WEMŪꞌE HAP 22
Aikotā̃ me asom ehenoi kuap sehay wakuat koꞌi etiat mītꞌīn me.
Ewemūꞌe Tupana Ehay etiat hap puo pyi etikuap kahato raꞌyn Tupana Ehay piat pȳwuat e hap koꞌi. Miꞌi pote erenentup hawe waku torānia ikuap miꞌi hap koꞌi etiat ere. Pȳwo waku torānia ikuap. Moꞌopuo som ehenoi terān pykai maꞌato erekenꞌẽ hawyi eremunti henoi hamo. Mesūwat wemūꞌe hap puo pyi watikuap hamo aikotā̃ me etiꞌakit kuap ekenꞌẽ enoi Tupana Ehay mītꞌīn piat hamo hap iꞌewȳte aikotā̃ me miꞌi hap koꞌi puo pyi ewepīt kuap hap.
1. Aikotā̃ me asom ehenoi kuap Tupana Ehay piat emikuap koꞌi etiat.
Iesui potmūꞌeria teꞌeroꞌe — Ȳt uruwẽpohep kuapꞌi ti raꞌyn urumūꞌe hat moherep hap ete pyi iꞌatuꞌe. (Iesui Potmūꞌeria 4:20) Taꞌatukyꞌe kahato Tupana Ehay piat pȳwuat e hap koꞌi. Miꞌi pote torānia pe taꞌatuhenoi terān. Aikotā̃ Iesui potmūꞌeria tikyꞌe kahato Tupana Ehay enoi mītꞌīn piat hap miꞌi hap ewy apo en ehenoi terān Tupana Ehay etiat wy. Miꞌitā̃ mote waku erewanentup aikotā̃ me ehenoi kuap perupꞌi popuo ewyriaꞌīn pe iꞌatumontypot hap wȳwo iꞌewȳte iraniaꞌīn piat hamo. — Etimowempāp o Korosi 4:6.
Epowȳro kuap hamo
-
Karāmpe ehay ewyriaꞌīn wȳwo turān kotā̃ ere kuap ehenoi — Mesūwat semana atikuap sehay wakuat kahato rakat etiat ere.
-
Etimowempāp kuap ewyꞌok iꞌarōt rakat pe sio iꞌahū rakat pe Tupana Ehay piat e hap.
-
Karāmpe ewȳwuat ipotpap takaria apoꞌiꞌatuꞌe epe waku aikotā̃ en iꞌatuꞌe pote ehenoi kuap ewemūꞌe Tupana Ehay etiat hap sio aiwaꞌatunug̃ hap etiat.
-
Etimoherep kuap site jw.org ewyriaꞌīn pe.
-
Eremūꞌe Tupana Ehay etiat hap eꞌyj̃an mete etiweng̃ka kuap ewyꞌok tenentup emūꞌe hap kape hamo wy sio etimoherep kuap jw.org piat eremūꞌe terān Tupana Ehay ete pote ehentup kuap uruepe e hap etiat.
2. Kat pote asom waku kahato hamo ehenoi Tupana Ehay etiat Ieuwa Ehay Enoi Haria wȳwo pote.
Iesui potmūꞌeria henoi Tupana Ehay etiat waku puo kahato. Iesui tiꞌatupoꞌoro typy ok tuereto teꞌyj̃an me yne tawa koꞌi kape. (Iruka 10:1) Miꞌi hap puo pyi mītꞌīn teꞌeruwanentup kuap poꞌog̃ Tupana Ehay kape. Iꞌewȳte Tupana Ehay enoi hamo typy ok tewoꞌi teꞌeruwat tuereto. Miꞌi hap iꞌatumowepīt kahato. (Iruka 10:17) En apo ehenoi terān Tupana Ehay etiat Ieuwa Ehay Enoi Haria wȳwo wy.
EREWANENTUP O ETIKUAP POꞌOG̃ HAMO
Etikuap hamo aikotā̃ me ehenoi kuap Tupana Ehay etiat ȳt ekenꞌẽ hap wȳwoꞌi hamo hap iꞌewȳte aikotā̃ me Tupana Ehay enoi hap puo pyi ewepīt kuap hap.
