CILONGESA 22
Mwasa Kwambulula Bati Muzimbu Waubwa?
Mumukalilongesa Mbimbiliya, hamo mukasinganyeka ngweni, ‘Ebi biñanda bya seho!’ Mukemwo. Oloni hamo kukamikaluwila kulekako bakweni muzimbu waubwa wa mu Mbimbiliya. Tusimutwiyeni byuma byasa kumikwasa.
1. Mwasa kulekako bati bakweni byuma bimunalilongesa?
Bandongesi ba Yesu bendekele ngwabo: “Kutwasa kwoloka kwendeka byuma bije bitwamono nebi bitwazibi.” (Vilinga 4:20) Bamwene ngwabo busunga bubalilongesele bwapwile bwa seho, mukemwo balekeleko bakwabo. Neni mukalizibi ngoco ndi? Nga mukemwo, co lekeniko bakweni byuma bimunalilongesa.—Tandeni Kolose 4:6.
Byuma bimo bimwasa kulinga
-
Nga mwambulwila baka-naanga yeni, mwasa kushangumuka ngweni: “Cino calumingo njalilongesako byuma bimo bya seho.”
-
Nga mukweni nazeye nambe nga ali na kubinja, co mutandeleniko cisoneka.
-
Nga bakweni bamihula mucinendela calumingo, co balekeniko bimunalilongesa mu cilongesa ceni ca Mbimbiliya nambe ku biwano.
-
Lekeniko babusamba beni bya webusaiti yetu ya jw.org.
-
Lekeniko bakweni bakukale hamo neni ha cilongesa ca Mbimbiliya, nambe kubaleka mubanasa kulombela cilongesa ca Mbimbiliya ha jw.org.
2. Mwafwa bika munapande kulyakela cilengo ca kwambulwila hamo na cikungulukilo?
Bandongesi ba Yesu kubakele na kwambulwila lika banu babazibukile. Yesu watumine bandongesi bendi “babali babali kulutwe lwendi, ku binganda byoshe” mangana baye na kwambulula. (Luka 10:1) Ngila ibakele na kwambulwilamo ha kupwa cibunga yalingisile banu babangi bazibe muzimbu waubwa. Kwambulwila hamo kwalingisile lalo bandongesi bapwe ba kubwahelela. (Luka 10:17) Neni munalyakela cilengo ca kwambulwila hamo na cikungulukilo ndi?
TONDESESENI
Bika bimikwasa mupwe ba kusimpa omwo mulekako banu muzimbu waubwa? Co bubwa muka butundamo?
3. Yehova amikwasa
Bamo bakashaka kwambulula, oloni bakalishoshomwena mubabamwenamo banu. Bakalishoshomwena lalo ngwabo hamo banu kubatambula muzimbu ubambulula.
-
Kuma kukamikaluwila kulekako bakweni byuma bimunalilongesa ndi? Mwafwa bika?
Kengeni VIDIO na kusimutwiya ha cihula cinatako.
-
Bika byakwasele aba Bakaleho babanike bapwe ba kusimpa?
Tandeni Isaya 41:10, na kusimutwiya ha cihula cinatako:
-
Kulombela kumikwasa bati nga muliziba ngweni kumwasa kwambulula?
Muzibuka ndi?
Bwingi bwa Bakaleho ba Yehova kubasinganyekele ngwabo basa kwambulwila banu muzimbu waubwa. Cakumwenako, Sergey wakele na lyoba. Mu kwita kwa simbu walilongesele Mbimbiliya. Co wendekele ngwendi: “Nameme njakele na lyoba, oloni njashangumukile kulekako bakwetu binjakele na kulilongesa mu Mbimbiliya. Co kulinga ngoco kwanjilingisile njipwe wa kusimpa. Co lalo kwanjilingisile njikulahele manene binjakele na kulilongesa.”
