LECCIÓN 22
¿Na̱sa kuu steʼen-ní nda tuʼun vaʼa?
Ta jíni̱-ní nda tuʼun nda̱a̱ ja steʼen Biblia, sanaa jani xini-ní: “¡Ndɨʼɨ ñuuyɨvɨ́ jiniñuʼun kuni-ji tuʼun yaʼa!”. De ndija-ní; ndɨʼɨ ñuuyɨvɨ́ jiniñuʼun kuni-ji. De sanaa kuu kuyu̱ʼú-ní jaku ta jani ini-ní na̱sa kuu kachi-ní nu̱u̱ ɨn ñayí sɨkɨ ja kutuʼva-ní. Ná kundeʼe-yo na̱sa kuu saʼa-ní tágua ma kuyu̱ʼú-ní de kejaʼa-ní kuu sii ini-ní ta kaʼan-ní jín nda ñayí nda tuʼun vaʼa ja steʼen Biblia.
1. ¿Na̱sa kuu nakani-ní tuʼun ja kutuʼva-ní nu̱u̱ nda ñayí ja jíni̱-ní?
Nda discípulo Jesús ni ka kachi-de: “Ma̱ cu̱ú sndóo ndá sá tiñu ja̱ ní jini̱ sá jíín ja̱ ní jini sá” (Hechos 4:20). De sɨkɨ ja ni ka teya̱ʼvi tuni-de tuʼun nda̱a̱ ja ñukua kuu ja ni ka kúni-de ka nakani-de nu̱u̱ ndɨʼɨ nda ñayí. ¿A suni sukua kuu ini-ní? Nusaá, ndukú-ní tiempo tágua kaʼan yɨñuʼún-ní ta nakani-ní ja kutuʼva-ní nu̱u̱ nda taʼan veʼe-ní ji nda amigo-ní (kaʼvi-ní Colosenses 4:6).
Nda tuʼun ja chíndeé nu̱u̱-ní tágua kejaʼa-ní
-
Ta kaʼan-ní jín ɨn taʼan veʼe-ní, kejaʼa-ní kaʼan-ní sɨkɨ Biblia de kachi-ní tuʼun yaʼa “Semana yaʼa ni kutuʼva-sa ɨn tuʼun kánuu tuni”.
-
Ta kúʼu̱ ɨn amigo-ní axi ndakani ini-ji, steʼen-ní nu̱u̱-ji ɨn texto ja yoso nu̱u̱ Biblia ja kuu chíndeé nu̱u̱-ji.
-
Ta nda ñayí nu̱u̱ satiñu-ní ka jikatuʼun-ji na̱sa ni kuu nu̱u̱-ní nu̱u̱ xini semana, nakani-ní jaku tuʼun nu̱u̱-ji sɨkɨ ja ni kutuʼva-ní nu̱u̱ curso Tutu Yandios axi nu̱u̱ reunión congregación.
-
Steʼen-ní nu̱u̱ nda amigo-ní sitio internet jw.org.
-
Kána-ní sava ka ñayí ta skuaʼa-ní Tutu Yandios axi steʼen-ní nu̱u̱-ji na̱sa kuu kakan-ji ɨn curso sɨkɨ Tutu Yandios nu̱u̱ jw.org.
2. ¿Nakú vaʼa kuu ja kaʼan-ní Tuʼun Yandios jín congregación?
Nda discípulo Jesús ma sú maani̱ nu̱u̱ ñayí ja ni ka jini-de ni ka kaʼan-de tuʼun vaʼa. Jesús “De ni̱ ntají ya̱ ndiʼuu̱ ndiʼuu̱ de̱ ja̱ coso̱ nu̱ú de̱ nu̱u̱ ya̱ qui̱ʼi̱n de̱ nda̱cá ñuu̱ jíín nda̱cá lugar” tágua ka kaʼan-de Tuʼun Yandios ñukua (Lucas 10:1). Sɨkɨ ja ni ka saʼa-de sukua ni kuu ka kaʼan-de Tuʼun Yandios nu̱u̱ kuaʼa tuni ñayí. Suni, nda discípulo ni ka kusii tuni ini-de ja ka kaʼan inuú ini-de Tuʼun Yandios (Lucas 10:17). ¿A kuu chuʼun ini maa-ní kaʼan-ní Tuʼun Yandios jín congregación?
NÁ KUTUʼVA KA-YO SƗKƗ TUʼUN YAʼA
Ná kundeʼe-yo naguá kuu chíndeé nu̱u̱-ní tágua ma kuyu̱ʼú-ní ji kuu koo sii ini-ní ta kaʼan-ní nda tuʼun vaʼa.
3. Jeová koo-Ya jín-ní
Sava nda ñayí ja kúni-ji kaʼan-ji Tuʼun Yandios ka ndɨʼvɨ ini-ji ja kachi sava nda ñayí sɨkɨ-ji.
-
De maa-ní, ta jani xini-ní ja kaʼan-ní jín inka ñayí sɨkɨ ja kutuʼva-ní, ¿a yu̱ʼú-ní, axi nduu? ¿Nakú?
Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
-
¿Na̱sa ni ka sndoo̱-ji ja ka yu̱ʼú-ji nda suchí kua̱chi ja kee nu̱u̱ video?
Ka kaʼvi-ní Isaías 41:10, TNM de ka ndatuʼun-ní sɨkɨ nda tuʼun yaʼa:
-
¿Nakú jiniñuʼun saʼa-ní sáʼan nú yu̱ʼú-ní kaʼan-ní Tuʼun Yandios?
¿A jíni̱-ní?
