakaninkä ño ño Jesubtä nunkwe tuaba [...], ye abko nunkwe kädriedi janknu” (Hechos 4:20). Kukwe metre nämäne ütiäte kräketre yebätä tö namani mikai gare ni jökrä ie, ¿ja ruin niaratre erere mäi? Ye erere ngwane, mä mräkä o ja ketamuko mäkwe yebe mäkwe blita töi bökänbiti kukwe nemen gare mäi yebätä (mäkwe ñäkä Colosenses 4:6 yebätä).
Mä raba ne nuainne
-
Mätä blite mä mräkä ben ngwane, mä raba kukwe ne niere ie blitakäre Bibliabätä ben: “Bämän nebätä kukwe kwin krubäte rababa gare tie”.
-
Ja ketamuko mäkwe tä bren o töbikakwe tä kisete ngwane, texto Bibliabätä raba dimike yebätä mäkwe blita ben.
-
Bämän krüte nebätä mä janama ño nie sribi känti mäi ngwane, mäkwe ja tötikani Bibliabätä o gätäte kukwe namani gare mäi ye mäkwe kädrie ni yebe.
-
Sitio internet jw.org ye mäkwe drie ja ketamuko mäkwe ie.
-
Mä tötikata Bibliabätä ye näire mä ni mada nübai ja mukore o raba ja tötika kärere ño jw.org yete ye mäkwe drie ie.
2. ¿Mäkwe ja töi mikadre kukwe driere konkrekasion ben ye ñobätä ütiäte?
Nitre ja tötikaka Jesukwe ñan ja töi mikani kukwe driere nitre gare ietre ye aibe ie. Jesukwe niaratre “juani nibu nibu” jabe kukwe driere jutate (Lucas 10:1). Kukwe ükaninte kukwe driekäre ye köböire kukwe kwin Ngöbökwe ye namani gare nitre kwati ie. Aune nitre ja tötikaka Jesukwe kukwe driebare jabe ye käkwe kä mikani juto bätätre (Lucas 10:17). ¿Mä ja töi mikadre kukwe driere konkrekasion ben ye raba tuin ño mäi?
JA TÖTIKE BÄRI NGUSETA
Dre raba mä dimike ñan kä jürä ngwen jabätä kukwe kwin driekäre aune nuainne kä jutobiti ye ani mike gare jai.
3. Jehová täi mäbe
Nitre ruäre tö kukwe driei, akwa ja ngwain ño bentre aune dre niei bätätre yebätä tä nemen töbike.
-
Kukweta nemen gare mäi yebätä mäkwe blitadre ni madabe yebätä mätä töbike ngwane, ¿kä jüräta nemen mäbätä o ñakare? ¿Ñobätä?
VIDEO mikadre ñärärä, biti kukwe ne kädriere jabe:
-
¿Dre käkwe monsotre dimikani ñan kä jürä ngwen jabätä?
Ñäkädre Isaías 41:10 yebätä aune kukwe ne kädriedre jabe:
-
Kä jürä mäbätä kukwe driekäre ngwane, ¿ñobätä mäkwe oradre?
¿Ne gare mäi?
Nitre testiko kwati nengwane nämäne nütüre: “Ti ñaka rabai kukwe driere jire”. Ñodre, ni iti kädekata Sergey ie ja nämäne nemen ruin ngwarbe aune blitadre ni madabe ye ñaka nämäne nemen nuäre kräke. Akwa batibe niara jatani ja tötike Bibliabätä, niara tä niere: “Kä jürä nämä tibätä yebiti ta tikwe ja töi mikaba blite ni madabe kukwe nämä nemen gare tie yebätä. Ye köböire, ti ñan rababara töbike käme jabätä aune kukwe metre Bibliabätä ye rababa bäri ti brukwäte”.
4. Mäkwe ni mada mika ütiäte jai
Mä jämi blite ni iti ben ye känenkri mäkwe dre niei ye ñan aibebätä mäkwe töbikadre, ñakare aune mäkwe niedi ño yebätä mäkwe töbika arato. Ñäkädre 2 Timoteo 2:24 aune 1 Pedro 3:15 yebätä aune kukwe ne kädriedre jabe:
-
Mätä blite Bibliabätä ni madabe ngwane, ¿kukwe nieta texto nebätä ne mä raba mike ño täte?
