22ǁÎ ǁKHĀǁKHĀǃÂS

Mati du nau khoena ǃgâiǂhôas xa a mîba ǁkhā?

ǀHURU RE

Elobmîs amaba du ra ǁkhāǁkhāsen. Khami du ge nî tsâ hoa khoen nēsa nî ǂan ti. Xawe du ge ǀnîsi ra sau. Nau khoena ǁkhāǁkhāsen du go xūna mîbasa. Hā re, î da ǃhoaǃgao. Mati du ǁnā sausa tsâsiba a, sîsenǂam ǁkhā ǀgausa. Tsî ǂkhîb ǀkha Elobmîs ǃgâiǂhôasa a aoǁnâ ǁkhāsa.

1. Mati du ǂan du a khoena ǁkhāǁkhāsen du go xūn xa a mîba ǁkhā?

Jesub di ǁkhāǁkhāsebegu ge ge mî: “ǀÛ ǁoa khom kom ao, mû tsî khom ge ǁnâun xa ǃhoasa.” (ǃNaeǃkhaidi 4:20) Jesuba xu gu ge ǁkhāǁkhāsen. Xūna gu ge kaise ge ǀnam i. Tsî gu ge nēs ǃaroma. Nē xūna khoen ǀkha gere ǀgoragu. Sadu tsîna ti ra dī? ǁNāti i ga io, ǃēna ôa re. Î du ǃgâi ǀgaub ǃnâ sadu di omaris ǁanin. Tsî ǀhōsan tsîna ǁkhāǁkhāsen du go xūna mîba.—Khomai re Koloseǁîn 4:6 sa.

ǀGaugu hîna du a tsoatsoa ǁkhāgu

Sadu omaris ǁani-i ǀkha du ga ǃhoa o. O du ge ǀnîsi Elobmîs ǃâ-i xa sao ra-e a mî ǁkhā. “Kaise ǂûǂûsa xū-e ta ge. Nē wekhe go ǁkhāǁkhāsen.”
ǀAesen tamas ka io ǂgui ǃgomsina ra hōǃâ. Khoe-e ǂkhâǃnâ ra xoasa ǀgoragu ū re.
Sadu ǀkha ra sîsen khoe-i ga. Sadu wekheb go tsâ i ǀgauba xa dî du o. O Elobmîs ǁkhāǁkhās tamas ka io. ǀHaohâb ǀhaos tawa du go ǁkhāǁkhāsen. Xū-i xa ǁî-e mîba re.
Sadu ǀhōsana jw.org internets ǂhaweba ǁgau re.
Elobmîsa du ga ǁkhāǁkhāhe o. O sadu a ǂan khoen tsîna ǁkhau re, în ǃgâ hā. Sadu mati ra ǁkhāǁkhāhe ǀgausa. Tamas ka io ǁgau nî re. Matin jw.org internets ǂhaweb ai aitsama Elobmîs ǁkhāǁkhāsa nî ǂgansa.

2. Tae-i ǃaroma i ǀhaohâb ǀkha aoǁnâsa a ǃgâi?

Jesub ǁkhāǁkhāsaben ge ǂanan a khoen ǀkha ǀgui. ǃGâiǂhôasa ge ǀgoragu tama hâ i. Xaweb ge Jesuba ǁîna ‘ǀgamǀgamse ǁîb aiǃâ ge sîǂui, hoa ǃādi’ ǃoa în sī aoǁnâ. (Lukab 10:1) Nēs ge ǂgui khoena ǃēsa ge mā. În ǃgâiǂhôas xa ǁnâu. ǁKhāǁkhāseben tsîn ge kaise gere ǂkhî ǀguiban gere aoǁnâ o. (Lukab 10:17) Sadu tsîna a mîmâi ǁkhā ǀhaohâb ǀkha ǀguiba aoǁnâsa?

ǃGAMSE ÔAǃNÂ RE

Kō re, tae-e du nî dīsa î du tā ǃao. ǃGâiǂhôasa du ga khoen ǀkha ǀgoragu o. Kai ǂkhîba du ge a hō ǁkhā. ǁNāsa du ga dī o.

3. Jehovab ge nî hui du

ǀNî khoen hîna ra aoǁnâ ǂgaon ge ǀnîsi ra ǂâiǂhansen. ǃHoa-ūn ra khoen nî ǂâi. Tamas ka io tanisen ǀgaub xa.

