GIHEVBULO 22

U nga tshumayela kharini mahungu nya yadi?

WOMBISA

Kala avba u hevbude silo nya singi omu nya Bhibhiliya. Si nga gira nu pimisa khuwe: ‘Vathu vatshavbo va di yede gu siti!’ Isoso lisine, va yede gu siti kamo! Ambari ulolo, adzina u ngu thava gu bhuleya vambe esi u si hevbulago. Ga gihevbulo gegi, hi na wona egi gi na gu phasago gu mba thava gu tshumayela hi bwe hi ganeya khu litsako u na li manago khu gu bhuleya vambe mahungu nya yadi.

1. U nga bhula kharini ni vathu khesi u si hevbulago?

Vapizane va Jesu va di khavo: “Kha hi dzi kodzi gumba pwadza vathuni iso hi nga si wonago ni gu sipwa.” (Mithumo 4:20) Avo va di gu li gola ngudzu lisine nyo bwe va vbweta gu bhuleya vathu nya vangi khavba va si kodzidego khavbo. Ina anuwe u ngu dzipwa kharato? Wo ba u dzipwa kharato, vbwetedzeya dzindziya nya dzadi nyo bhule khidzo ni valongo vago ni dzipari khesi u si hevbulago. — Leri Vakolosi 4:6.

Dzindziya nyo pheye khidzo mabhulo:

Wo ba u bhula ni nongo nyo khaguri, adzina u nga pheya kharati: “Somo silo nyo tsakise nyi nga si hevbula semana yeyi.”
Thumisa livhesi nyo khaguri nya Bhibhiliya gasi gu thaveleya pari yago yi dwalago mwendro yi garadzegago.
Tepo sithumi sikwawe si gu wudzisago edzi gu nga gimbiya khidzo guvbeya nya semana, va bhuleya esi u nga si hevbula omu nya Bhibhiliya mwendro tshanganoni nya libandla.
Yeyedza dzipari dzago saite jw.org.
Konvhidhari muthu a ta manega avba nya gihevbulo gyago nya Bhibhiliya mwendro u mu yeyedza malombelo nya gihevbulo nya Bhibhiliya omu nya jw.org.

2. Khu ginani si gu sa lisima gu tshumayela gumogo ni libandla?

Vapizane va Jesu kha va nga ba va tshumayela mahungu nya yadi ga vathu va nga ba va vati basi. Ganiolu, Jesu a di va “rumela vavili vavili gu thanga, va bela khu mitalalani mwendro madhoropani” va ya tshumayela. (Luka 10:1) Mathumelo yoyo ma ningide lithomo vathu nya vangi nya gu vapwa mahungu nya yadi. Vbavbandze nya isoso, olu va nga ba va tshumayela ni vambe vapizane si di gu va reseya litsako. (Luka 10:17) Ina anuwe u nga tshumayela gumogo ni libandla?

GIRA WUGEVISISI NYO ETE

Wona egi gi na gu phasago gu mba thava gu tshumayela u bwe upwa litsako nya gu bhuleye vambe mahungu nya yadi.

3. Jehovha a na ba ari nago

Ava va vbwetago gu pheya gu tshumayela va nga thava khu gu dundrugeya khesi vathu va na si pimisago khawe mwendro gu va gira.

U ngu thava gu bhuleya vambe vathu esi u si hevbulago? Khu ginani?

Sistirini VHIDHYU, mu vbedza mu bhula khu giwudziso gegi.

VHIDHYU: Nyi di gombeya ga Jehovha nyi lomba gutiya-hwambo (4:05)

Ginani gi phasidego vaphya vava nya Dzifakazi dza Jehovha gu mba thava?

Lerini Isaya 41:10, mu vbedza mu bhula khu giwudziso gegi:

Wo ba u thava gu tshumayela, nombelo wu nga gu phasa kharini?

U di gu dziti?