4. Ambululeni mu kasingimiko
Omwo mwambulula muzimbu waubwa, keti mwake lika mbunge ku byuma bimwendeka, oloni nomwo mumubyendekela. Tandeni 2 Timateo 2:24 na 1 Petulu 3:15. Kutundaho, simutwiyeni ha bihula binatako:
-
Kwesekesa nei mikanda, bika bimunapande kwaka mu biyongola omwo mulekako bakweni biñanda bya mu Mbimbiliya?
-
Mulinga bati nga baka-naanga yeni nambe babusamba beni bamo kubalitabasana neni mu byuma bimo? Bika kumwapandele kulinga?
-
Mwafwa bika munapande kupangesa mwamubwa bihula kutubakana kusindiya banu bakulahele bimubaleka?
5. Kwambulula muzimbu waubwa kutulingisa tubwahelele
Yehova wanene Yesu cipangi ca kwambulula muzimbu waubwa. Yesu wamwene bati eci cipangi? Tandeni Yowano 4:34, na kusimutwiya ha bihula binatako:
-
Kulya byakulya byabibwa kukatulingisa tutwaleleleho kuyoya na kupwa ba kubwahelela. Mwafwa bika Yesu wesekesele kulinga cizango ca Njambi cije cinambateselela na kwambulula muzimbu waubwa ku kulya byakulya?
-
Bubwa muka bwasa kutunda mu kwambulula muzimbu waubwa?
Bimwasa kulinga
-
Ku biwano bya mukati ka calumingo, nangukeni mumwasa kushangumukila kusimutwiya na banu.
-
Mwasa kulisonekesa mu sikola ya mu biwano bya mukati ka calumingo. Biñanda bya mu sikola bimikwasa mulibwahesele kwambulula muzimbu waubwa.
-
Pangeseni mutamba wa “Bamo Bakendeka Ngwabo” nambe wa “Bamo Banasa Kwihula Ngwabo” mangana mulibwahesele mwakukumbulwila.
BAMO BANASA KWIHULA NGWABO: “Byuma bili na kwenda bati?”
-
Nga munu amihula ngoco, mwasa kushangumuka bati kusimutwiya nendi biñanda bya mu Mbimbiliya?
SIMPI YAKAMA
Kulekako bakwetu muzimbu waubwa kutulingisa tupwe ba kubwahelela, co lalo keti kwakukalu.
Kwitulukamo
-
Bika bimunapande kulekela bakweni muzimbu waubwa?
-
Mwasa kulinga bati ngoco mu kasingimiko?
-
Bika bimikwasa mupwe ba kusimpa omwo mwambulula?
WANENI BIKWABO
Moneni bingila biwana bya kwambulwilamo muzimbu waubwa kupangesa kadi imwesa mwakuila ha webusaiti ya jw.org.
Mwakwambulwila Kupangesa Kadi Imwesa Mwakuila ha JW.ORG (1:43)
Bifwa biwana bije bimikwasa mwambulule muzimbu waubwa.
“Mwalibwahesela Kupwa Baka-kujebela Banu Ndi?” (Kaposhi ka Kukengela ka September 2020)
Kengeni vidio ije itukwasa tupwe ba kusimpa omwo twambulula muzimbu waubwa nameme tu banike.
Mwasa kwambulwila bati baka-naanga yeni baje kubazibuka bya Yehova?
“Kweta ku Bimbunge bya Babushoko Baje Kubapwile Bakaleho” (Kaposhi ka Kukengela ka March 15, 2014)
Hamo Mushaka Lalo Ebi
BIHULA BIBAKEHULA MANENE BANU
Cilongesa ca Mbimbiliya Cibakatwamenena Bakaleho ba Yehova Cafwa Bati?
Ha cilongesa ca Mbimbiliya ca bwana cibakatwamenena Bakaleho ba Yehova, mwasa kupangesa Mbimbiliya yoshe-yoshe imushaka. Mwasa kulilongesela hamo na naanga yeni yoshe nambe kulanyako babusamba beni.
