TIMOKO 22
Bwe lendi samunina nsangu za mbote?
Bu takwe longoke Bibila, lendi banza ti: ‘Muntu ni muntu wufweti zaba misamu mi!’ Diangana, muntu ni muntu wufweti mia zaba! Kâ, lendi kwizi bâ na lwaka lwa zonzela mio kwe bantu. Tataluzula bwe lendi telamana lwaka lo, mpe bwe batikila bimoko mu zonzela nsangu za mbote za Bibila na nsayi.
1. Bwe lendi zonzela misamu mi wizi longoka kwe bantu ba zebi?
Milongoki mia Yezu miatâ ti: “Ka tulendi’â tabika ko mu zonzela mio mi tawiri na mi tamweni.” (Bisalu 4:20) Batomo zolo misamu mia ba longesa Yezu, ntiangu beri zoloko mu zonzela mio kwe bantu. Ngano mabanza ni mo me naku? Buna, dinga mu zonzela misamu mi longokele kwe ndiku zaku mu buzitu.—Tanga Bisi-Kolose 4:6.
Mpila za batikila
-
Bu zonzaka na kanda diaku, batika mu zonzela Bibila, bu tâ: “Misamu mia nkatika mia toma nalongokele lumingu lu.”
-
Zonzela verse yitindisaka kwe ndiku’aku ye na timbevo peleko ye mu tiari.
-
Zonzela misamu mi wizi longoka mu ndongokolo’aku ya Bibila peleko ku lukutakanu, kwe bantu ba lusalaka bata ku yula bwe yôkesele lumingu.
-
Songela ndiku zaku site ya jw.org.
-
Lomba kwe bantu bakaka bizi ku ndongokolo’aku ya Bibila, peleko ba songela bwe balendi ya lombela mu jw.org.
2. Mu bungu dia nti samuna na timvuka die kani dia mbote?
Milongoki mia Yezu ka miasamuna kwa nsangu za mbote kwe bantu babazaba ko. Yezu “wabatambika bole bole mu mimvuka miamiansoni” mu kwe samuna. (Like 10:1) Tisalu tio ti bakubika, tiasa ti bantu babaka bweso bwa wâ nsangu za mbote. Milongoki miabâ mpe na nsayi bu miasamuna. (Like 10:17) Ngano lendi bâ mpe na kani dia samuna mu tintwari na timvuka?
YIKA NDILU
Taluzula bwe lendi telamana lwaka mpe bwe mwina nsayi ya samuna nsangu za mbote.
3. Yehova mbo kabâ na nge
Bantu bakaka bazololo mu samuna balendi bâ na bunkuta bwa samuna peleko balendi bâ na lwaka mu mpila bantu yi bababongela.
-
Ngano bunkuta bubâka naku bwa zonzela misamu mi walongoka? Mu bungu dia nti?
Taleno VIDEO, mpe zonzeleno tiyuvu tita landa.
-
Bwe ntwenia zo zatelamana bunkuta bwawu?
Tangeno Izaya 41:10, mpe zonzeleno tiyuvu eti:
-
Mu bungu dia nti fweti sambilaka bu bâka na bunkuta bwa samuna
Ngano wa wazaba?
Mbangi za Yehova zazingi zeri banzaka ti ka baketi’â lenda ko mu samuna nsangu za mbote kwe bantu bakaka. Mu tifwani, Sergey mbo keri monaka ti kena salu ko mpe musamu wa mpasi weri kwe yandi mu zonza na bantu. Kâ, wayizi longoka Bibila. Têle ti: “Ntono bunkuta bwani, nayizi batika mu zonzelaka mio mi ndieri longokaka kwe bantu bakaka. Nayizi yituku mu mona ti, bu ndieri zonzelaka Bibila kwe bantu bakaka, lukwikulu mu me beni ngolo lweri yikamaka. Mpe timinu tiani ngolo tieri yikamaka bu ndieri zonzelaka nkwikulu zani kwe bantu bakaka.”
4. Bâ na buzitu
Bu samunaka nsangu za mbote, ku taluzulakandi kwa mio mi tâ, kâ mpe bwe têla mio. Tangeno 2 Timote 2:24 na 1 Piere 3:15, mpe zonzeleno biyuvu ebi:
-
Bwe lendi sarila verse zi bu zonzelaka Bibila na bantu?
-
Bantu bakaka ba kanda diaku peleko ndiku zaku ka bayangalala ko. Nti lendi sa? Nti fweti lembo sa?
-
Mu bungu dia nti wubâ musamu wa mbote mu sarila biyuvu na buzitu bwabwansoni, kani watêla bantu mio mi bafweti kwikila?
5. Samuna nsangu za mbote nsayi kunataka
Yehova wahana kwe Yezu tisalu tia samuna nsangu za mbote. Bwe Yezu kabongela tisalu tiango? Tangeno Za 4:34, mpe zonzeleno biyuvu ebi:
-
Mu bungu dia nti Yezu katêla ti yirika mio mi tulombaka Nzambi, ntiana samuna nsangu za mbote, kwe ntiana dia bidia bia mbote?
-
Mu nge, ngano ntia nsayi samuna nsangu za mbote kulendi tu natina?
Malongi
-
Mu ntangu ya lukutakanu lwa ha kati dia lumingu, dinga mpila zi lendi batikila bimoko.
-
Ndinga mu tsonekesa nkumbu ngatu wasaka devware. Devware zo zilendi ku bakisa mu tomo kubama mu zonzela misamu mi wizi longoka kwe bantu bakaka.
-
Sarila lweka lwa “Tala ti bakutêlele” peleko “Tala ti bakuyuriri” mu mukanda wu ngatu we kubame mu hanaka mvutu mu biyuvu na mu ntembe zi vulu bâka na bantu.
TALA TI BAKUYURIRI: “Ngano ntia nsangu?”
-
Bwe lendi sarila bweso bo mu zonzela muntu mio mi wayizi longoka mu ndongokolo’aku ya Bibila?
MU BUKUFI
Samuna nsangu za mbote kwe bantu bakaka nsayi kunataka, mpe ntiana bulendi wa banza, ka wena musamu wa mpasi ko mu batika.
Biyuvu bia mbambukulu
-
Mu bungu dia nti tuzonzelaka nsangu za mbote kwe bantu bakaka?
-
Bwe lendi bwa sila mu buzitu?
-
Bwe lendi telamana bunkuta bulendi bâ naku bwa samuna nsangu za mbote?
ZABA BIAKAKA
Taluzula mpila ziyà zilembolo mpasi za samunina nsangu za mbote bukwe sariri karte ya vizite jw.org.
Longaka bifu biyà bilendi ku bakisa mu samuna nsangu za mbote.
“Ngano wa kubama wena mu kwizi bâ tilobi tia bantu?” (Nzo ya Zangama ya Munkengi, septembre 2020)
Tala bwe tifwani timosi tia Bibila tilendi tu hana butindi bwa samuna nsangu za mbote ni bu sa ti ntwenia twena.
Dzukula bwe lendi zonzela Bibila kwe bantu ba kanda diaku beka lembo longola misamu mitariri Yehova.
Dzukula mpe...
BIYUVU BI VULU YULAKA BANTU
Ngano ndongokolo ya Bibila yi saka Mbangi za Yehova bwe yiyôkelaka?
Mu ndongokolo ya Bibila yi saka Mbangi za Yehova, lendi sarila mbangululu ni mbangululu ya Bibila. Kutinandi mu tikisa bantu ba kanda diaku peleko ndiku zaku ku ndongokolo’aku.
