பைபிள் சொல்லும் உண்மைகளைத் தெரிந்துகொள்ளும்போது, ‘இத எல்லாரும் தெரிஞ்சுக்கிட்டா நல்லா இருக்குமே!’ என்று நீங்கள் நினைக்கலாம். உண்மைதான்! ஆனால், அதை மற்றவர்களிடம் சொல்ல தயக்கமாகவும் பயமாகவும் இருக்கிறதா? நீங்கள் எப்படித் தைரியமாகவும் சந்தோஷமாகவும் அதை எல்லாரிடமும் சொல்லலாம் என்று பார்க்கலாம்.

1. கற்றுக்கொண்டதை உங்களுக்குத் தெரிந்தவர்களிடம் எப்படிச் சொல்லலாம்?

“நாங்கள் பார்த்தவற்றையும் கேட்டவற்றையும் பற்றிப் பேசுவதை எங்களால் நிறுத்த முடியாது” என்று இயேசுவின் சீஷர்கள் சொன்னார்கள். (அப்போஸ்தலர் 4:20) கற்றுக்கொண்ட விஷயங்கள் அவர்களுக்கு ரொம்பப் பிடித்திருந்ததால், எல்லாரிடமும் அதைச் சொல்ல ஆசைப்பட்டார்கள். நீங்களும் ஆசைப்படுகிறீர்களா? அப்படியென்றால், குடும்பத்தில் இருக்கிறவர்களிடமும் நண்பர்களிடமும் பக்குவமாகப் பேச ஆரம்பிக்கலாம், இல்லையா?—கொலோசெயர் 4:6-ஐ வாசியுங்கள்.

2. சபையாரோடு சேர்ந்து ஊழியம் செய்வதால் என்ன பலன்கள் கிடைக்கும்?

இயேசுவின் சீஷர்கள் தங்களுக்குத் தெரிந்தவர்களிடம் மட்டுமே நல்ல செய்தியைச் சொல்லவில்லை. இயேசு அவர்களை “ஒவ்வொரு நகரத்துக்கும் . . . இரண்டிரண்டு பேராக அனுப்பினார்.” (லூக்கா 10:1) இப்படி ஒழுங்கான முறையில் அவர்கள் ஊழியம் செய்ததால் நல்ல செய்தியைக் கேட்க நிறைய பேருக்கு வாய்ப்புக் கிடைத்தது. ஒன்றாகச் சேர்ந்து ஊழியம் செய்ததால் சீஷர்களுக்கும் அதிக சந்தோஷம் கிடைத்தது. (லூக்கா 10:17) நீங்களும் சபையில் இருப்பவர்களோடு சேர்ந்து ஊழியம் செய்வதைப் பற்றி யோசிக்கலாம், இல்லையா?

 ஆராய்ந்து பார்க்கலாம்!

5. நல்ல செய்தியைச் சொல்வது சந்தோஷம் தரும்

நல்ல செய்தியைச் சொல்லும் வேலையை இயேசுவுக்கு யெகோவா கொடுத்தார். இயேசு அந்த வேலையைப் பற்றி என்ன நினைத்தார்? யோவான் 4:34-ஐப் படித்துவிட்டு, இந்தக் கேள்விகளைப் பற்றிக் கலந்துபேசுங்கள்:

• சாப்பாடு சாப்பிடுவது நாம் உயிர்வாழ்வதற்கு உதவி செய்கிறது, சந்தோஷத்தையும் கொடுக்கிறது. கடவுளுடைய விருப்பத்தின்படி நடப்பது (உதாரணத்துக்கு, ஊழியம் செய்வது) ஏன் உணவு சாப்பிடுவதுபோல் இருப்பதாக இயேசு சொன்னார்?

• நல்ல செய்தியை மற்றவர்களுக்குச் சொல்வதால் என்னென்ன சந்தோஷங்கள் கிடைக்கும் என்று நீங்கள் நினைக்கிறீர்கள்?

 சுருக்கம்

மற்றவர்களிடம் நல்ல செய்தியைச் சொல்வது சந்தோஷம் தரும். நீங்கள் நினைக்கும் அளவுக்கு அது கஷ்டம் கிடையாது.

ஞாபகம் வருகிறதா?

• நல்ல செய்தியை நாம் ஏன் மற்றவர்களுக்குச் சொல்ல வேண்டும்?

• அதை எப்படி நீங்கள் மரியாதையோடு சொல்லலாம்?

• உங்களுக்குப் பயமாக இருந்தால், எப்படி அதைச் சமாளித்து மற்றவர்களிடம் பேசலாம்?