22 EL SUOBEL
Ngmekera Sebechem Louchais er a Ungil Chais el Mora Rechad?
Sel mosuub a klemerang er a Biblia e ke locha mo melatk, ‘A rokui el chad a kirir el rongesii tiang!’ Ngmerang, a rokui el chad a ousbech el mo medengelii! Engdi ke locha mo medakt louchais er a rechad aike el omosuub. Me dosaod a rolel e ngsebechem el mo mesisiich er tia el dektem e mo dmeu a rengum louchais er a rechad er a ungil chais.
1. Ngmekera e sebechem louchais aike el bla msuub el mora rechad el modengelterir?
A redisaiplo er a Jesus a dilu el kmo: “Kemam a diak el sebecham el mo lmuk el diak kim ouchais a ikel bla kim ues ma bla kim renges.” (Rellir 4:20) Te ulemes er a klemerang el kmal klou a ultutelel e mle sorir el louchais er ngii el mo er tirke el rokui el sebechir. Kau, ke dirrek el feel el uaisei? Mosiik a bek el techall el mo ouchais er a telungalek er kau me a resechelim aike el bla msuub, el ngar er a rolel e ke ochotii omengull el mo er tir.—Monguiu er a Kolose 4:6.
Bebil er a rolel e ngsebechem lomuchel louchais er a rebebil
-
Sel mongedecheduch er a chedam, e mosaod er a ta er a topic er a Biblia loeak sel omdu el kmo: “Ngngar ngii a ksilubii er chelecha el week.”
-
Em share er a sechelim el smecher me a lechub e ngsuebek a rengul a ta er a bades el melisiich er ngii.
-
Mouchais er a rechad el mdak loureor loker er kau el kmo ngua ngera week er kau, aike el omsiluub er a omesubem me a lechub e ngmiting er a ongdibel.
-
Mochotii er a resechelim a jw.org el website.
-
Invite er a rebebil el me teloi er a omesubem er a Biblia me a lechub e mochotii er tir er a rolel e ngsebechir el request a omesubel a Biblia er a jw.org.
2. Ngera uchul me ngungil a derellii a turrekong er kid el mo omerk er a klumech lobengkel a ongdibel?
A redisaiplo er a Jesus a dimlak di lomerk el mo er tirke lodengelterir. A Jesus a mle “odercheterir el derteru el oeak uchei er ngii el mor a bek el beluu” el mo omerk. (Lukas 10:1) Tia el rolel a berkel a klumech a milsterir a rebetok el chad a techellir el mo rongesii a ungil chais. Ngdirrek el mlo uchul a klou el deuil a rengrir el dmak lomerk. (Lukas 10:17) Kau, ngsebechem el rullii a turrekong er kau el mo omerk lobengkel a ongdibel?
BOM DMOLECH EL MERRITER
Morriter a rolel e ngsebechem el mo mesisiich er a dektem lomerk er a klumech e mnguu a deurreng el mei sel domerk er a ungil chais.
3. Jehovah a mo obengkem
A rebebil el sorir el mo omerk a locha medakt le te melatk a uldesuir a rechad.
-
Kau ke medakt louchais er a rechad aike el bla msuub? Ngera uchul me ke melekoi el uaisei?
Momes er a VIDEO e mosaod er tia el ker.
-
Te milekera tirka el ngeasek el Sioning e mo mesisiich a dektir?
Monguiu er a Isaia 41:10 e mosaod er tia el ker:
-
Sel bom feel el medakt el lomerk er a klumech, e ngmekera nglunguuch e sebechel ngosukau?
Ke medengei el kmo ngerang?
A rebetok er a Resioning er a Jehovah ulemdasu el kmo ngkmal diak el sebechir el mo omerk er a klumech. A Sergey a kmal mle mekngit a uldesuel el kirel e mle meringel er ngii a mengedecheduch er a rechad. Engdi ngulemuchel el mesuub er a Biblia. Ngkmo: “Alta ak kmal mle medakt engdi a kulemuchel el louchais er a rechad aike el kusuub. Ngkmal mechas a renguk, e le tiang a bai rirellak el mo ungil a uldesuek el kirek e mo confident. Ngdirrek el kmal silsichii a klaumerang er ngak.”
4. Molecholt omengull
Sel mouchais er a rechad er a ungil chais e lak di molatk aike el bo molekoi, mdirrek el melatk er a rolel obo molekoi. Monguiu er a 2 Timothy 2:24 me a 1 Petrus 3:15, 16 e mosaod aika el ker:
-
Ngmekera sebechem loltaut aika el bades sel mouchais er a rechad el kirel a Biblia?
-
A rebebil er a chedam me a resechelim a locha diak bo lekengei aike el mouchais er tir. Ngera sebechem el meruul er ngii? Ngera diak lungil omoruul er ngii?
-
Ngera uchul me ngbai ungil omoker a ker el ngar er a ungil rolel er a bai mouchais er tir aike el kirir mo oumerang?
5. Ngmo dmeu a rengud sel domerk er a ungil chais
Jehovah milsa Jesus a ureor lomerk er a ungil chais. Ngmle uangerang a uldesuel a Jesus el kirel tia el ureor? Monguiu er a Johanes 4:34 e mosaod aika el ker:
-
Sel donga ungil kall e ngmelisiich er a bedenged e rullid el mo dmeu a rengud. Ngera uchul me a Jesus a ulemekesiu er a meruul er a soal a Dios el ngii a uldimukl er a berkel a ungil chais, el mo er sel dongang a kall?
-
Omomdasu e ngngera el deurreng obo mngai sel momerk er a ungil chais?
Kora di uldasu
-
Ngar sel miting el ngar ngii a le weekdays e mosiik a rolel e ngsebechem lomuchel a cheldechedecham lobengterir a rebebil.
-
Molatk el mo ta er a ngalek er a skuul. Aike el part el omngai a sebechel ngosukau el mo ungil kltmokl el mo ouchais er a rechad aike el omosuub.
-
Mousbech aike el “A Rebebil a Kmo” me a lechub e ng “A Rebebil a Locha Mo Oker” el ngar tia el babier, el practice a rolel e ke mo onger aike el ker el blechoel el loker a rechad me a lechub e ngultok el lukdubech.
A REBEBIL A LOCHA MO OKER: “Ngdiak a beches?”
-
Ngmekera sebechem lousbech er tia el techall louchais er ngii aike el bla msuub er a omesubem?
SUMMARY
Sel domerk er a klumech el mora rechad e ngmeskid a deurreng, e locha kmal diak bo lemeringel el ua sel mullatk er ngii.
Review
-
Ngera uchul me kede omerk er a klumech?
-
Ngmekera sebechem el meruul er ngii el ngar er a rolel e ngochotii omengull?
-
Ngmekera sebechem el mo mesisiich er a dektem lomerk er a klumech?
A LSEBECHEM E MOMES
Momes eua el rolel e ngsebechem lomerk er a ungil chais lousbech er a jw.org contact card.
Monguiu el kirel a eua el blekeradel el ngii a mo ngosukau el share er a ungil chais el mora rechad.
“Kau Ke Kltmokl el Mo Ta er a Mengesokes er a Rechad?” (A Ongkerongel, September 2020)
Momes er a rolel e a chad el ngar er a Biblia sebechel meskid a blekeu el mo omerk er a klumech, mo lmuut me a dirk demekekerei.
Bo modengelii a rolel e ngsebechem el mesaod er a Biblia el mora rechedal a telungalek er kau el dirkak bo losuub el kirel a Jehovah.
“Reaching the Heart of Unbelieving Relatives” (The Watchtower, March 15, 2014)
