MWE LUTLUT 22

Kom Ac Fahkwack Fuhkah Pweng Wo Uh?

PLAY

Ke kom lotwelah ma pwacye in Bible, sahp kom nuhnkuh, ‘Mwet nuhkewa enenuh in etuh ma inge!’ Ahok, pwacye sum! Tuhsruhktuh, sahp kom tuhfal in fahk nuh sin mwet sahyac ke ma kom lotwelah inge. Lwelah kuht in ahkuhtweyac lah kom kuh in ahkwacngihnyelah fuhkah sahngweng kuh tuhfal inge ac engan in muhtwacwacack fahkwack pweng wo in Bible.

1. Kom ac fahk fuhkah ma kom lotwelah uh nuh sin mwet kom etuh?

Mwet tuhma lutlut lal Jesus elos fahk: “Kuht tiac kuh in tiac fahk ma kuht sifacna liye ac lohng uh.” (Orekma 4:20) Nuh selos ma pwacye uh arlac yohk srihpac pwacnacng elos luhngse in fahkwack ma inge nuh sin mwet nuhkewa. Yac kom puhla pac ohinge? Fin ahok, suk pacl wowo tuh kom in kuh in sruhmuhn nuh sin mwet in sucu lom, ac mwet kawuck lom ma kom lotwelah uh.—Riti Colossae 4:6.

Ma kom kuh in oruh

Ke kom sramsram nuh sin sucu lom, kom kuh in fahk sie mwe lutlut in Bible ohinge: “Nga luhngse ma nga lotwelah ke wik se inge.”
Kom kuh in ahkkahlwemye sie fuhs nuh sin mwet kawuck lom suc mas kuh fosrngah.
Ke mwet suc wi kom orekma elos siyuck lah kom fuhkah, sruhmuhn nuh selos ma kom lotwelah ke lutlut lom ke Bible kuh ke miting luhn congregation uh.
Ahkkahlwemye website se inge jw.org nuh sin kawuck lom.
Suli mwet sahyac in wi ke lutlut Bible lom, kuh ahkkahlwemye nuh selos lah elos ac ngihsre sie lutlut ke jw.org fuhkah.

2. Efuh in wi congregation in fahkwack pweng wo uh sie finsrak na yohk srihpac?

Mwet tuhma lutlut lal Jesus fahkwack nuh sin mwet suc elos etuh ac nuh sin mwet sahyac pac. Jesus el “suhpwacloselihk kais luo in fahsr meet luhkwel nuh in acn nuhkewa” in fahkwack pweng wo. (Luke 10:1) Ke srihpen tahkihnyucklac wo orekma in fahkwack ingacn, puhs mwet suc lohng ke pweng wo uh. Ac ke elos tuhkweni fahkwack pweng wo, mwet tuhma lutlut elos enganwack na pwacye. (Luke 10:17) Yac kom kuh in oraclah in finsrak na wo se lom pa in wi congregation ke orekma in fahkwack?

AHKYOHKYE LUTLUT LOM

Lotwelah lah kom ac ahkwacngihnyelah fuhkah sahngweng lom in fahkwack pweng wo uh ac in engan in oruh orekma se inge.

3. Jeova el ac fah wi kom

Kuhtuh elos tuhfal ke ma mwet uh ac fah fahk kuh ke lihkihn puhsraclos nuh selos.

Yac kom tuhfal in fahk nuh sin mwet sahyac ma kom lotwelah? Efuh?

Liye VIDEO se, ac tohkohyang sramsramkihn kihsen siyuck se inge.

VIDEO: I Prayed to Jehovah for Courage (4:05)

Mwet Loh fuhsr inge ahkwacngihnyelah sahngweng lalos fuhkah?

Riti Isaiah 41:10, ac tohkohyang sramsramkihn kihsen siyuck se inge:

Ke pacl kom sahngweng in fahkwack, puhruhe uh ac kahsre kom fuhkah?

Yac kom etuh?

