CIJIJO 22
Mungaitisa Kudini Kuti Muvhunjevo Vamweni Masoko Akanaka?
Mbhera wari, imwimwi majija zvokadi zvakawanda maningi zvo Bhaibheri. Kangaije mungarangarira kudari: ‘Vandhu vese vaidikanavo kuziva ngo pamusoro pa izvi!’ Ngo zvokadi kuti, vandhu vese vanodikana kuziva cokwadi ici. Pikija zvakadaro, zvingaita kuti imwimwi muri kuthya kuvhunja vamweni zvamuri kujija. Mu cijijo ici, tinozovona kuti munganyisisa kudini kuthya uku, nokuva no mudakaro ngo kuvhunja vamweni masoko akanaka.
1. Mungaitenyi kuti muvhunje vamweni ngo pamusoro po zviro zvamuri kujija?
Vajiji va Jesu vakati: “Itusu atikwanisi kuregera kuvereketa zviro zvatakavona no zvatakazwa.” (Mabasa o Vapostori 4:20) Ivona vaida maningi cokwadi, zvoita kuti vadevo kuvhunja vamweni ngo pamusoro pazvo. Imwimwi munojizwavo kudaro? Kudari zviri izvona, psakanyi mukana kuti muvhunje ukama hwenyu no shamwari ngo pamusoro po zviro zvamuri kujija.—Verenganyi Vakorose 4:6.
Matangire amweni amungaita mabhuyo
-
Kudari mukabhuya na umwe wo paukama hwenyu, kangaije mungatomuvhunja kudari: “Sumana ino ndajija ciro cinoshamaisa maningi.”
-
Kudari shamwari yenyu yecihwaja kana kuti iri kuthimwa-thimwa, ikhombijenyi vhesi yo Bhaibheri inoembezera.
-
Kudari shamwari jenyu jo kubasa jikamuvhunjisa kuti; sumana yenyu yakafamba kudini, vavhunjenyi zvamakajija pa jijo yenyu yo Bhaibheri kana kumusongano.
-
Khombijanyi shamwari jenyu saite yo jw.org.
-
Kokanyi shamwari jenyu kuti jiviye kovona manera amunojija, kana vakhombijenyi manera avangakumbira jijo yo Bhaibheri mu jw.org.
2. Ngenyi zvinosisira kuti mucumaere pamwepo no vamweni mu ungano?
Vajiji va Jesu vakaita zvizinji kupinda basi kucumaera masoko akanaka ku vandhu vavaiziva. Ivonazve vaicumaera ngo njira yakarongeka. Jesu wakatuma vajiji vake kuti vaende kocumaera vari “vaviri-vaviri, . . . mu madhorobha ese.” (Ruka 10:1) Izvi zvakapa vandhu vakawanda mukana wokuzwa masoko akanaka. Kusiyapo izvo, kucumaera pamwepo no vamweni kwaivapa maningi mudakaro. (Ruka 10:17) Kureva kuti imwimwi mungacumaeravo pamwepo no vamweni mu ungano?
NASANYI KUPSAKISISA
Vonanyi kuti munganyisisa kudini kuthya pamunonga mecicumaera, no kuwana mudakaro pamunonga meciita basa rondhoro.
3. Jehovha anozomubesera
Vandhu vamweni pavanoda kocumaera, kangaije vangathya vecirangarira kuti vandhu vamweni vanovavona kudini kana vanozoashirisa kudini masokoo.
-
Imwimwi munothya padoko pamunonga mecida kuvhunja vamweni zvamuri kujija? Ngenyi?
Rijanyi VHIDHIYO, perapo bhuisananyi ngo muvhunjo unotevera.
-
Majaha aya ari Zvapupu zva Jehovha akanyisisa kudini kuthya?
Verenganyi Isaia 41:10, perapo bhuisananyi ngo muvhunjo unotevera:
-
Mukumbiro ungamubesera kudini paya pamunonga mecithya kucumaera?
Imwimwi maizviziva?