Kuaʼa nda ñayí ja mita ka kuu-ji testigo Jeová ni jani xini-ji ja ma kuu kuiti̱ ka kaʼan-ji Tuʼun Yandios. Tanu kuu, ɨn teé nani Sergey ni kuu ini-de ja nduu tiñu kuiti̱-de de víjin tuni ni kuu nu̱u̱-de ja kaʼan-de jín sava ka ñayí. De ɨn kɨvɨ ni kejaʼa-de skuaʼa-de Biblia. Maa-de nakani: “Vese yu̱ʼú-sa, ni chuʼun ini-sa ndatuʼun-sa jín sava ka ñayí sɨkɨ ja kutuʼva-sa. De ɨn ja vaʼa tuni kuu, chi ñukua ni saʼa kutú ini-sa de ni kenda nde ini anu-sa nda tuʼun ja steʼen Biblia”.
4. Kaʼan yɨñuʼún-ní
Ta nchaʼa kejaʼa-ní kaʼan-ní Tuʼun Yandios nu̱u̱ ɨn ñayí kani xini-ní sɨkɨ na tuʼun kaʼan-ní ji suni na̱sa kaʼan-ní. Ka kaʼvi-ní 2 Timoteo 2:24 ji 1 Pedro 3:15, de ka ndatuʼun-ní sɨkɨ nda tuʼun yaʼa:
-
¿Na̱sa kuu saʼa-ní ja kachi nda versículo yaʼa ta kaʼan-ní jín sava ka nda ñayí sɨkɨ Biblia?
-
Sanaa nda taʼan veʼe-ní axi nda amigo-ní nduu ka jani ini-ji tanu jani ini maa-ní. ¿Naguá kuu saʼa-ní? ¿Ji naguá kuu ja ma ku̱ú saʼa-ní?
-
¿Nakú vaʼa kuu ja kaʼan yɨñuʼún-yo nu̱u̱ nda ñayí ma sú ja kaʼan-yo naguá jiniñuʼun ka saʼa-ji?
5. Ja kaʼan-yo nda tuʼun vaʼa saʼa sii ini-yo
Jeová ni jeʼe-Ya tiñu nu̱u̱ Jesús ja kaʼan-de nu̱u̱ ñayí nda tuʼun vaʼa ¿Na̱sa ni ndeʼe Jesús tiñu yaʼa? Ka kaʼvi-ní Juan 4:34 de ka ndatuʼun-ní sɨkɨ nda tuʼun yaʼa:
-
Ja yaji vaʼa-yo saʼa ja kuteku-yo ji koo sii ini-yo. ¿Nakú ni kachi Jesús ja nú saʼa-yo ja kúni Yandios, ta kuu ja kaʼan-yo nda tuʼun vaʼa, kuu tanu ja yaji-yo?
-
Na̱sa káʼán maa-ní, ¿ná ja vaʼa ni̱ʼi̱n-ní nú kaʼan-ní sɨkɨ nda tuʼun vaʼa?
Sava nda tuʼun ja kuu saʼa-ní
-
Nu̱u̱ nda reunión sava semana, kuu kutuʼva-ní na̱sa kuu kejaʼa-ní ndatuʼun-ní jín nda ñayí.
-
Katuʼun-ní nu̱u̱ ñayí ja steʼen nu̱u̱-ní naguá jiniñuʼun saʼa-ní tágua kuu siáʼa-ní ɨn discurso nu̱u̱ reunión sava semana. Nda intervención ja ka taji-de chíndeé nu̱u̱-ní tágua koo tuʼva-ní ta kaʼan-ní jín ñayí sɨkɨ ja kutuʼva-ní.
-
Kuatiñu-ní nda sección “Ja kachi sava nda ñayí” ji “Ja ka jikatuʼun sava nda ñayí” ja vaji nu̱u̱ tutu yaʼa tágua skuaʼa-ní de sukua kuu xndikó-ní nda tuʼun ja ka jikatuʼun nda ñayí.
JA KA JIKATUʼUN SAVA NDA ÑAYÍ: “¿Na̱sa iyo-ro? ¿Naguá ni saʼa-ro nda kɨvɨ ni ya̱ʼa?”.
-
¿Na̱sa kuu kaʼan-ní ja ni kutuʼva-ní sɨkɨ Biblia ta jikatuʼun nda ñayí nu̱u̱-ní?
JA NI KUTUʼVA-YO
Ja kaʼan-yo nda tuʼun vaʼa kuu saʼa sii ini-yo, de nduu víjin ja kuu kejaʼa-yo.
Tuʼun núku̱ʼun ini
-
¿Naguá kuu skanda ini-ní tágua kaʼan-ní nda tuʼun vaʼa?
-
¿Na̱sa kuu kaʼan yɨñuʼún-ní?
-
¿Na̱sa kuu xnaa-ní ja yu̱ʼú-ní?
NU̱U̱ NDANIʼI KA-NÍ TUʼUN
Kundeʼe-ní kumi tuʼun na̱sa kuu kuatiñu-ní tarjeta contacto nu̱u̱ jw.org ta kaʼan-ní Tuʼun Yandios.
Kuni-ní kumi nda tuʼun ja kuu chíndeé nu̱u̱-ní tágua kuu kaʼan-ní nda tuʼun vaʼa.
“¿A kúni-ní ku̱ú-ní ɨn ñayí ja ka̱na ñayí?” (La Atalaya, yo̱o̱ septiembre kuiya 2020)
Kuni-ní ɨn tuʼun ja nakani Biblia ja chíndeé nu̱u̱-yo ja ma kuyu̱ʼú-yo kaʼan-yo Tuʼun Yandios vese kuu-yo ɨn suchí kua̱chi.
Kaʼvi-ní na̱sa kuu kaʼan-ní sɨkɨ Biblia nu̱u̱ nda taʼan-ní ja nduu ka jíni̱-ji sɨkɨ Jeová.
