SJEJEL 22
¿Jastal oj bʼobʼa chol ja lekil rasonik?
Yajni anaʼa ja jastik meran wa sjeʼa ja Biblia, bʼobʼta wa pensaran: «¡Tʼilan oj chʼak snaʼe ja kristyano!». Sok aya wiʼoj rason; tʼilani oj chʼak snaʼe. Pe bʼobʼta oj ya ochuka xiwel spensarajel xcholjel yabʼ ja tuk ja jas wana snebʼjel. La kiltik jastal mixa oj xiwan sok yabʼjel stsamalil ja xcholjel yabʼ ja tuk ja lekil rasonik wa xyala ja Biblia.
1. ¿Jastal oj bʼobʼa cholyabʼ ja matik waxa naʼa sbʼaj ja jas wana snebʼjel?
Ja snebʼumanik ja Jesús yalawe: «Mi xbʼobʼ katikonkan yaljel ja bʼa jastik kilunejtikon sok kabʼunejtikoni» (Hechos 4:20). Jelni chaʼanyabʼal yilawe ja smeranil bʼa skʼana oj yal-e yabʼ ja tuk ja janekʼni bʼobʼyujile. ¿Jach maʼ waxa wabʼ ja weʼn? Anto, leʼa modo yaljel yabʼ ja jas wana snebʼjel bʼa jun modo waxa kisawe jawa pamilya soka wa wamigoʼik (kʼuman ja Colosenses 4:6).
Jujuntik modo bʼa oj kʼeʼa kʼuluk
-
Yajni la loʼilanisok juna pamilya, kʼeʼan alayabʼ bʼa Biblia jastaltik it: «Ja semana it jnebʼa jun jasunuk jel chaʼanyabʼal».
-
Yajni maloʼay juna wamigo ma chamkʼujol ay, jeʼayi jun teksto bʼa oj koltajuk.
-
Yajni jawa mojik aʼtel sjobʼowi jastal wajawuj ja bʼa chʼakum semana, choloyabʼ jun jasunuka nebʼa ja bʼa westudio bʼa Biblia ma ja bʼa reunioni.
-
Jeʼayi jawa wamigoʼik ja sitio bʼa Internet jw.org.
-
Loko ja tuk ja bʼa westudioʼik bʼa Biblia ma jeʼayile jastal oj bʼobʼ skʼan-e jun estudio bʼa Biblia ja bʼa jw.org.
2. ¿Jas yuj oj wa el slekil ja yajela kʼelsat xcholjel soka kongregasyon?
Ja snebʼumanik ja Jesús, mi kechan xcholowe yabʼ ja lekil rasonik ja matik wa snaʼawe sbʼaj. Ja Jesús «sjektalan chatike bʼa yibʼanal ja chonabʼik» bʼa oj xchol-e tiw (Lucas 10:1). Ja jastal jekjiye xcholjel koltani bʼa jachuk jitsan kristyano oj yabʼye ja lekil rasonik. Chomajkil, ja nebʼumanik jel gustoʼaxiye yuja lajan xcholowe (Lucas 10:17). Jaxa weʼn, ¿jastal lek mi xwa ajyuk jawa kʼelsat bʼa oja chol soka kongregasyon?
LA JNEBʼTIK MAS
La kiltik jastal mi jel oj xiwan sok jastal oja wabʼ gustoʼil xcholjel ja lekil rasonik.
3. Ja Jyoba ti oj ajyuka mok
Jujuntik ja maʼ wa skʼanawe oj xchol-e wa xcham skʼujole jastal oj yabʼ ja tuk ma jas oj spensaraʼuke.
-
Yajni waxa pensaran oja cholyabʼ ja tuk ja jasa wana snebʼjeli, ¿wan maʼ la xiwi, ma miyuk? ¿Jas yuj?
Kʼelawik ja BIDEO sok loʼilananik sbʼaja jas ti nochani:
-
¿Jasa koltajiye ja keremtik akʼixuk bʼa mixa oj xiwuke?
Kʼumanik ja Isaías 41:10 sok loʼilananik sbʼaja jas ti nochani:
-
¿Jas yuj tʼilan oja wayi orasyon ta wala xiw bʼa xcholjel?
¿Wan maʼ xa naʼa ajyi?
Jitsan testigo bʼa Jyoba ay ekʼele spensarane nunka oj bʼobʼyujile xcholjel. Jun sjejel, ja Sergey wa xyabʼ mi jas xmakuni sok wa xyabʼ jel wokol loʼilanel soka tuk. Pe jun kʼakʼu kʼe skʼul estudiar ja Biblia. Ja yeʼn wa xcholo: «Ama wala xiwyon, jtsatsankʼujolan jbʼaj bʼa loʼilanel soka tuk sbʼaja jas wanon snebʼjel. Bʼa mini jawa xmajlay, ya tsatsbʼuk ja jastal wa xkila jbʼaji sok kʼot man jkʼujol ja sjejelik bʼa Biblia».
