TAMACHTILIS 22
¿Keniuj uelis tikonteixmatiltis kuali tanauatilmej?
Keman tikonmati tein Biblia tamachtia xa tikonnemilia: “¡Nochin moneki maj kimatikan nejin!”. Uan melauj, moneki maj nochin kimatikan. Sayoj ke xa tionmoui tikontapouis oksekin tein tionmomachtijtok. Maj tikitakan tein uelis mitsonpaleuis amo xionmoui uan maj mitsonyolpakti tikontematiltis kuali tanauatilmej tein kipia Biblia.
1. ¿Keniuj uelis tikoniluis akin tikonixmati tein tionmomachtijtok?
Imomachtijkauan Jesús kijtojkej: “Amo uelis tikauaske de amo titetapouiske nochi nijin ten tikitakke uan ten tikakke” (Hechos 4:20). Yejuan semi kipatiuitayaj tein momachtijtoyaj itech Biblia uan yejua ika kinekiaj kintapouiskej nochin akin ueliskiaj, ¿no ijkon tionmomachilia? Komo ijkon, xikontemo kemanian uelis tikontapouis tein tionmomachtijtok mochankauan uan akin iniuan kuali tionmouika, sayoj ke xiontepoujkaita (xikonita Colosenses 4:6).
Seki taman kemej uelis peuas tiontanojnotsas
-
Keman tikonnojnotsas se mochankauj ika tein kijtoua Biblia, uelis tikonijtos “Nejin semana nimomachtij nejin tein semi kualtsin”.
-
Keman aksa akin kuali iuan tionmouika mokokoua oso motekipachojtok, uelis tikonnextilis se texto tein kiyolchikauas.
-
Keman akin iniuan tiontekiti mitsontajtaniskej toni tikonchiuak itamian semana, xikonilui toni mitsonmachtijkej ika Biblia oso tein tionmomachtij itech nechikol.
-
Xikonnextili akin iniuan kuali tionmouika maj kitemokan itech Internet jw.org/ncj.
-
Xikonyoleua oksekin keman mitsonmachtiskej ika Biblia oso xikonnextili keniuj uelis tajtaniskej se nemachtil ika Biblia itech jw.org/ncj.
2. ¿Keyej semi moneki xikonixtali tiontanojnotsas iniuan tokniuan itech nechikol?
Imomachtijkauan Jesús amo ika kinnojnotskej kuali tanauatilmej sayoj akin kinixmatiaj. Jesús “kintitanik yejuan ma yakan ojome uan ma yajtokan [...] tech in pueblojme” para maj tanojnotsakan (Lucas 10:1). Nejin tapaleuij maj okachi miakej kikakikan kuali tanauatilmej. Uan no, itatojtokakauan Jesús semi yolpakkej sentanojnotsaskej (Lucas 10:17). ¿Keniuj tikonita komo no tikonixtalia tiontanojnotsas iniuan tokniuan itech nechikol?
MAJ OKACHI TIMOMACHTIKAN
Maj tikitakan tein uelis mitsonpaleuis amo xionmoui tikonteixmatiltis kuali tanauatilmej uan maj mitsonyolpakti tikonchiuas.
3. Jiova mitsonpaleuis
Sekin akin kinekij tanojnotsaskej kintekipachoua keniuj kinitaskej oso tein kijtoskej oksekin.
-
Uan tejuatsin, ¿tionmoui ika tiontajtos tein tionmomachtijtok? ¿Keyej?
Xikitakan VIDEO uan ika xitajtokan nejin:
-
¿Toni kinyolchikauak nejin telpochmej akin itaixpantijkauan Jiova?
Xikitakan Isaías 41:10 uan ika xitajtokan nejin:
-
¿Keyej moneki tikonchiuas netataujtil komo tionmoui tiontanojnotsas?
¿Tikonmatia?
Miakej itaixpantijkauan Jiova kinemiliayaj ke amo keman ueliskia tanojnotsaskej. Kemej Sergey, yejua kimachiliaya ke amo kipiaya ipatiuj uan kiouijmakaya tajtos iniuan oksekin. Sayoj ke se tonal peuak momachtia Biblia. Yejua kijtoua: “Maski nimouia, peuak ika nikinnojnotsa oksekin tein nimomachtijtoya. Nejon nechpaleuij maj amo nikmachiliok ke amo teyi nichiujkej uan maj amo nikelkaua tein nimomachtijtoya”.
