XIDONDZRO 22

U Nga Zrezra Hi Ndlela Yini Madzrungula Lamanene?

PLAY

Ku ta tlhasa swoswi u dondzre mintiyiso yinyingi a Bibeleni. Kambe swi nga yentxeka u pimisa leswi: ‘Vhanu hinkwavu va fanela ku swi tiva leswi!’ Nakunene hinkwavu va fanela ku swi tiva. Nambitanu, u nga ha txhava ku byela van’wana leswi u swi dondzriki. Ka xidondzro lexi, hi ta bula hi leswi swi nga ku pfunaka akuva u hlula ntxhavu lowo u tlhela u kuma ku nyonxa hi ku byela van’wana madzrungula lamanene ya Bibele.

1. U nga va byelisa kuyini van’wana leswi u swi dondzraka?

Vadondzrisiwa va Yesu va te: ‘A hi [nge] swi koti ku miyela ni leswi hi nga swi vona, ni leswi hi nga swi yingela.’ (Amintiṛo 4:20) Vadondzrisiwa a va wu zrandzra ngopfu ntiyiso lakakuva a va djula ku wu byela vhanu vanyingi hi lani va nga kotaka ha kone. Xana u titwa hi ndlela leyo? Loko swi li xitanu, djuletela tindlela ta ku byela vanghanu ni maxaka yaku, hi ndlela ya xitxhavu, leswi u swi dondzraka.—Dondzra Ba-le-Kolosa 4:6.

Leswi u nga sungulisaka xiswone

Loko u bula ni maxaka yaku, nghenisa mhaka ya kukazri ya le Bibeleni hi ku hlaya leswi: “Vhiki ledzri ni dondzre mintxhumu ya ku nyonxisa.”
Dondzrela munghanu waku lweyi a vabyaka kumbe a hlatiyelaka ndzrimana ya kukazri leyi nga Bibeleni leyi txhavelelanaka.
Loko lweyi u tizraka na yene a ku vutisa leswaku vhiki dzri fambise kuyini, mu byeli leswi u swi dondzriki ka dondzro yaku ya Bibele kumbe ka mintlhanganu ya bandla.
Komba vanghanu vaku a pajina dzra internet dzra jw.org.
Zramba van’wana akuva va hlalela a dondzro yaku ya Bibele kumbe u va komba ndlela leyi va nga kombelaka ha yone dondzro ya Bibele ka jw.org.

2. Ha yini swi pfuna ku zrezra ni bandla?

A vadondzrisiwa va Yesu a va zrezranga madzrungula lamanene ntsena ka lava a va va tiva. Yesu a va ‘zrume ha vabidzri [vabidzri] a mahlweni kwakwe a mitini hinkwayu’ akuva va zrezra. (Luka 10:1) Ntizro wolowo wa ku zrezra wu nyike vhanu vanyingi mukhandlu wa ku twa madzrungula lamanene. Handle ka leswo, hi ku va va zrezre xikan’we, swi yentxe leswaku a vadondzrisiwa va nyonxa ngopfu. (Luka 10:17) Xana na wene u nga zrezra ni bandla?

KELISISA

Vona ndlela leyi u nga hlulaka ku txhava ha yone ni ku kuma ku nyonxa hi ku zrezrela van’wana madzrungula lamanene.

3. Yehovha a ta ku pfuna

Lava djulaka ku sungula ku zrezra va nga ha txhava leswaku van’wana va nge ti swi nyonxela.

Xana swa ku txhavisa ku byela van’wana leswi u swi dondzraka? Hi mhaka muni?

Vonani VHIDIYU, mi gama mi bulisana hi xivutiso lexi landzrelaka.

VHIDIYU: Ni Khongote Ka Yehovha Akuva A Ni Nyika Xixixi (4:05)

Xana vampshwa lava va ku hlulise kuyini ku txhava?

Dondzrani Ezaya 41:10, mi gama mi bulisana hi xivutiso lexi:

Xana xikhongoto xi nga ku pfunisa kuyini loko u txhava?

A wu swi tiva?