4. Kʼulwanan respetar
Bʼajtanto ay maʼ oja cholyabʼ mok kechan apensaraʼuk ja jas oja wal, cha pensaran jastal oja wale. Kʼumanik ja 2 Timoteo 2:24 sok 1 Pedro 3:15, sok loʼilananik sbʼaja jas ti nochani:
-
¿Jastal oj bʼobʼ wa makunuk ja bersikuloʼik jaw yajni xa choloyabʼ bʼa Biblia ja tuk?
-
Bʼobʼta jujuntik jawa pamilya ma wa wamigoʼik mi akuerdo oj ajyuke amok. ¿Jas oj bʼobʼa kʼuluk? ¿Sok jasa miyuk?
-
¿Jas yuj mas lek loʼilanelsoke jach sok respeto ke yuja yaljel yabʼye jas oj skʼuʼuke?
5. Xcholjel ja lekil rasonik wa xya gustoʼaxukotik
Ja Jyoba yayi ja aʼtel bʼa xcholjel ja lekil rasonik ja Jesús. ¿Jastal yila ja aʼtel jaw? Kʼumanik ja Juan 4:34 sok loʼilananik sbʼaja jas ti nochani:
-
Ja waʼelik bʼa lek wa xya ajyukotik sakʼan sok gusto. ¿Jas yuj ja Jesús yala ke skʼulajel ja jas wa skʼana ja Dyos, bʼa ti chʼikan ja xcholjel, jach jastal smakʼlajel jbʼajtik?
-
Bʼa weʼna, ¿jastal oj ya gustoʼaxan ta waxa cholo ja lekil rasonik?
Ja jastik oj bʼobʼa kʼuluki
-
Ja bʼa reunión bʼa yoj semana, ila jujuntik modo jastal oj bʼobʼ wa kʼeʼuka loʼil.
-
Jobʼoyi jawa maestro jasa oja kʼuluk bʼa oj ajukawi jun asignasyon ja bʼa reunión bʼa yoj semana. Jawa wasignasyon oj ajukawi oj skoltaya bʼa mas chapan oj ajyan bʼa oja walyabʼ ja tuk ja jas wana snebʼjeli.
-
Amakunuk ja bʼa juʼun it «Ja jas wa xyalawe jujuntik» sok «Ja jas wa sjobʼowe jujuntik» bʼa xchapjel jastal oja jakʼ ja sjobʼjelik sok ja jas kʼajyel wa sjobʼowe ja tuk.
JA JAS WA SJOBʼOWE JUJUNTIK: «¿Jastal wan wajelawuj? ¿Jasa akʼuluneji?».
-
¿Jastal oj bʼobʼ wa makunuk ja bʼa ekʼele jaw bʼa xcholjel ja jasa nebʼunej ja bʼa wa westudio?
JA JASA NEBʼA
Loʼilanel sbʼaja lekil rasonik wa xya gustoʼaxukotik, sok mini jel wokoluk jastalni waxa pensaran.
Yajel juljkʼujoltik
-
¿Jasa oj bʼobʼ snika bʼa xcholjel ja lekil rasonik?
-
¿Jastal oj bʼobʼa kʼul bʼa jun modo waxa jeʼa respeto?
-
¿Jasa oj skoltaya bʼa mi oj xiwan?
LEʼA TUK JASTIK
Ila chane modo bʼa pasil xcholjel yajel makunuk ja tarjeta bʼa jw.org.
Nebʼa bʼa chane jas oj skoltaya loʼilanel soka tuk sbʼaja lekil rasonik.
«¿Pwesto maʼ aya bʼa ochel yamachay bʼa kristyanoʼik?» (Ja Juʼun Cholumani, septiembre bʼa 2020)
Kʼela jun loʼil bʼa Biblia bʼa wa skoltayotik mi oj xiwkotik bʼa xcholjel ama mito ay jkʼujoltik.
Kʼuman jastal oj bʼobʼ loʼilanan bʼa Biblia soka wa pamilyaʼik bʼa mito snaʼawe sbʼaj ja Jyoba.
Bʼobʼta cha ojni akʼul gusto
SJOBʼJELIK MAS TIKʼANIK WA X-AXI
¿Jastal ja estudio b’a Biblia wa skʼapawe ja testigo’ik b’a Jyoba?
Ja bʼa estudio kʼebʼubʼal wa xyaʼawe ja testigoʼik bʼa Jyoba, ja weʼn wani xbʼobʼa wa makunuk chikan jas Biblia. Cha wani xbʼobʼa lok yibʼanal jawa pamilya sok jawa wamigoʼiki.