Dzifakazi dza Jehovha nya dzingi muhuno dzi di gu pimisa gu khidzo gima kha dzi na nga si kodza gu tshumayela mahungu nya yadi ni vambe. Khu giyeyedzo, ndriyathu Sergey, a vbanyago Rússia, a di gu dzi wona na si phasi gilo nigu si di gu mu garadzeya gu bhula ni vathu. Ganiolu, a di pheya gu hevbula Bhibhiliya. Wari khuye: “Ambari olu nyi nga ba nyi thava, nyi di pheya gu bhuleya vambe esi nyi nga ba nyi hevbula. Nya mba si vireya, gu bhuleya Bhibhiliya vambe si nyi phaside gu pala gigaradzo gyangu nyo dzi woneya vbavbatshi. Nigu si tiyiside gukhodwa gwangu ga esi nyi nga ba nyi si hevbula.”

4. Ganeya khu ndziya nya githawo

Tepo u bhulago khu mahungu nya yadi ni vambe, u nga pimisi basi khesi u na ganeyago, ganiolu pimisa gambe khedzi u na si ganeyago khidzo. Lerini 2 Thimoti 2:24 ni 1 Pedro 3:15, mu vbedza mu bhula khu siwudziso sesi:

U nga thumisa kharini mavhesi yaya tepo u bhulago ni vambe vathu khu mahungu nya yadi?
Si nga gira valongo ni dzipari nyo khaguri va si si khodwi esi u va hevbudzago. Ginani u na girago? Ginani u si yeligo gu gira?
Khu ginani si gu sadi gu va gira siwudziso khu ndziya nya yadi vbavbandze nyo va gurumedze gu khodwa esi u va hevbudzago?

5. Gu bhuleya vambe mahungu nya yadi si ngu resa litsako

Jehovha ningide Jesu thumo nyo tshumayele mahungu nya yadi. Jesu a di gu wu wona kharini thumo wowu? Lerini Johane 4:34, mu vbedza mu bhula khu siwudziso sesi:

Vbavbandze nyo hi ninge womi nya wadi basi, guhodza nya gwadi gu ngu hi reseya litsako. Khu ginani Jesu a nga ganeya khuye gu gira gugola ga Nungungulu, khu giyeyedzo, gu tshumayela mahungu nya yadi, si ngu fana ni gu hodza nya gwadi?
Wo si wona kharini, ina gu tshumayela mahungu nya yadi si ngu resa litsako?

Mawonelo nyo khaguri:

Ga tshangano wa vbakari nya semana, zama gu wona dzindziya nyo pheye khidzo mabhulo.
Dzi lovedzise gu gira sipandre nya sihevbuli tshanganoni wa vbakari nya semana. Sipandre sesi si na gu phasa gu mba thava tepo u bhuleyago vambe esi u si hevbulago.
Thumisa dzikwadru “Vambe vari khavo” mwendro “Vambe va nga wudzisa khavo” nya libhuku leli gasi gu dongiseya edzi u na hlamulago khidzo siwudziso nyo khaguri ni gu hlamula muthu a gu mba khodwa esi u si ganeyago.

VAMBE VA NGA WUDZISA KHAVO: “Khu yavbini nya maphya?”

U di hadzi londrola kharini lithomo leli gasi gu bhuleya muthu esi u si hevbudego avba nya gihevbulo gyago nya Bhibhiliya?

REZUMO

Gu tshumayela mahungu nya yadi si ngu resa litsako nigu si ngu vbevbuga ngudzu gu pheya mabhulo.

Siwudziso nyo wusedze

Khu ginani hi bhuleyago mahungu nya yadi vambe vathu?
U nga gira kharini isoso khu ndziya nya githawo?
U nga gira kharini gasi u si thavi gu tshumayela?

Gihevbulo gegi gi vbede khu dhiya:

Zama gu gira esi

Hatha muthu nyo khaguri gasi u mu bhuleya khu mahungu nya yadi. Pimisa khesi u na mu bhuleyago, edzi u na mu bhuleyago khidzo, ni tepo yakona nyo mu bhuleye khiyo.

Simbe u nga girago:

Your other goal