KʼUTUNEM 22
¿Jas kabʼan che utzijoxik ri utzalaj taq tzij?
Are chiʼ kawetaʼmaj ri qastzij che kʼo pa ri Biblia, weneʼ kabʼij: «¡Rajawaxik che ri winaq kketaʼmaj wariʼ!». Y qastzij ri kabʼij; rajawaxik che konojel kketaʼmaj. Are kʼu weneʼ kaxeʼj awibʼ katzijoj chke nikʼaj chik ri tajin kawetaʼmaj. Chqilampeʼ jas katkunik kabʼano, rech kaxeʼj ta awibʼ y kanaʼ kikotemal chiʼ katzijoj ri utzalaj taq tzij re ri Biblia chke nikʼaj chik.
1. ¿Jas kabʼan che ubʼixik chke ri kachʼobʼ kiwach chrij ri tajin kawetaʼmaj?
Ri utijoxelabʼ ri Jesús xkibʼij: «Man kojkun ta kʼut chi ma ta kqatzijoj ri qilom ri qatom» (Hechos 4:20). Xkitzijoj chke nikʼaj chik rumal che nim xkil wi ri qastzij. ¿La je kachomaj at? We jeʼ, chakojoʼ achuqʼabʼ che utzijoxik ri utzij ri Dios chke ri afamiliares y ri awachiʼl (chasikʼij Colosenses 4:6).
Jujun taq tobʼanik rech kamaj utzijoxik ri utzij ri Dios
-
Chiʼ kattzijon rukʼ jun afamiliar, katkunik katzijoj ri Biblia che y kabʼij: «Pa wajun semana riʼ xwetaʼmaj jun jastaq che nim ubʼanik».
-
Chiʼ jun awachiʼl yawabʼ o kbʼisonik, chakʼutuʼ jun texto che, che kuya uchuqʼabʼ.
-
Chiʼ ri awachiʼl pa ri chak kkitaʼ chawe ri xabʼan pa sábado y domingo, chabʼij chke ri xawetaʼmaj pa ri etaʼmanik re ri Biblia o pa ri riqbʼal ibʼ.
-
Chakʼutuʼ chkiwach ri awachiʼl ri qakʼolbʼal re Internet jw.org.
-
Chabʼij chke nikʼaj chik che kekʼojiʼ awukʼ chiʼ kyaʼ ri etaʼmanik chawe o chabʼij chke jas kkibʼano rech kkitaʼ jun etaʼmanik rech ri Biblia pa jw.org.
2. ¿Jasche utz katel rukʼ ri congregación che utzijoxik utzij ri Dios?
Ri utijoxelabʼ ri Jesús xaq xiw ta xkitzijoj ri utzij ri Dios chke ri kkichʼobʼ kiwach. Ri Jesús «pa kakabʼil xeʼutaq bʼik rech kenabʼej bʼik chuwach, pa ronojel tinamit» rech kkitzijoj ri utzij ri Dios (Lucas 10:1). Wariʼ xubʼano che kʼi winaq xekunik xkitatabʼej utzalaj taq tzij. Xuqujeʼ, ri utijoxelabʼ ri Jesús sibʼalaj xekikotik rumal che junam xkitzijoj ri utzij ri Dios (Lucas 10:17). ¿La kawaj katzijoj ri utzij ri Dios rukʼ ri congregación?
CHANIMARISAJ RI AWETAʼMANIK
Chqilaʼ jas kqabʼano rech kqaxeʼj ta qibʼ y rech kojkikotik chiʼ kqatzijoj ri utzij ri Dios.
3. Ri Jehová kʼo awukʼ
Jujun winaq che kkaj kkitzijoj ri utzij ri Dios kkixeʼj kibʼ che ri kkichomaj o ri kkibʼij ri winaq.
-
¿La kaxeʼj awibʼ katzijoj ri tajin kawetaʼmaj chrij ri Biblia chke nikʼaj chik? ¿Jasche?
Chiwilaʼ ri VIDEO y chixtzijon chrij wariʼ:
-
Junam rukʼ ri xqil pa ri video, ¿jas xkibʼan ri alabʼom alitomabʼ rech xkixeʼj ta chi kibʼ xkitzijoj ri utzij ri Dios?
Chisikʼij Isaías 41:10 y chixtzijon chrij wariʼ:
-
¿Jasche rajawaxik kabʼan achʼawem we kaxeʼj awibʼ katzijoj ri utzij ri Dios?
¿La awetaʼm?
Jujun testigos rech Jehová, nabʼe kanoq xkichomaj che kekun taj kkitzijoj ri utzij ri Dios. Jun kʼutbʼal, jun achi ubʼiʼ Sergey xunaʼo che kʼo ta upatan y che xkun taj xtzijon kukʼ nikʼaj chi winaq. Are chiʼ xumajij ri etaʼmanik chrij ri Biblia. Ri areʼ xubʼij: «Paneʼ xinxeʼj wibʼ, xinkoj nuchuqʼabʼ rech xintzijoj chke nikʼaj chik ri tajin kwetaʼmaj. Sibʼalaj xinkikotik rumal che wariʼ xinutoʼo rech xinchomaj ta chik che kʼo ta nupatan y más xopan pa wanimaʼ ri kubʼij ri Biblia».
