UWUHRẸ AVỌ 22
Ẹvẹ Whọ Sae rọ Ta Usi Uwoma Na?
Nọ who bi wuhrẹ Ebaibol na, o sae jọ owhẹ oma nọ, ‘U fo nọ ohwo kpobi ọ rẹ riẹ kpahe onana!’ U gine fo ere. Rekọ o sae jọnọ ozọ nọ whọ rẹ rọ ta oware nọ who wuhrẹ kẹ amọfa u bi mu owhẹ. Joma ta kpahe epanọ ozọ u gbe ro mu owhẹ hẹ, whọ vẹ sae rọ evawere ta usi uwoma nọ o rrọ Ebaibol na kẹ amọfa.
1. Ẹvẹ whọ sae rọ vuẹ ahwo nọ whọ riẹ eware nọ who wuhrẹ no?
Ilele Jesu a ta nọ: “Ma rẹ sae siọ ẹme ba ẹta kpahe eware nọ ma ruẹ je yo ho.” (Iruẹru Ikọ 4:20) Fikinọ uzẹme na o were rai gaga, a gwọlọ nọ a rẹ vuẹ ahwo kpobi kpahe iẹe. Kọ ere o rrọ kẹ owhẹ re? O tẹ rrọ ere, gwọlọ uvẹ nọ whọ sae rọ ta oware nọ who wuhrẹ no kẹ ahwo uviuwou ra gbe egbẹnyusu ra avọ adhẹẹ.—Se Ahwo Kọlọsi 4:6.
Idhere jọ nọ who re ro muhọ
-
Nọ who te bi lele imoni ra ta ẹme, whọ sae rọ enẹ mu ẹme Ebaibol jọ họ: “Me wuhrẹ emamọ oware jọ oka nana.”
-
Se oria Ebaibol jọ nọ o rẹ tuduhọ ohwo awọ kẹ ogbẹnyusu ra nọ ọ be mọ hayo be ruawa.
-
Nọ ohwo iruo ra ọ tẹ nọ owhẹ kpahe epanọ eware e rrọ, whọ sae vuẹe oware nọ who wuhrẹ evaọ uwuhrẹ Ebaibol ra hayo evaọ obọ iwuhrẹ ukoko.
-
Dhesẹ oria evuẹ jw.org na kẹ egbẹnyusu ra.
-
Zizie amọfa re a kuomagbe owhẹ okenọ a bi wuhrẹ owhẹ hayo dhesẹ kẹ ae epanọ a rẹ rọ jọ jw.org yare nọ a gwọlọ wuhrẹ Ebaibol na.
2. Fikieme u ro woma re ohwo o kuomagbe ukoko na ta usi uwoma?
Orọnikọ ahwo nọ ilele Jesu a riẹ ọvo a jẹ ta usi uwoma na kẹ hẹ. Jesu o “vi [rai] imimava karo kpohọ okpẹwho . . . kpobi” nyae ta usi uwoma. (Luk 10:1) Imimava nọ o vi rai nyae ta usi uwoma na u ru nọ amọfa buobu a ro wo uvẹ yo usi uwoma na. Onana o tẹ jẹ wha oghọghọ se ilele na gaga. (Luk 10:17) Kọ whọ gbẹ daoma re whọ hai kuomagbe ukoko na ta usi uwoma?
GBE WUHRẸ EWARE EFA
Wuhrẹ kpahe epanọ ozọ o sai ro no owhẹ ẹro, who ve wo oghọghọ nọ u re no usi uwoma ota ze.
3. Jihova ọ te jọ kugbe owhẹ
Ozọ ẹme nọ a te ta hayo epanọ ahwo a ti rri rai u re mu ahwo jọ nọ a tẹ gwọlọ ta usi uwoma.
-
Kọ ozọ u bi mu owhẹ re whọ ta eware nọ who wuhrẹ no kẹ amọfa? Fikieme whọ rọ ta nọ Ee hayo ijo?
Kporo IVIDIO na, kẹsena wha vẹ ta ẹme kpahe onọ nọ ọ rrọ obotọ na.
-
Eme izoge Isẹri Jihova nana a ru re ozọ o se ai ba emu?
Se Aizaya 41:10, kẹsena wha vẹ ta ẹme kpahe onọ nana:
-
Nọ ozọ nọ whọ rẹ rọ ta usi uwoma u te bi mu owhẹ, ẹvẹ olẹ u re ro fiobọhọ kẹ owhẹ?
Kọ whọ riẹ?
Ahwo buobu nọ a rrọ Isẹri Jihova nẹnẹ na a je roro oke jọ nọ a te sae ta usi uwoma vievie he. Wọhọ oriruo, ọzae jọ nọ a re se Sergey o je rri omariẹ nọ o te he yọ ọ jẹ hae sai lele ahwo ta ẹme he. Rekọ o te ti mu Ebaibol họ ewuhrẹ. Ọ ta uwhremu na nọ: “Dede nọ ozọ u je mu omẹ, me mu amọfa họ ẹvuẹ kpahe eware nọ me je wuhrẹ. U gbe omẹ unu gaga nọ mẹ ruẹ nọ onana u ru nọ me ro wo udu, je ru nọ eware nọ me bi wuhrẹ na i ro mu omẹ ẹro ziezi.”
