TLAMACHTILI 22
¿Tlake mitspaleuis xitlajtolmoyaua?
Kema tijyekojtias tlen Biblia tlamachtia uelis timoiljuis: “Nijnekiskia nochi ma kimatikaj”. Uan nelia tlen timoiljuia pampa nochi moneki kimatisej. Maske tijneki tikiniljuis sekinok tlen timomachtia, uelis timajmaui. Ma tikitakaj tlake uelis mitspaleuis amo tlauel timajmauis uan kiampa uelis tikiniljuis sekinok nopa kuali tlamachtili tlen uala ipan Biblia.
1. ¿Kenijkatsa uelis tikiniljuis katli tikinixmati tlen tijyekojtia?
Jesús itokilijkauaj kiijtojkej: “Tojuantij axtiuelij tijkauasej tikinpouilisej tlakamej tlen tikitstokej uan tlen tijkaktokej” (Hechos 4:20). Inijuantij tlauel kipatiitayayaj nopa kuali tlamachtili tlen uala ipan Biblia uan yeka kinekiyayaj kiniljuisej nochi maseualmej. Tlaj nojkia kiampa tijneki tijchiuas, xikita kenijkatsa uelis tikiniljuis ika tlatlepanitakayotl mouikaljuaj uan mouampoyouaj tlen tijyekojtia (xijpoua Colosenses 4:6).
Tlen mitspaleuis tijpeualtis
-
Kema tikamanaltitos iuaya se tlen mochampoyouaj uan tijnekis tikiljuis tlen Biblia tlamachtia, achtoui ueliskia tikiljuis: “Ni semana nijyekok se tlamantli tlen tlauel ipati”.
-
Kema se mouampo mokokoua o mokuesoua, xijnextili se texto tlen uelis kiyolchikauas.
-
Kema katli ininuaya titekiti mitstlajtlanisej tlake tijchijki sábado o domingo, xikiniljui tlen tijyekok kema mitsmachtijkej o tlen tijyekok ipan tlanechikoli.
-
Xikinnextili mouampoyouaj nopa sitio jw.org.
-
Xikintlaneui sekinok kema mitsmachtiaj ika Biblia o xikinnextili kenijkatsa uelis tlajtlanisej ma kinmachtikaj ipan jw.org.
2. ¿Kenke tlauel mitspaleuis tlaj titlajtolmoyauas ininuaya sekinok toikniuaj?
Jesús itokilijkauaj amo san kinkamanaljuijkej tlen Biblia katli kinixmatiyayaj. Ya kintitlanki “ipan nochi altepetinij uan ranchos” ojomej ma tlajtolmoyauatij (Lucas 10:1). Jesús itokilijkauaj kiampa tlajtolmoyajkej, yeka miakej maseualmej kitlakakilijkej nopa kuali tlamachtili. Nojkia tlauel yolpajkej pampa tlajtolmoyajkej sansejko (Lucas 10:17). Tlauel kuali tlaj ta nojkia timosentlalis titlajtolmoyauas ininuaya toikniuaj.
KUALI XIMOMACHTI
Ma tikitakaj tlake mitspaleuis amo tlauel timajmauis uan kiampa tiyolpakis kema tikiniljuis sekinok tlen Biblia tlamachtia.
3. Jehová mitspaleuis
Sekij katli kinekij tlajtolmoyauasej kintekipachoua kenijkatsa kinitasej sekinok o kenijkatsa kinnankilisej.
-
Kema timoiljuia tikinkamanaljuis sekinok tlen tijyekojtia, ¿timajmaui o amo? ¿Kenke kiampa tijyolmati?
Xikitakaj nopa VIDEO uan xijnankilikaj ni tlajtlanili:
-
¿Tlake kinpaleuik ni telpokamej ayokmo ma majmauikaj?
Xijpouakaj Isaías 41:10 uan xijnankilikaj ni tlajtlanili:
-
¿Kenke moneki timomaijtos tlaj timajmaui titlajtolmoyauas?
¿Tijmajtoya?
Miakej katli nama elij Jehová itlajtoltemakauaj moiljuiyayaj amo kema ueliskiaj tlajtolmoyauasej. Se tlakatl katli itoka Sergey moiljuiyaya amo tleno ipati uan ouij kimatiyaya kamanaltis ininuaya sekinok. Teipa pejki momachtia Biblia. Ya kiijtok: “Maske nimajmauiyaya, nijchijki kampeka nikinkamanaljuis sekinok tlen nijyekojtiauiyaya. Nopa nechpaleuik kuali ma nijyolmati uan nojua kuali ma nitlaneltoka”.