Puhs sin Mwet Loh luhn Jeova in pacl somlah nuhnkuh muh elos tiac kuh in oruh orekma in fahkwack pweng wo. Liye mwe srihkasrak lal Sergey. El tiac luhlahlfongi ke kuh lal sifacna ac upac nuh sel in sramsram nuh sin mwet sahyac uh. Tuhsruhktuh ke pacl se el lutlut Bible, el fahk: “Finne nga tuhfal, nga kwacfeacng in fahkwack nuh sin mwet sahyac ke ma nga lotwelah. Nga arlac lut, mweyen ke nga fahkwack nuh sin mwet sahyac ke ma nga lotwelah, nga tilac arlac sahngweng. Ac ke nga fahkwack ke ma nga lotwelah ma inge ahkkweye luhlahlfongi luhk.”

4. Ahkkahlwemye suhnak

Ke kom fahkwack pweng wo nuh sin mwet sahyac, kom ac tiac nuhnkuh muhkwena lah meac kom ac fahk, a nuhnkuh pac lah kom ac fahk fuhkah. Riti 2 Timothy 2:24 ac 1 Peter 3:15, ac tohkohyang sramsramkihn kihsen siyuck inge:

Kom ac orekmakihn fuhkah fuhs inge ke kom sramsram nuh sin mwet sahyac ke Bible?
Sahp mwet in sucu kuh kawuck lom tiac pwacr in lohng kac. Meac kom kuh in oruh? Meac kom ac tiac oruh?
Efuh kuh wo kom in orekmakihn kihsen siyuck wo, liki na pahtkolos in lohng ma kom fahk an?

5. Kom ac fah insewowo ke kom fahkwack pweng wo

Jeova el sang nuh sel Jesus kunohkohn in sulkackihn pweng wo. Meac nuhnak lal Jesus ke kunohkohn se inge? Riti John 4:34, ac tohkohyang sramsramkihn kihsen siyuck inge:

Mongo uh kahsre kuht in tahfwelah in moul ac in insewowo. Efuh kuh Jesus el luhmahlah mongo nuhke orekma in oruh ma luhngse luhn God, wekuhnacng orekma in sulkackihn pweng wo?
Ke nuhnak lom, mwe insewowo fuhkah kom ac fah eis ke kom fahkwack pweng wo?

Kahs in Kahsruh

Ke pacl in miting ke infulwen wik, lohacng nuhke inkacnek wo in sramtwacack mwe sramsram ac lah meac kom ac lotwelah kac.
Sramsram nuh sin mwet luti se lom an lah kom kuh in eklac fuhkah oacna sie student ke miting ke infulwen wik uh. Ke pacl ma kom oruh kunohkohn lom, ac kuh in kahsre kom ahkolah in fahkwack ma kom lotwelah nuh sin mwet sahyac.
Orekmakihn section inge “Kuhtuh Mwet Uh Fahk” kuh “Fin Oasr Mwet Siyuck” ke kais sie mwe lutlut tuh kom in kuh in ahkpah in tohpohklah kihsen siyuck ma kwacna siyuckyuck.

FIN OASR MWET SIYUCK: “Kom Fuhkah?”

Kom ac orekmakihn fuhkah pacl wowo inge in fahk ma kom lotwelah ke Bible?

MA KUHT LOTWELAH

Kom ac fah insewowo yohk ke kom fahkwack pweng wo nuh sin mwet sahyac, ac pwacye lah, kom kuh in oruh ma inge.

Kalweni

Efuh kom enenuh in fahkwack pweng wo nuh sin mwet sahyac?
Kom ac ahkkahlwemye fuhkah suhnak nuh sin mwet ke kom fahkwack pweng wo nuh selos?
Meac kom kuh in oruh in ahksrihkyelah tuhfal lom in oruh orekma in fahkwack?

Mwe lutlut se inge ahksahfyeyucklac ke:

Srihke in Oruh Ma Inge

Nuhnkuh ke sie mwet suc kom kuh in fahkwack pweng wo uh. Nuhnkuh lah meac kom ac fahk, kom ac fahk fuhkah, ac piyac pacl kom ac fahk uh.

Ma sahyac:

Your other goal