22. LEKCIJA
Sar šaj tu te propovedine i šukar vest?
Šaj odobor sviđini pe tuće odova so sikljoveja kotar Biblija, so kokri tuće pheneja: „Akava valjani sare te đanen.“ Hem ćaće tano ađahar! Ama, šaj daraja te vaćere averenđe odolestar so sikljiljan. Akana ka dikha so šaj te pomožini tut te cide odija dar hem te počmine te vaćere averencar kotar odova so sikljiljan andi Biblija.
1. Sar šaj te vaćere e manušencar kas đaneja odolestar so sikljiljan?
E Isusese učenikija phenđe: „Amen našti, a te na vaćera ando odova so dikhljam hem so šunđam“ (Dela apostolska 4:20). Olenđe odobor sviđinđa pe odova sostar o Isus vaćerđa so manglje sarinenđe te vaćeren odolestar. Da li hem tuće sviđini pe odova so sikljoveja? Ako tano ađahar, tegani razmislin sar šaj te vaćere te porodicaja ja te amalencar odolestar so sikljiljan. (Čitinen Kološanima 4:6.)
Sar šaj te počmine te vaćere averencar?
-
Ako vaćereja te porodicaja, šaj te phene lenđe: „Akava kurko sikljiljum diso but šukar.“
-
Ako tano to amal nabormo ja disose sikirini pe, čitin lese jekh stih kova šaj te utešini le.
-
Ako te kolege pućena tut sar hine tuće ko vikend, šaj te phene lenđe so sikljiljan ko kurs ja ko amaro sastanko.
-
Mothov te amalenđe amaro sajt jw.org.
-
Vićin averen ko to kurs ja mothov lenđe sar šaj ko amaro sajt jw.org kokri te roden neko te proučini olencar.
2. Sose tano šukar te ovel tut cilj te propovedine averencar andi skupština?
E Isusese učenikija na propovedinđe samo e manušenđe kas đanđe. O Isus „bićhalđa len po duj ki svako diz“ te propovedinen (Luka 10:1). Odolese, pobuter manuša šunđe i šukar vest. Isto ađahar, on hine but bahtale đi zajedno propovedinđe (Luka 10:17). So mislineja, da li hem tu šaj te ćhive tuće cilj te propovedine averencar andi skupština?
SIKLJOV POBUTER
Dikh sar šaj te cide i dar hem te osetine kobor tano šukar ked propovedineja i šukar vest.
3. O Jehova ka ovel tuvaja
Disave kola mangena te propovedinen šaj darana ando odova sar o manuša ka dikhen upro lende ja sar ka reagujinen.
-
Da li hem tu daraja te vaćere averenđe odolestar so sikljiljan? Sose osetineja tut ađahar?
Dikhen o VIDEO hem palo odova vaćeren ando akava pućibe.
-
So pomožinđa disave ternenđe više te na daran?
Čitinen Isaija 41:10, hem palo odova vaćeren ando akava pućibe:
-
Sar šaj i molitva te pomožini tut ked daraja te propovedine?
Da li đanđan?
But phralja hem phenja mislinđe so niked na ka uspinen te đan kotar ćher ko ćher. Na primer, o Sergej mislinđa so nane vredno hem hine lese pharo te vaćeri e manušencar. Ama, palo disavo vreme, ov počminđa te proučini i Biblija. Sar odova pomožinđa lese? Ov phenela: „Iako darandiljum, ipak počminđum te vaćerav averencar ando odova so sikljiljum. Odova so vaćerđum averencar andi Biblija, pomožinđa maje te na lađav. Sebepi odova, mi vera ulji pana pobari.“
4. Mothov so poštujineja averen
Ked propovedineja averenđe, ma razmislin samo so ka phene nego hem sar ka phene odova. Čitinen 2. Timoteju 2:24 hem 1. Petrova 3:15, hem palo odova vaćeren ando akala pućiba:
-
Sar šaj te ićere tut ko akala savetija ked vaćereja averencar andi Biblija?
-
Disave andi ti porodica ja te amala šaj na ka složinen pe tuvaja. Tegani, so šaj te ćere? So mislineja, so na valjani te ćere?
-
Sose bi ovela pošukar te puće len so on mislinena, a na tu te phene lenđe ko so valjani te verujinen?
5. Bahtale hijam ked propovedinaja
O Jehova phenđa e Isusese te vaćeri i šukar vest. Sar o Isus dikhlja ko odova zadatko? Čitinen Jovan 4:34, hem palo odova vaćeren ando akala pućiba:
-
Ked haja maro, amen dobinaja snaga hem hijam bahtale. Sose o Isus phenđa so ked ćeraja odova so o Devel mangela, na primer ked propovedinaja, tano sar ked haja maro?
-
So mislineja, sose šaj te ova bahtale ked vaćeraja i šukar vest?
So šaj te ćere?
-
Ko sastanko ko radno dive, sikljov sar šaj te vaćere averencar.
-
Puć e osoba kasa proučineja, so valjani te ćere te šaj te ovel tut učenička zadatkija. Odola zadatkija ka pomožinen tut te sikljove sar te vaćere averencar odolestar so sikljiljan.
-
Koristin o deo „Ako neko phenela“ hem „Ako neko pućela“ te vežbine sar te odgovorine nekase ked diso pućela tut.
AKO NEKO PUĆELA: „So isi nevo koro tute?“
-
Sar šaj tegani te vaćere odole manušeja odolestar so sikljiljan ko to kurs?
SO SIKLJILJAM
Nane pharo te vaćere averencar andi šukar vest. Ako ćereja odova, tu ka ove bahtalo.
Te ponovina
-
Sose valjani te vaćere i šukar vest averenđe?
-
Sar šaj te mothove so poštujineja averen đi propovedineja?
-
So valjani te ćere ako daraja te propovedine?
RODE POBUTER
Dikh ko kola štar načinija šaj te propovedine ađahar so ka koristine amari kontakt-kartica aso sajt jw.org.
Sikljov kola štar osobine šaj te pomožinen tut te vaćere averencar andi šukar vest.
„Da li hijen spremna te oven ribarija ando manuša“? (Stražarsko kula, septembar 2020)
Dikh sar šaj jekh biblijako primer te pomožini tuće te ove hrabro ked propovedineja, čak iako hijan but terno.
Sikljov sar šaj te vaćere nekasa andi ti familija ko na verujini ko Jehova.
„Sar šaj te pomožine te familijaće koja na penđari o ćaćipe?“ (Stražarska kula, 15. mart 2014)
Dikhen hem akava
NAJČEŠĆA PUČIBA
Sar izgledini jekh biblijako kurs ando Jehovase svedokija?
O proučibe tano besplatno, šaj te koristinen o prevod andi Biblija kova tumen mangena hem ko kurs šaj te vićinen celo tumare porodica ja nekas ando tumare amala.