-
Kukwe nuainta mäkwe ye ñan rabadre debe ja ketamuko mäkwe o mä mräkä kräke ngwane, ¿mä raba dre nuainne? ¿Aune mäkwe ñaka dre nuaindre?
-
Munkwe ne nuain mäkwe niedre ietre näre, ¿ñobätä bäri kwin blitadre töi bökänbiti bentre?
5. Blitadre kukwe kwinbätä ye tä kä mike juto nibätä
Jesukwe kukwe kwin driedre ye Jehovakwe nuain manabare ie. ¿Sribi ye mikani tuin ño kwe jai? Ñäkädre Juan 4:34 yebätä aune kukwe ne kädriedre jabe:
-
Mrö kwin kwetata ye köböire nita nire aune käta juto nibätä. Ngöbö töi mikadre nemen bare aune kukwe kwin driedre, ¿ye ñobätä Jesukwe bämikani mrö kwin kwetata ye kwrere?
-
Mäkwe kukwe kwin driedre ngwane, ¿kä raba nemen juto mäbätä raba ruin mäi?
Mä raba ne nuainne
-
Ño blita kömikadre bämikata gätä bämän ngrabare te ye mäkwe mika ñärärä.
-
Mäkwe dre nuaindre ne kwe mäkwe kukwe kädriedre siba gätä nuainta bämän ngrabare yete ye mäkwe ngwantari dirikä mäkwe ie. Kukwe biandi mäi kädriekäre gätäte ye käkwe mä dimikai bäri ja kite kwin blitakäre ni madabe kukweta nemen gare mäi yebätä.
-
Sección “Nitre ruäre tä kukwe ne ngwentari” aune “Nitre ruäre tä kukwe ne niere” tä tärä nebätä yebiti mä raba ja kite, mä kukwe ötadre kukwe driekänti o kukwe ngwandretari mäi ye kräke.
NITRE RUÄRE TÄ KUKWE NE NGWENTARI: “¿Mä tua ño? ¿Dre kukwei mäkwe?”.
-
Ye erere ngwane kukwe nemen gare Bibliabätä mäi, ¿ye mä raba mike gare ño?
DRE NIBI GARE MÄI
Blitadre kukwe kwinbätä ye tä kä mike juto nibätä aune blita kömikadre ribi ruin mäi, akwa ye bäri nuäre nuainkäre.
Ngwankäreta törö
-
¿Dre raba mä töi mike kukwe kwin ye driere?
-
Mätä dirire ngwane mätä ni mada mike ütiäte jai, ¿ye mä raba bämike ño?
-
¿Dre raba ni dimike ñan kä jürä ngwen jabätä?
KUKWE MIKE GARE BÄRI JAI
Kukwe ketabäkä nuain raba dirikäre tarjeta de contacto jw.org yebiti ye tuin.
Kukwe ketabokä raba mä dimike kukwe kwin driekäre ye mike gare jai.
“¿Mätä juto biare nitre kakäre kukwe ja üairebiti?” (Ni Mikaka Mokre, septiembre 2020)
Ni tä bati akwa kukwe Bibliabätä raba ni dimike kukwe driere ye mike gare jai.
Mä mräkä ie Jehová jämi nemen gare ye ie mä raba kukwe Bibliabätä mike gare ño ye mike gare jai.
“Kukwe mikadre nemen ño ni mräkätre ñaka kukwebätä brukwäte” (Ni Mikaka Mokre, 15 marzo 2014)
Ne rabai tuen kwin mäi arato
KUKWE NGWANTARITA BÄRI
¿Ja tötika Bibliabätä drieta ni testiko Jehovakwe ye abokän ño?
Ni testiko Jehovakwe tä ni tötike ye ütiä kärä ñaka aune mä raba ja tötike Biblia jeñe mäkwe yebiti. Ne madakäre mä raba mä mräkä jökrä o ja ketamuko ye nübaire jabe ja tötike.