Vanyingi lava nga Timboni ta Yehovha va same va pimisa leswaku a va nge te swi kota ku zrezra madzrungula lamanene. Hi xikombiso, Sergey a a titwa na a nga faneleki nakone a a swi vona na swi mu kazratela ku vulavula ni vhanu. Kambe a game a dondzra Bibele. Yene a hlaya leswi: “Nambileswi a ni txhava, ni sungule ku zrezrela van’wana leswi a ni swi dondzra. Lexi nyonxisaka, hi leswaku ku byela van’wana hi leswi a ni swi dondzra ka Bibele, swi yentxe kuva ni tiya ni nga ha txhavi. Nakone swi yengetele ku kholwa kwanga.”

4. Kombisa xitxhavu loko u zrezra

Loko u byela van’wana leswi u swi dondzraka Bibeleni, yanakanya hi leswi u taka swi hlaya ni ndlela leyi u taka swi hlaya ha yone. Dondzrani 2 Timoteo 2:24 na 1 Petros 3:15, mi gama mi bulisana hi swivutiso leswi:

Xana u nga ti tizrisa hi ndlela yini tindzrimana leti loko u byela van’wana leswi u swi dondzraka Bibeleni?
Swi nga ha yentxeka vanghanu ni maxaka yaku va nga pfumeli leswi u va byelaka swone. Xana a wu ta yentxa yini? I yini leswi u kalaka u nga fanelanga ku swi yentxa?
Xana he swini leswi a swi ta va swinene: I ku khanela na vone hi ndlela ya xitxhavu kumbe ku dzringisa ku va sindzrisa akuva va pfumela leswi u swi hlayaka? Ha yini?

5. Ku byela van’wana madzrungula lamanene swi tisa ku nyonxa

Yehovha a nyike Yesu ntizro wa ku zrezra madzrungula lamanene. Xana Yesu a a wu vonisa kuyini ntizro lowo? Dondzrani Yohan 4:34, mi gama mi bulisana hi swivutiso leswi landzrelaka:

Ku da swakuda swi hi nyika wutomi swi tlhela swi hi nyonxisa. Ha yini Yesu a hlaye leswaku ku yentxa ku zrandzra ka Xikwembu Nkulukumba, hi xikombiso ku zrezra madzrungula lamanene, swi fana ni ku da?
Ha yini u yanakanya leswaku ku zrezra madzrungula lamanene swi tisa ku nyonxa?

Leswi u nga swi yentxaka

Ka ntlhanganu wa xikazri ka vhiki, yingiseta ha hombe leswi van’wana va swi hlayaka mayelanu ni mazrezrela ya madzrungula lamanene.
Swi ngo yini u titsralisa akuva u va xidondzrana ka ntlhanganu wa xikazri ka vhiki? Swiyavelo swa swidondzrana swi nga ku pfuna ku lulamela ku byela vambeni leswi u swi dondzraka.
Tizrisa xiyenge lexi liki “Van’we Va Li” ni lexi liki “Loko Mhunu A Ku Vutisa Leswi” leswi kumekaka ka buku dzroledzri akuva u titoloveta ndlela leyi u nga hlamulaka ha yone loko vhanu va ku hamba swivutiso ni loko va nga pfumelelani na wene.

LOKO MHUNU A KU VUTISA LESWI: “U ni byela yini swa nyiwana?”

U nga wu tirisa hi ndlela yini mukhandlu lowo akuva u mu byela leswi u swi dondzriki ka Bibele?

NKATSRAKANYU

Ku byela van’wana madzrungula lamanene a swi kazrati nakone swi tisa ku nyonxa.

Mpfuxeto

Ha yini hi byela van’wana madzrungula lamanene?
Xana u nga swi yentxisa kuyini hi ndlela ya xitxhavu?
U nga hlulisa kuyini ku txhava ku zrezra?

Xidondzro lexi xi hele hi:

Lwela leswi

Pimisa hi mhunu lweyi u djulaka ku mu zrezrela madzrungula lamanene. Yanakanya hi leswi u taka swi hlaya, ndlela leyi u taka swi hlaya ha yone ni nkama lowu u taka swi hlaya ha wone.

Swin’wana:

Swin‘wana Leswi U Nga Swi Yentxaka