LYNNONG 22
Kumno Phi Lah ban Ïathuh ha Kiwei Shaphang ka Khubor Babha?
Ha ka por ba phi dang pule ïa ki jingshisha jong ka Baibl, phi lah ban pyrkhat, ‘Baroh ki dei ban tip ïa kane!’ Ka dei shisha, baroh ki donkam ban tip ïa kane! Hynrei, phi lah ban sngewtieng ban ïathuh ha kiwei ïa kaei kaba phi la ïoh jinghikai. To ngin ïa peit, kumno phi lah ban jop ïa kane ka jingtieng bad ban sdang ïasam lem bad kiwei ïa ka khubor babha jong ka Baibl.
1. Kumno phi lah ban ïasam ïa kaei ba phi la ïoh jinghikai bad ki briew kiba phi ithuh?
Ki synran u Jisu ki la ong: “Ngi ngim lah ban ym kren ïa kiei kiei ruh, ïa kiba ngi la ïohi bad ngi la ïohsngew.” (Kam 4:20) Ki ñiewkor bha ïa ki jinghikai jong u Jisu kaba la pynlong ïa ki ban ïasam katba lah ha ki briew baroh. Hato phi sngew kumjuh? Lada ka dei kumta, wad ïa ki lad ba biang kumno phin ïasam ïa kaei kaba phi la tip ha la ki bahaïing bad ki paralok.—Pule Kolossai 4:6.
Katto katne ki rukom ban sdang ïalap
-
Haba kren bad ki bahaïing, phi Iah ban ong: “Mynta ka taïew nga la ïoh kawei ka jinghikai kaba sngewtynnad bha.”
-
Pyni kawei ka dkhot Baibl kaban pyntngen ïa i paralok iba pang ne khuslai.
-
Ïathuh ïa ki para ba ïatreilang kiba kylli shaphang jong phi ïa kaei kaba phi ïoh jinghikai na ka jingïapule Baibl ne na ki jingïalang.
-
Pyni ïa ki paralok jong phi ïa ka jw.org website.
-
Khot lang ïa kiwei ban ïashong lang bad phi ha ka jingïapule Baibl, ne pyni ïa ki kumno ban pyndonkam ïa ka jw.org website ban ïa pule Baibl.
2. Balei ka myntoi ban leit ïalap lang bad ka balang?
Ki synran jong u Jisu ki ïalap ïa ka khubor babha ym tang ha ki briew kiba ki ithuh. U Jisu “u la phah ar ar ngut ban leit ha shuwa jong u, sha ki shnong baroh” ban ïalap. (Loukas 10:1) Kane ka kam ïalap ba la pynïaid ryntih ka ailad ïa bun ngut ki briew ban ïohsngew ïa ka khubor babha. Ka jingleit ïalap lang ka pynkmen bha ïa ki synran u Jisu. (Loukas 10:17) Hato phi ruh phi lah ban buh ka thong ban leit ïalap lang bad ka balang?
WAD SHUH SHUH
Peit kumno phi lah ban jop ïa ka jingtieng bad ban mad ïa ka jingkmen kaba wan haba phi ïalap ïa ka khubor babha.
3. U Jehobah un don bad phi
Don katto katne kiba kwah ban ïalap, hynrei ki lah ban sngewtieng la ki briew kin pdiang ne em ïa kaei kaba ki ïalap.
-
Hato phi sngewtieng ban ïasam ïa kaei ba phi la ïoh jinghikai? Hooid, ne em?
Peit ïa ka VIDEO, bad nangta sa ïa peit lang ïa kane ka jingkylli harum:
-
Kumno kine ki khynnah samla ki la jop ïa ka jingsngewtieng?
Pule Isaïah 41:10, bad nangta sa ïa peit lang ïa kane ka jingkylli harum:
-
Haba phi sngewtieng ban ïalap, balei phi dei ban duwai?
Hato phi tip?
Bun na ki Nongsakhi U Jehobah ki la ju pyrkhat ba kin ym lah ban leit ïalap. Kum ka nuksa, i Sergey i sngew ba in ym lah ban ïakren bad kiwei. Hynrei hadien ba i la pule ïa ka Baibl, i la ong: “Watla nga sngewtieng, nga sdang ban ïathuh ïa kiwei shaphang kaei kaba nga la ïoh jinghikai. Nga la lyngngoh bha, ba da kaba ïathuh ïa kiwei shaphang ka Baibl, ka la pynlong ïa nga ba ngan nang kham shlur bad ka la pynskhem ruh ïa kine ki jingngeit bathymmai ha ka dohnud jong nga.”