3. Ieuwa ewȳwo toig̃neꞌen hamo
Iraniaꞌīn henoi terān Tupana Ehay etiat maꞌato teꞌeruwanentup ahenoi pote aru kat iꞌatuꞌe uiwesat sio kat iꞌatuꞌe aru teꞌerenentup iꞌatuꞌe. Miꞌi pote teꞌerokenꞌẽ henoi hamo.
-
Emikuap koꞌi Tupana Ehay piat ehenoi hamo asom eremunti hawyi erekenꞌẽ. Kat pote.
Ewetehaꞌat pyno VÍDEO kape. Miꞌi hawyi eiwoꞌoꞌehay o apoꞌe hap etiat.
-
Vídeo puo pyi kan makuptiaria hawyi kurum iwasuria tunug̃ ȳt teꞌerokenꞌẽ hap wȳwoꞌi poꞌog̃ taꞌatuhenoi Tupana Ehay etiat hamo.
Eweimowempāp o Isaia 41:10. Miꞌi hawyi eiwoꞌoꞌehay o apoꞌe hap etiat.
-
Mesūwat puo pyi erekenꞌẽ hawyi eremunti pote aikotā̃ me asom epowȳro kuap hentup hap.
Etikuap taꞌyn apo.
Korā̃ wuaria iraniaꞌīn Ieuwa Ehay Enoi Haria teꞌeremunti hawyi teꞌerokenꞌẽ miꞌi pote karāmpe hamoꞌi sio ahenoi Tupana Ehay etiat iꞌatuꞌe. Kotā̃ e hap. Aiwy Sergey Rússia piat tenentup saꞌag̃ kahato tetiat iꞌewȳte tehay mītꞌīn wȳwuat hamo temunti kahato iꞌewȳte tokenꞌẽ kahato wy maꞌato temūꞌe raꞌyn Tupana Ehay etiat hawyi miotā̃ e — Korā̃ aremunti hawyi arekenꞌẽ te pykai maꞌato ahenoi hamo Tupana Ehay etiat e. Miꞌi hap waku kahato uhepe te e. Tupana Ehay piat tuwehytꞌok kahato uipyꞌa pe miꞌi pote atimohey poꞌog̃ naꞌyn e.
4. Ehenoi o Tupana Ehay etiat perupꞌi popuo
Karāmpe ehenoi terān Tupana Ehay etiat mītꞌīn piat hamo pote miꞌi hap eꞌyj̃an mete waku erewanentup kat ere terān hap iꞌewȳte aikotā̃ me ehenoi kuap iꞌatuepe hamo hap. Eweimowempāp o 2 Timoteu 2:24 hawyi 1 Peteru 3:15. Miꞌi hawyi apoꞌe hap koꞌi ete eiwoꞌoꞌehay.
-
Karāmpe ehenoi Tupana Ehay etiat mītꞌīn piat hamo turān aikotā̃ meig̃ etunug̃ kuap meig̃muewuat Tupana Ehay piat e hap koꞌi ewy.
-
Karāmpe ewyriaꞌīn pe ehenoi Tupana Ehay etiat turān ȳt atomoheyꞌi atipȳwoꞌi emienoi ete iꞌatuꞌe pote. Miꞌi turān asom kat waku etunug̃. Kat hap asom ȳt nakuꞌi etunug̃ miꞌi turān.
-
Aikotā̃ etipuenti waku poꞌog̃ ehenoi Tupana Ehay etiat perupꞌi popuo woꞌowese hap wȳwo sio etomohey ro ere hamo hupi teꞌi hupi teꞌi iꞌatuepe hamo. Kat pote miotā̃ ere.
5. Sehay wakuat koꞌi enoi hap upi aimowepīt kahato
Ieuwa tipoꞌoro Iesui tehay wakuat koꞌi enoi mītꞌīn piat hamo. Aikotā̃ asom Iesui tipuenti sehay wakuat enoi hap etiat. Eweimowempāp o Iuwãu 4:34. Miꞌi hawyi apoꞌe hap koꞌi ete eiwoꞌoꞌehay.