ǁKhāǁkhāsen du ra xūna khoena mîbasa du ra ǃao? Tamas ka io du ǃao tama? Tsî tae-i ǃaroma du ti ra mî?

VIDIOBA ǀhuru re. Tsî sao ra dîsa ǃhoaǃgao re.

VIDIOB: ǁKhoaǂgaosiba ta ge Jehovab ai ge ǂgan (4:05)

Nē ǂkhamkhoena mati ǁîn di ǃaos tsâsiba ge dan?

Khomai re Jesajab 41:10 sa. Tsî sao ra dîsa ǃhoaǃgao re:

Aoǁnâsa du ga ǃao o. O du tae-i ǃaroma nî ǀgore?

ǂAn i du go i?

ǂGui Jehovab di ǃoaba-aon ge gere ǂâi. Tātsēn Gaosib ǃgâiǂhôasa aoǁnâ hō tide ti. Aiǁgause, Sergeyb ge gere ǃgôaǁnâsen. Tsî khoen ǀkha ǃhoas xa ge ǃgombahe i. Xaweb ge Elobmîsa ge ǁkhāǁkhāsen. ǁÎb ge ra mî: “ǃAo ta gere xawe ta ge. ǁKhāǁkhāsen ta gere xūna khoena gere mîba. Buru ta ge ge mûǂan ta ge o. Khoena Elobmîs xa mîbas ǃgâise ra tsâ kai tesa. Tsî khoen ǀkha ǃhoas ge ti ǂgomsa gere ǀgaiǀgai.”

4. ǃGôasiba ǁgau re

ǃGâiǂhôasa du ga khoen ǀkha ǀgoragu o. Tae-e du nî mîs xa ǀgui tā ǂâi re. Xawe mati du ǃgôasib ǀkha nî mîs xa ǂâi re. Khomai re 2 Timoteub 2:24 tsî 1 Petrub 3:15 sa. Tsî sao ra dîde ǃhoaǃgao re:

Mati du nē xoara ǃnâ ra mîhe xūna. Khoen ǀkha du ga Elobmîs xa ǃhoa o, o nî sîsenū?
Sadu omaris ǁanin ǀnîn. Ge sadu ra mî xūna, ǂgom tide. Tae-e du a dī ǁkhā? Tsî tae-e du tā nî dī?
Tae-i ǃaroma i a ǃgâi khoena ǃamku ǀgaub ǃnâ dîna dîsa? Tsî ǁîna ǁgarisase tsâ kai tamase?

5. ǃGâiǂhôasa aoǁnâs ge ra ǂkhî kai

Jehovab ge ǃgâiǂhôasa khoen ǀkha ǀgoragus sîsen-e Jesuba ge mā. Jesuba nē sîsenni xa mati gere tsâ? Khomai re Johaneb 4:34 sa. Tsî sao ra dîra ǃhoaǃgao re:

ǃGâi ǂûna ǂûs ge sida ǂuruse ra ūhâ. Tsî ra ǂkhî kai. Tae-i ǃaromab ge Jesuba. Elob di ǂâisa dīsa. ǂÛ-e ǂûs ǀkha ǀgōpeǀnōba?
Mâ ǂkhîba da ǃgâiǂhôasa aoǁnâsa xu a hō ǁkhā?

Nē xūna dītsâ re

Wekheb ǁaegub ǃnâ hâ ǀhaos tawa aiǁgauna ǃoa kō re. Aoǁnâ sîsenni ǃnâ ǁgamǀhao tsoatsoas ǀkha nî hui duna.
Sado ra ǁkhāǁkhā khoe-e dî re. Tae-e du nî dīsa. Î du wekheb ǁaegub ǃnâ hâ. ǀHaos tawa aoǁnâ sîsenni ǃâb tawa ǃâ-e ūhâ. Nē ǃâgu ge nî hui du. Î du aiǂhomisen. Khoen ǀkha du nî ǃhoas aiǃâ.
“Mati du nî ǃeream khoe-i ga mî o.” Tsî “khoe-i ge ǀnîsi a dî du ǁkhā.” Di hâ ǃâkha nē ǂkhanis ǃnâ sîsenū re. Î du ǁaeb hoaba ra dîhe dîde du nî ǃeream ǀgaus. Tsî ǃkharagagu ǂâiǀgauga du nî ǃhoaǃgao, ǀgaus tsîn xa aiǂhomisen.

KHOE-I GE ǀNÎSI A DÎ DU ǁKHĀ: “Matisa?”