Vazinji vari Zvapupu zva Jehovha nyamasi uno, vairangarira kuti avacaizokwanisa kamare kucumaera masoko akanaka. Vonanyi muezaniso umwe wo hama inodanijwa Sergey vanogara Rusiya. Ivona vaijizwa kuti avasisiri cimweni kubhuya no vandhu cainga ciri cineso kwavari. Asi kuvha pondhopo vakatanga kujija Bhaibheri. Ivona vakananga kudari: “Pikija no kuthya kwandainga nako, ndakatanga kuvhunja vamweni zviro zvandaijija. Zvakandishamaisa maningi ngo zvokuti, kubhuya no vamweni ngo pamusoro po Bhaibheri kwakapungura kuthya kwangu. Cimweni, kuvhunja vamweni ngo pamusoro po zviro zvandaijija kwaivangisavo gonda rangu.”
4. Bhuyanyi ngo nderemejo
Pamunonga mecivhunja vamweni masoko akanaka, mucarangarira basi zvamucavereketa asi rangariranyivo mavereketero amucazviita. Verenganyi 2 Timoti 2:24 na 1 Pedhru 3:15, perapo bhuisananyi ngo muvhunjo jinotevera:
-
Mungashandisa kudini mavhesi aya pamunonga mecibhuya no vamweni ngo pamusoro po Bhaibheri?
-
Zvingaita kuti ukama hwenyu kana shamwari votama kutenderana no zvamunonanga. Zvicinyi zvamungaita? Zvicinyi zvamucikadikani kuita?
-
Ngenyi zvaizova zvakanaka kubhuya navo ngo njira yakanaka kuciripi ngo kuvavangirija?
5. Kucumaera vamweni masoko akanaka kunoviisa mudakaro
Jehovha wakapa Jesu basa rokucumaera masoko akanaka. Jesu waivona kudini basa iri? Verenganyi Johani 4:34, perapo bhuisananyi ngo muvhunjo jinotevera:
-
Kusiyapo kuha kuti tipone, kuha kunotipa mudakaro. Ngenyi Jesu wakaezanisa kuda ka Mwari (kubatanijavo no kucumaera masoko akanaka) no zvokuha?
-
Ngenyi munorangarira kuti kucumaera masoko akanaka kunoviisa mudakaro?
Zvamungaita
-
Pa musongano unotevera wo pakati po sumana, vonanyi matangire amungaita kubhuya no vandhu.
-
Bhuyanyi no mujijisi wenyu kuti imwimwi munodavo kuita mativi o vajiji o pa musongano wo pakati po sumana. Kudari mukaita divi iri ro vajiji, zvinozomubesera kuti mucathya pamunobhuya no vamweni ngo pamusoro po zvamunojija.
-
Shandisanyi divi rinoti “Vandhu Vamweni Vanoti” kana “Vandhu Vamweni Vangamuvhunjisa Kudari” kuti mudavire muvhunjo jimweni no zvamungananga kudari ari wese acikatenderani no zvamunonanga.
VANDHU VAMWENI VANGAMUVHUNJISA KUDARI: “Ngo api masoko mapsa amungativhunjavo?”
-
Maizoshandisa kudini mukana uu kuti muvavhunje zvamuri kujija mu Bhaibheri?
ZVOTAJIJA
Kubhuya no vamweni ngo pamusoro po masoko akanaka kunoviisa mudakaro. Kubhuya no vamweni kwakareruka maningi kupinda zvatingarangarira.
Kuhwirijira
-
Ngenyi tinovhunja vamweni ngo pamusoro po masoko akanaka?
-
Mungaitisa kudini kuti mucumaere ngo nderemejo?
-
Mungaitisa kudini kuti mucathya pamunonga mecicumaera?
ZIVANYI ZVIMWENI
Vonanyi njira murongomuna jicikanesi jamungashandisa kuti mubhuye ngo pamusoro po masoko akanaka mecishandisa khadhi ro kunghwina mu jw.org.
Kucumaira Ko kuezanisira no Khadhi ro Kufambira jw.org (1:43)
Vonanyi mugariro murongomuna jingamubesera kuti mubhuye ngo pamusoro po masoko akanaka.
“Makanasiririka Kuti Muve Vatandi vo Vandhu Here?” (Murindiri, Setembro wo 2020)
Vonanyi kuti muezaniso uu wo mu Bhaibheri ungatibeseresa kudini kuti tive no cicunge co kucumaera pikija tecivona kuti ticiri vana vadoko.
Jijiranyi kuti mungaitisa kudini kuti mubhuye no ukama hucikazivi Jehovha ngo pamusoro po Bhaibheri.
“Kubatsira Voukama Kuti Vave Zvapupu” (Murindiri, 15 wa Março wo 2014, Cishona)