4. Long kiba don burom
Haba ïalap ïa ka khubor babha, ngi donkam ban pyrkhat ym tang ïa kaei kaba ngi ong hynrei kumno ba ngin ong. Pule 2 Timothi 2:24 bad 1 Petros 3:15, bad nangta sa ïa peit lang ïa kine ki jingkylli harum:
-
Kumno phin pyndonkam ïa kine ki dkhot Baibl haba phi ïakren bad kiwei shaphang ka Baibl?
-
Kin don ki bahaïing ne ki paralok kiban ym mynjur bad phi. Kaei kaba phi dei ban leh? Kaei kaba phim dei ban leh?
-
Balei kan kham bha ban pyndonkam da ki jingkylli ban ïa kaba pynbor ïa kaei kaba ki dei ban leh?
5. Ka jingïalap ïa ka khubor babha ka wanrah jingkmen
U Jehobah u la ai ha u Jisu ïa ka kam ban ïalap ïa ka khubor babha. Kumno u Jisu u la sngew ïa kata ka kam? Pule Ïoannis 4:34, bad nangta sa ïa peit lang ïa kine ki jingkylli harum:
-
Ki jingbam kiba tei ki pynkhlaiñ ïa ka met jong ngi bad ka pynkmen ruh ïa ngi. Balei u Jisu u ïanujor ïa ka jingleh ïa ka mon U Blei— kaba kynthup ïa ka jingïalap ïa ka khubor babha—kum kaba bam jingbam?
-
Kiei ki jingmyntoi kiba phi lah ban ïoh haba ïalap ïa ka khubor babha?
Ki Jingai Jingmut
-
Ha ki jingïalang sngi pohïa, wad ïa ki lad ki rukom ba kumno phi lah ban sdang ban ïakren bad kiwei.
-
Kren bad i nonghikai Baibl jong phi ba kumno phi lah ban shim bynta ha ka skul ba pynlong ha ka jingïalang sngi pohïa. Kane kan ïarap ïa phi ban kren bad kiwei ïa kaei kaba phi la ïoh jinghikai.
-
Pyndonkam ïa ka bynta “Don kiba ong” ne “Don kiba lah ban kylli” na kane ka kot ban pyrshang kumno phi lah ban jubab ïa ki jingkylli bad ki jingwohnia.
DON KIBA LAH BAN KYLLI: “Kumno phi long mynta?”
-
Kumno phin pyndonkam ïa kane ka lad ban ïathuh ïa kiwei shaphang kaei ba phi la ïoh jinghikai na ka jingpule Baibl jong phi?
KI MAT BAKONGSAN
Ban ïalap ïa ka khubor babha ïa kiwei ka wanrah jingkmen, bad kam long kaba eh kumba phi pyrkhat.
Peit Biang
-
Balei dei ban ïasam ïa ka khubor babha bad kiwei?
-
Kumno phi lah ban leh ïa kane da kaba burom ïa kiwei?
-
Kumno phi lah ban jop ïa kino kino ki jingtieng haba phi ïalap ïa ka khubor babha?
PULE SHUH SHUH
Peit saw tylli ki rukom kiba phi lah ban ïasam ïa ka khubor babha da kaba pyndonkam ïa ka jw.org contact card.
Ka Nuksa Kumno ban Pyndonkam ïa ka JW.ORG Contact Card (Phareng) (1:43)
Pule shaphang saw tylli ki jinglong kiba lah ban ïarap ïa phi ban ïasam ïa ka khubor babha.
“Hato Nga la long ba la Pynkhreh ban long ki Nongtong Briew?” (Ka Kutphira, Nailur 2020, Phareng)
Peit kumno ka nuksa jong ka Baibl ka lah ban ai jingshlur ïa ngi ban ïasam ïa ka khubor babha, watla ngi dang khynnah ruh.
U Jehobah Un Ïarap ïa Phi ban Long kiba Bashlur (Phareng) (11:59)
Peit kumno phi lah ban ïakren shaphang ka Baibl bad la ki bahaïing kibym tip shaphang U Jehobah.