4. Chattzijon rukʼ utz taq tzij
Are chiʼ kattzijon rukʼ jun winaq xaq xiw ta katchoman chrij ri kabʼij, xaneʼ chachomaj ri kabʼan che ubʼixik che. Chisikʼij 2 Timoteo 2:24 y 1 Pedro 3:15 TNM, y chixtzijon chrij wariʼ:
-
¿Jas kabʼan che ukojik ri versículos riʼ are chiʼ katzijoj ri utzij ri Dios chke nikʼaj chi winaq?
-
¿Jas kabʼano we jujun afamiliares o awachiʼl utz ta kkilo che katzijoj ri utzij ri Dios? ¿Y jas utz taj che kabʼano?
-
¿Jasche are más utz kojtzijon rukʼ ri winaq chuwach che xa kqabʼij che ri rajawaxik kubʼano?
5. Utzijoxik ri utzalaj taq tzij kuya kikotemal
Ri Jehová xubʼij che ri Jesús che kutzijoj ri utzalaj taq tzij. ¿Jas xuchomaj ri Jesús chrij wajun chak riʼ? Chisikʼij Juan 4:34 y chixtzijon chrij wariʼ:
-
Utijik utz taq rikil kuya qachuqʼabʼ y kikotemal. ¿Jasche xubʼij ri Jesús che ri utzijoxik ri utzij ri Dios, kjunamataj rukʼ utijik qawa?
-
¿Jas kachomaj at, la kariq kikotemal riʼ we katzijoj ri utzij ri Dios?
Jujun taq tobʼanik
-
Pa ri riqbʼal ibʼ re wajun semana riʼ, chawilaʼ ri kbʼan che umajixik tzijonem.
-
Chataʼ che ri awajtij jas kabʼano rech katkunik kabʼan awe ri kkibʼan ri tijoxelabʼ pa ri riqbʼal ibʼ re xoʼl taq qʼij. Ri asignación che kyaʼ chawe, katutoʼo rech kattzijon kukʼ nikʼaj chik.
-
Chakojoʼ ri secciones «Ri kkichomaj jujun winaq» y «Ri kkibʼij jujun winaq» che kʼo pa ri wuj riʼ rech kawetaʼmaj jas kabʼij chiʼ kbʼan preguntas chawe o chiʼ kqʼatex uwach ri atzij.
RI KKIBʼIJ JUJUN WINAQ: «¿Jas abʼanom? ¿La utz awach?».
-
¿Jas katkunik kabʼano rech katzijoj che ri winaq ri awetaʼmam pa ri Biblia chiʼ kutaʼ wariʼ chawe?
RI XQETAʼMAJ
Utzijoxik ri utzalaj taq tzij kuya kikotemal chqe, y qas ta kʼax umajixik tzijonem rukʼ jun winaq.
¿La knaʼtaj chawe?
-
¿Jas kattoʼwik rech katzijoj ri utzalaj taq tzij?
-
¿Jas kabʼan at rech rukʼ utz taq tzij katzijoj ri utzij ri Dios?
-
¿Jas kabʼano rech kaxeʼj ta awibʼ?
CHAWILAʼ CHI NIKʼAJ
Chawilaʼ kajibʼ jastaq che katkunik kabʼano are chiʼ katzijoj ri utzij ri Dios rukʼ ri tarjeta de contacto re jw.org.
Chawetaʼmaj kajibʼ bʼantajik che katutoʼo rech katkunik katzijoj ri utzij ri Dios chke ri winaq.
«¿La qas kawaj keʼatoʼ ri e winaq rech keʼux tijoxelabʼ?» (Ri Chajinel, septiembre 2020)
Chawetaʼmaj chrij jun bʼantajik re ri Biblia che kojutoʼo rech kqaxej ta qibʼ chiʼ kqatzijoj ri utzij ri Dios paneʼ kʼa majaʼ qajunabʼ.
Chawetaʼmaj jas kabʼano rech katkunik katzijoj ri utzij ri Dios chke ri afamiliares che majaʼ kkichʼobʼ uwach ri Jehová.
«¿Jas kqabʼano rech ri kqabʼij kopan pa kanimaʼ ri qafamiliares?» (La Atalaya, 15 re marzo 2014)
Wene' xuquje' utz kawilo
PREGUNTAS CHE AMAQʼEL KBʼANIK
¿Jas ubʼanik ri etaʼmanik re ri Biblia che kkiya ri testigos rech Jehová?
Katkunik kakoj apachike Biblia pa ri etaʼmanik che kkiya ri testigos rech Jehová che tojom taj. Y katkunik kabʼij chke konojel ri afamilia y ri e awachiʼl o nikʼaj chik.
