Na ngoi so mo yeke manda atâ tënë ti Bible, mo peut ti pensé mo tene: ‘A yeke nzoni azo kue ahinga ni.’ Tâ tënë, zo kue abezoin ti hinga ni. Me peut-être mbeto asara mo ti fa na azo aye so mo manda. Bâ tongana nyen la mo peut ti zi mbeto na ti komanse ti fa nzoni tënë na ngia.

1. Tongana nyen la mo peut ti fa na azo so mo hinga ala aye so mo manda?

Adisciple ti Jésus atene lani, atene: “E lingbi ti kaï pëpe ti sara tënë na ndö ti aye so e bâ na e mä.” (Kusala 4:20). So ala bâ lani tâ tënë na nene ni mingi, ala ye ti fa ni na azo kue. Mo kue mo ye tongaso? Tongana mo kue mo ye tongaso, gi alege kue ti fa na afami nga na akamarade ti mo aye so mo manda; sara ni na nengo zo.​—Diko aColossien 4:6.

2. Ngbanga ti nyen la fango tënë legeoko na congrégation ayeke mbeni nzoni ye so mo peut ti gi ti sara?

Adisciple ti Jésus afa nzoni tënë lani pëpe gï na azo so ala hinga ala. Jésus ‘atokua ala use use kozoni na lo ti gue na yâ ti agbata kue’ ti fa tënë (Luc 10:1). Kua ti fango tënë so a leke yâ ni so amû lani lege na azo mingi ti mä nzoni tënë. So adisciple afa tënë legeoko na amba ti ala, a sara nga si ala yeke na ngia mingi (Luc 10:17). Legeoko nga, eskê mo peut ti gi ti fa tënë legeoko na congrégation?

 GI TI HINGA AYE MINGI

5. Fango nzoni tënë aga na zo ngia

Jéhovah amû na Jésus kua ti fango nzoni tënë. Jésus abâ kua so tongana nyen? Diko Jean 4:34, na pekoni kiri tënë na ahunda so:

• Tengo nzoni kobe ayeke bata fini ti e na asara si e yeke na ngia. Ngbanga ti nyen la Jésus atene so sarango ye so bê ti Nzapa aye, na tapande fango tënë, ayeke tongana tengo kobe?

• Ti mo, tongana mbeni zo afa nzoni tënë, aye wa la so aga na zo ngia lo yeke wara?

 NA NDURU TËNË

Fango nzoni tënë na azo ayeke ga na zo ngia. Mo peut ti pensé so a yeke ngangu, me tongana mo komanse, mo yeke bâ so a yeke ngangu ape.

Dango bê

• Ngbanga ti nyen la a yeke nzoni ti fa nzoni tënë na azo?

• Tongana nyen la mo peut ti sara ni na nengo zo?

• Tongana nyen la mo peut ti hon ndö ti mbeto so asara mo ti fa tënë?