-
Karāmpe watenuk hawyi aipīt moesaika iꞌewȳte aiwepīt kahato. Kat pote asom Iesui henoi Tupana mikyꞌesat nug̃ hap iꞌewȳte Tupana Ehay enoi hap aikotā̃ miꞌu ewy e.
-
Aikotā̃ etipuenti Tupana Ehay piat sehay wakuat koꞌi enoi hap upi asom aiwepīt kuap. Kat pote miotā̃ ere.
Epowȳro poꞌog̃ hamo
-
Wuatꞌi semana urutuwaꞌatunug̃ tuereto urumūꞌe popera puo pyi aikotā̃ me uruhoꞌomūꞌe kuap mītꞌīn Tupana Ehay etiat hamo. Miꞌi hap etiat taꞌatuhenoi turān o erewanentup apypok kahato epiat ikuap hamo wy.
-
Erewanentup hawyi ehay kuap akag̃ koꞌi wȳwo kat asom waku atunug̃ demonstração atunug̃ waꞌatunug̃ hap tote hamo ere miꞌi hawyi miꞌitā̃ kuap hamo. Miꞌi hap koꞌi puo pyi epowȳro hamo ehenoi Tupana Ehay etiat ekenꞌẽ hap wȳwoꞌi hamo.
-
Iraniaꞌīn teꞌeroꞌe e hap iꞌewȳte Iraniaꞌīn apoꞌiꞌatuꞌe pote e hap meig̃muewuat apoꞌe hap koꞌi epowȳro hamo aikotā̃ me etiꞌatuwesat kuap mītꞌīn hap sio aikotā̃ me etiꞌatupowȳro kuap mītꞌīn tipȳwoꞌi emienoi etiat pote hap.
IRANIAꞌĪN APOꞌIꞌATUꞌE POTE Waku. Aikotā̃ meig̃muẽpuo iꞌatuꞌe pote.
-
Hawyi ehenoi kuap neꞌi aikotā̃ ewemuꞌe Tupana Ehay etiat hap. Kat hap etiat ehenoi terān iꞌatuepe.
WATUWEMŪꞌE RAꞌYN
Wahenoi Tupana Ehay piat sehay wakuat koꞌi hap aimowepīt kahato iꞌewȳte niatpoꞌi ehenoi Tupana Ehay etiat hamo.
Hotꞌokꞌe te asom
-
Kat pote asom waku wahenoi Tupana Ehay piat sehay wakuat koꞌi mītꞌīn me.
-
Aikotā̃ me asom ehenoi kuap Tupana Ehay etiat perupꞌi popuo.
-
Kat asom epowȳro kuap ȳt erekenꞌẽ hap wȳwuatꞌi ehenoi Tupana Ehay etiat hamo.
ETIKUAP TERĀN POꞌOG̃ POTE
Etikuap hamo niatpo hinꞌi wahenoi Tupana Ehay piat sehay wakuat koꞌi cartão de visita site jw.org puo pyi hap etiat.
Aikotā̃ meig̃ Cartão de visita site jw.org piat puo pyi wahenoi kuap Tupana Ehay etiat. (1:43)
Etikuap hamo kat epowȳro kuap ehenoi Tupana Ehay piat sehay wakuat koꞌi etiat hamo.
Etikuap hamo Tupana Ehay piat makuptia minug̃ aipowȳro kuap ȳt watokenꞌẽ hap wȳwoꞌi iꞌewȳte aiwemunti hap wȳwoꞌi wahenoi Tupana Ehay etiat aipakup te pykai hap.
Ieuwa epowȳro hamo ȳt ekenꞌẽ hap wȳwuatꞌi ehenoi hamo (11:59)
Etikuap hamo aikotā̃ me ehenoi kuap Tupana Ehay etiat iꞌewȳte aikotā̃ me eminug̃ koꞌi puo pyi etiꞌatupowȳro kuap ewyriaꞌīn ȳt Ieuwa kuap ite rakaria hap.