4. Xiontepoujkaita
Achto ke tiontanojnotsas amo sayoj xikonnemili tein tikonijtos, ta no keniuj tikonijtos. Xikitakan 2 Timoteo 2:24 uan 1 Pedro 3:15, uan ika xitajtokan nejin:
-
¿Keniuj uelis tikonchiuas tein kijtouaj nejin textos keman tikonnojnotsas oksekin ika Biblia?
-
Xa sekin mochankauan oso akin kuali iniuan tionmouika amo kineltokaskej tein tikontapouis, ¿toni uelis tikonchiuas? ¿Uan toni amo tikonchiuas?
-
¿Keyej moneki tikyeknemiliskej katiyejua netajtanilmej tikinchiuiliskej oksekin uan amo tikiniluiskej tein moneki kineltokaskej?
5. Tiyolpakij keman tikteixmatiltiaj kuali tanauatilmej
Jiova kinauatij Jesús maj kiteixmatilti kuali tanauatilmej. ¿Keniuj kiitaya Jesús nejon tekit? Xikitakan Juan 4:34 uan ika xitajtokan nejin:
-
Komo kuali timotamakaj techpaleuis maj tiyoltokan uan maj tiyolpakikan. ¿Keyej kijtoj Jesús ke tikchiuaskej tein Dios kineki, kemej titanojnotsaskej, kemej yeskia takualis?
-
¿Toni tein kuali tikonselis komo tiontanojnotsa?
Tein uelis tikonchiuas
-
Itech nechikol tein mochiua itajkotian semana, xikonita keniuj uelis peuas tiontanojnotsas.
-
Xikontajtani akin mitsonmachtia keniuj uelis tikonnextis se tamachtilis itech nechikol tein tikpiaj itajkotian semana. Nejon tamachtilis mitsonpaleuis okachi kuali xiontanojnotsa.
-
Xikonita kampa kijtoua “Tein sekin kijtouaj” uan “Tein sekin uelis mitsontajtaniskej” tein kipia nejin amaix, para tionmomachtis keniuj uelis tiontanankilis keman teisa mitsontajtaniskej oso mitsoniluiskej teisa tein ika mitsonixnamikiskej.
TEIN SEKIN UELIS MITSONTAJTANISKEJ: “¿Keniuj tionyetok? ¿Toni tikonchiuani itech nejin tonalmej?”.
-
¿Keniuj uelis mitsonpaleuis nejin para tikoniluis tein tionmomachtijtok itech Biblia?
TEIN TIKITAKEJ
Tikteixmatiltiskej kuali tanauatilmej kichiua maj tiyolpakikan, uan amo ouij kemej tejuatsin tikonnemilia.
Maj tikelnamikikan
-
¿Keyej moneki tikteixmatiltiskej kuali tanauatilmej?
-
¿Keniuj uelis tikonnextis ke tiontepoujkaita?
-
¿Toni uelis mitsonpaleuis amo semi xionmoui?
NO XIKONITA NEJIN
Xikonita naui taman kemej uelis tiontanojnotsas ika tarjeta tein ika tikteixmatiltiaj jw.org.
Keniuj uelis tiktemakaskej tarjeta tein ika tikteixmatiltiaj jw.org (1:43)
Xikonita naui taman tein uelis mitsonpaleuis okachi xiontanojnotsa.
“¿Tionmochiuas itatojtokakauj Cristo?” (Tanejmachtijkej, metsti septiembre xiuit 2020)
Xikonita se taman tein moajsi itech Biblia tein techpaleuia maj timoyolchikauakan keman titanojnotsaskej maski yeski tikonemejok.
Xikonita keniuj uelis tikonnojnotsas ika Biblia mochankauan akin ayamo kiixmatij Jiova.
“Cómo llegarles al corazón a familiares no creyentes” (La Atalaya, 15 de marzo de 2014)
Xa no tikonuelitas
NETAJTANILMEJ TEIN MOCHIUAJ
¿Keniuj itaixpantijkauan Jiova kimachtiaj aksa ika Biblia?
Keman se itaixpantijkauj Jiova mitsonmachtis, tejuatsin uelis tikonkuis tein yeski Biblia. No uelis tikonyoleuas akin nemij mokalijtik oso akin yeski.