4. Xijnexti titlatlepanita
Kema tijkamanaljuis se akajya amo san moneki timoiljuis tlake tikiljuis, nojkia moneki timoiljuis kenijkatsa tikiljuis. Xijpouakaj 2 Timoteo 2:24 uan 1 Pedro 3:15 uan xijnankilikaj ni tlajtlanili:
-
¿Kenijkatsa uelis tijchiuas tlen kiijtoua ni textos kema tikinkamanaljuis sekinok tlen Biblia?
-
Uelis sekij mouikaljuaj o mouampoyouaj amo kinpaktis tlen tikiniljuis. ¿Tlake uelis tijchiuas tlaj kiampa panos? ¿Uan tlake amo kinamiki tijchiuas?
-
¿Kenke moneki tikinkamanaljuisej ika tlatlepanitakayotl uan amo tikiniljuisej tlake moneki kineltokasej?
5. Tiyolpakis kema titlajtolmoyauas
Jehová kiiljuik Jesús ma kimoyaua nopa kuali tlamachtili. ¿Kenijkatsa kiitayaya Jesús nopa tekitl? Xijpouakaj Juan 4:34 uan xijnankilikaj ni tlajtlanili:
-
Kema tijkuaj tlakualistli tlen kipaleuia totlakayo, techpaleuia kuali ma tiitstokaj uan ma tiyolpakikaj. ¿Kenke Jesús kiijtok kema titlajtolmoyauaj, eli kejuak titlakuaj?
-
¿Kenijkatsa timoiljuia tijyolmatis tlaj tikinkamanaljuis sekinok tlen nopa kuali tlamachtili?
Tlen uelis mitspaleuis
-
Ipan tlanechikoli tlen mochiua ipan semana, xikita kenijkatsa uelis tijpeualtis tikinkamanaljuis sekinok.
-
Xikiljui katli mitsmachtia tlake uelis tijchiuas uan kiampa nojkia uelis tijpanoltis se tlamachtili ipan tlanechikoli tlen mochiua ipan semana. Nopa tlamachtili tlen mitsiljuisej xijpanolti, mitspaleuis amo timajmauis kema tikiniljuis sekinok tlen tijyekojtia.
-
Xijtekiui nopa tlaxeloli “Tlen sekinok kiijtouaj” uan “Tlen sekinok kinekij kimatisej” tlen eltok ipan ni amatlajkuiloli uan kiampa tijmatis kenijkatsa titlanankilis kema kiampa mitsiljuisej.
TLEN SEKINOK KINEKIJ KIMATISEJ: “¡Ayokmo nimitsitstoya! ¿Kenijkatsa tiitstok?”.
-
Kema se akajya kiampa mitsiljuis, ¿kenijkatsa ueliskia tikiljuis tlen timomachtijtok ipan Biblia?
TLEN TIMOMACHTIJKEJ
Tlauel tiyolpakis kema tikinkamanaljuis sekinok tlen nopa kuali tlamachtili, uan kema kiampa tijchiuas, tikitas amo tlauel ouij kej timoiljuijtoya.
¿Tlake tijyekok?
-
¿Kenke moneki tijmoyauasej nopa kuali tlamachtili?
-
¿Kenijkatsa uelis tijchiuas ika tlatlepanitakayotl?
-
¿Tlake mitspaleuis amo tlauel timajmauis?
NOJKIA XIKITA NI
Xikita naui tlamantli tlen uelis tikijtos kema titlajtolmoyauas ika nopa tarjeta de contacto tlen ika titetlaneuij ma kalakikaj ipan jw.org.
Kej ueliskia titemakas tarjetas de contacto tlen ika titetlaneuij ma kalakikaj ipan jw.org (1:43)
Xikita naui kuajkuali tlamantli tlen mitspaleuis tikiniljuis sekinok nopa kuali tlamachtili.
“¿Nojkia tijneki titlajtolmoyauas?” (Tlen Tematiltia, septiembre 2020)
Xikita se tlapoualistli ipan Biblia tlen mitspaleuis amo timajmauis titlajtolmoyauas maske ayamo tiueyi.
Xikita tlake uelis tijchiuas kema tijnekis tikinkamanaljuis mochampoyouaj tlen Biblia tlamachtia.
Tlen nojkia mitspaktis tikitas
TLEN KINEKIJ KIMATISEJ
¿Kenijkatsa Jehová itlajtoltemakauaj tlamachtiaj ika Biblia?
Kema Jehová itlajtoltemakauaj mitsmachtisej ika Biblia amo mitsinamasej uan uelis tijtekiuis Biblia tlen ta tijnekis. Nojkia uelis tikintlaneuis sekinok kej mochampoyouaj o mouampoyouaj.