4. Wo adhẹẹ
Taure whọ tẹ te ta usi uwoma na, roro kpahe oghẹrẹ nọ whọ te rọ tae orọnikọ ẹme nọ whọ te ta ọvo ho. Se 2 Timoti 2:24 gbe 1 Pita 3:15, kẹsena wha vẹ ta ẹme kpahe enọ nana:
-
Nọ whọ tẹ be ta ẹme kẹ amọfa kpahe Ebaibol na, ẹvẹ whọ sai ro ru eware nọ eria Ebaibol nana e ta na?
-
Ẹsejọhọ ahwo uviuwou gbe egbẹnyusu ra jọ a te rọwo eme ra na ha. Eme whọ rẹ sai ru? Eme u fo nọ who re ru hu?
-
Ukpenọ whọ rẹ ta ẹme nọ u re dhesẹ nọ whọ be gba ohwo họ rọwo oware, fikieme o mai ro woma re whọ rọ areghẹ nọe enọ?
5. Usi uwoma ota o rẹ wha oghọghọ ze
Jihova ọ kẹ Jesu iruo inọ ọ vuẹ ahwo usi uwoma na. Ẹvẹ Jesu o rri iruo na? Se Jọn 4:34, kẹsena wha vẹ ta ẹme kpahe enọ nana:
-
Emamọ emu nọ ma rẹ re u re ru omai jọ uzuazọ je ru eva were omai. Fikieme Jesu ọ rọ ta nọ oreva Ọghẹnẹ nọ ma re ru, te usi uwoma ota, o wọhọ emu nọ ma rẹ re?
-
Kọ who roro nọ ohwo o re wo oghọghọ nọ ọ tẹ be ta usi uwoma na? Fikieme whọ rọ ta ere?
Eware jọ nọ i re fiobọhọ
-
Jọ ewuhrẹ udevie oka na wuhrẹ epanọ whọ sai ro mu ẹme họ kugbe ahwo.
-
Ta kẹ owuhrẹ ra inọ whọ gwọlọ ru ẹme evaọ ewuhrẹ udevie oka na. Onana u ti ru owhẹ wuhrẹ epanọ whọ rẹ rọ ta oware nọ who bi wuhrẹ kẹ amọfa.
-
Rehọ eria “Ahwo Jọ A rẹ Ta Nọ” hayo “Ohwo Jọ Ọ tẹ Nọ Owhẹ Nọ” nọ e rrọ obe nana wuhrẹ epanọ whọ sae rọ kẹ uyo enọ nọ ahwo a rẹ nọ gaga hayo fikinọ a gwọlọ gaviezọ họ.
OHWO JỌ Ọ TẸ NỌ OWHẸ NỌ: “Ma ruẹro kri no, ẹvẹ eware e rrọ?”
-
Ẹvẹ whọ sae rọ rehọ uvẹ yena ta oware nọ who wuhrẹ evaọ Ebaibol na kẹ ohwo na?
EME WHO WUHRẸ NO?
Usi uwoma nọ ma rẹ ta kẹ amọfa, o rẹ wha oghọghọ se omai. Yọ o rọ lọlọhọ re who mu usi uwoma họ ẹta.
Ọkiẹkpemu
-
Fikieme ma rẹ rọ ta usi uwoma kẹ amọfa?
-
Ẹvẹ whọ sai ro dhesẹ nọ who wo adhẹẹ kẹ ahwo nọ whọ be ta usi uwoma kẹ?
-
Eme who re ru re ozọ usi uwoma ota o siọ owhẹ ba emu?
KIẸ KPAHE EFA
Wuhrẹ kpahe idhere ene jọ nọ whọ sae rọ rehọ ekade jw.org na kẹ ahwo.
Wuhrẹ kpahe iruemu ene nọ e rẹ sai fiobọhọ kẹ owhẹ ta usi uwoma na ziezi.
Rri ividio jọ nọ a jọ dhesẹ oriruo ohwo oke Ebaibol jọ nọ o sae kẹ owhẹ udu ta usi uwoma na, o tẹ make rọnọ whẹ gbẹ rrọ ọmaha.
Se kpahe epanọ whọ sae rọ rehọ Ebaibol na lele imoni ra nọ i ri wuhrẹ kpahe Jihova ha ta ẹme.
“Epanọ Ma Sai ro Duobọte Udu Imoni Mai nọ E Rrọ Ukoko Ho” (Uwou-Eroro Na, Asa 15, 2014)
Enana E Sae jẹ Were Owhẹ
ENỌ NỌ AHWO A RẸ NỌ KẸSE KẸSE
Oghẹrẹ Vẹ Isẹri Jihova A re ro Wuhrẹ Ebaibol Kugbe Ahwo?
Isẹri Jihova a gwọlọ nọ a re wuhrẹ Ebaibol na kugbe owhẹ ọvọvẹ. Yọ nọ a te bi wuhrẹ kugbe owhẹ, whẹ sai se oghẹrẹ Ebaibol kpobi. Whọ sai zizie uviuwou ra soso hayo egbẹnyusu ra re a kuomagbe owhẹ.
